莊思明孖楊明澳門睇GD演唱會化身小迷妹企足8個鐘：幾攰都值得

娛圈事

莊思明孖楊明澳門睇GD演唱會化身小迷妹企足8個鐘：幾攰都值得

2025年06月08日 22:00 最後更新：06月09日 08:46

莊思明與楊明前往澳門觀賞「G-Dragon World Tour 2025」演唱會。莊思明在社交平台發佈長文，分享她作為粉絲的親身經歷與對G-Dragon（GD）的熱愛。她表示，為見GD，站了足足8個鐘頭。雖站到腰酸背痛、腳部麻痺，但當GD出現的那一刻，一切疲勞都值得。她寫道：「為咗見你我足足企咗8個鐘，雖然企到腰酸背痛對腳又好似唔係自己嘅但你一出現個刻真係幾攰都值得！」

莊思明分享了一件獨特往事：11年前在她契哥的夜場「PLAY」慶祝生日時，契哥預告有「生日大驚喜」。後來朋友尖叫告知「GD入咗嚟呀！」，她卻不識GD，反問：「邊個係GD? 咩係Big Bang?」友人驚訝回應：「你唔係呀嘛」。

點擊看圖輯

IG@lisa_chng圖片

更多相片

IG@lisa_chng圖片

契哥隨後帶莊思明和孖生家姐Mona @m.c.hua到GD身邊，告知當晚是她們生日。GD主動握手說：「Happy birthday！」她憶述：「嗰刻我所有朋友都向我哋發出極度羨慕嘅眼光，但可惜嗰陣時嘅我真係唔知道佢係邊個所以我只同佢寒暄咗幾句飲咗兩杯酒我就返咗去同自己嘅朋友玩啦」。

這次經歷促使她深入了解GD，看過無數BIGBANG和GD的表演片段後正式「入坑」，並與阿嫂到吉隆坡觀賞BIG BANG演唱會。她感慨當時極度後悔：「喺嗰個moment我極度後悔點解自己唔早啲入坑呢？如果早啲知佢係邊個咁生日party嗰晚我應該唔會傾幾句偈就走囉」。她說，每當與朋友談起此事，總被責罵。

莊思明讚揚GD才華出眾，雖被稱天才型歌手，但其背後付出巨大努力：「從7, 8歲開始訓練11年先正式出道」。GD年少時將青春奉獻給舞蹈、作曲、作詞等訓練。她認為這種堅持精神值得學習：「佢嗰份永不放棄嘅毅力，為咗夢想去不斷努力奮鬥嘅精神真係好值得大家去學習！」。

她最欣賞GD的謙卑態度：「雖然佢一早已經貴為天王巨星，但係佢一直都係謙卑做人，努力做好自己！」作為粉絲，她寄語GD：「希望你能夠開心快樂咁繼續做自己，因為你已經唔需要再向世界去證明任何嘢，你一早已經做到了！」。

文末，莊思明用韓文及英文表達心意：「Jiyong, you are the best!!! 콴지용, 넌 최고야! 사랑해 @xxxibgdrgn」。G-Dragon World Tour 2025

往下看更多文章

莊思敏捲室內吸煙風波疑出PO公審拍片者引網民炮轟

45歲的「拿督千金」莊思敏（Jacquelin）向來敢作敢為，近日她被指疑似在室內吸煙，隨後她更在社交平台公開一名女子的正面照，疑似公開拍片者身份及進行網絡公審，引來網民不滿！

從網上流傳的影片可見，莊思敏當時身處北角一間餐廳內，鏡頭拍下她疑「吐霧」的動作，同時將手上的煙狀物傳給身旁男友人；另一短片則清晰可見她邊聽着台灣樂隊茄子蛋的歌曲《浪子回頭》，一邊搖擺身體兼跟着唱，心情靚爆，同時亦見到她兩旁的男、女友人正在吸飾疑似香煙。

View on Threads

由於香港已實施室內禁煙接近20年，發文者表示：「莊思敏and無品friends餐廳食雪茄，係咪當咗自己私竇呀，自私X。」隨後亦引來網民熱議，紛紛留言：「其實我唔歧視人食煙、食大麻食大空油都唔關我，但你班煙鏟可唔可以去室外第二度食呢」，又有人揶揄莊思敏：「又有人可能近排的士牌價大跌！所以壓力太大」，更有人則疑她手上身不像煙或雪茄：「雪茄會Pass？」

事件在網上持續發酵，莊思敏亦終於在社交平台現身，但並非為事件解畫，而是公開一名女子的照片，並留言：「我有個朋友仔想認識吓呢位靚女。可唔可以做個紅娘，有冇人識呀？」相中女子疑與她在同一餐廳，隨即引來網民狂轟莊思敏作為公眾人物，不但未有為個人行為解釋或道歉，反而公開挺身而出的拍片者想引來公審，又似作出威嚇，行為令人髮指！事後，莊思敏都有刪走貼文。

對於疑似在室內吸煙一事，莊思敏接受傳媒訪問時指，當時她手上的是雪茄仔，並不是煙或毒品，而且她沒有吸食，只是負責傳遞，「如果係我食嘅，佢點會冇我食煙同噴煙相？」又透露當時餐廳並不是公開營業，所以其他人都比較放鬆，下次會注意。至於疑公開拍攝者樣貌作公審，其後又刪文一事，她就指是誤會，因為有朋友忘記相中女子的名字，所以在社交平台尋人，而她忘記個私人社交網綁定了另一個社交網帳號，所以變成公開Post！

你或有興趣的文章

莊思明孖楊明澳門睇GD演唱會化身小迷妹企足8個鐘：幾攰都值得

娛圈事