肥苟變索苟 唔靠男友慳家掃平衫

早年中了「不瘦降」的苟芸慧，今年終於成功甩脂，清減不少。「肥苟」體重回落，變番索苟，即有仔埋身。有指她與錫礦大王陸佑後人、賽車手陸漢洋（前名陸恭和）拍拖半年，早前緋聞男友生日，苟姑娘亦有高調現身慶生。33歲的苟姑娘箍掂有米男友，平日生活亦好貼地。日前，見她化靚妝獨自逼港鐵去尖沙咀，去完銀行就行平價時裝店，啲衫一、兩百一件，索苟就大手掃了兩袋，咁知慳惜儉，娶得過喎！

苟芸慧穿梭特價區，睇完一百蚊衫，主攻掃二百蚊一件的時裝

化了妝的苟芸慧，迫港鐵唔使戴墨鏡

苟芸慧揀了多件秋冬款式的上衣，掃定換季衫

傳與苟芸慧因賽車秘交逾半年

苟芸慧09年由加拿大返港參選《國際中華小姐》，當年狀態大勇的她成功奪冠。13年，她疑介入郭富城和熊黛林的「富黛戀」，因不堪外界壓力，患上甲狀腺失調同抑鬱症，身形暴脹，由fit爆115磅，變為最高峰達170磅的「肥苟」。忽變水桶，肥苟被逼減產，更一度返加國避世。直至去年尾，瘦番一個碼的她重返TVB拍劇，更與有米陸漢洋撻着。

09年，身材均勻又有清純樣的苟芸慧參選中華小姐奪冠

減磅的苟姑娘穿露膊衫，索爆現身電動房車賽

日前下午二時許，化了靚妝的苟芸慧現身中環，見她手拎雨傘，輕鬆行去搭港鐵。迫車其間，苟姑娘聽音樂hea時間，雖然有唔少途人望實佢，但她一於少理，繼續陶醉搖頭，到尖嘴落車後就急步行上銀行，逗留約個半鐘才離開。去完銀行，她行去附近商場The One，以為她返有份投資的點心店巡舖，但她竟過門而不入，近日有傳她和點心店大股東陳君宜友情不再，致她絕跡店舖，又似層層喎！

苟芸慧左右膊頭各孭一袋

苟芸慧順路入便利店買嘢飲後增值

 
苟姑娘之後行入一間正在做大特價的時裝店，夏天服一百蚊有交易，秋冬新貨都係二百蚊起。見她專睇二百蚊特價衫，衫、裙掃一堆，揀完一堆即入試身室猛試，然後揀色揀size，搞足個半鐘，就大手掃了兩大袋戰利品，左右膊頭各孭一袋，繼續慳妹上身，搭港鐵走人。

「陸苟戀」雖被當事人否認，陸漢洋生日時苟芸慧不避嫌風騷現身

錫礦大王陸佑後人、賽車手陸漢洋

苟芸慧新歡陸漢洋，為公和建築創辦人陸孝佩與聖安娜餅店創辦人Catherine的兒子，37歲時轉做職業賽車手。早年，陸漢洋曾與官恩娜和應采兒拍拖。傳出「陸苟戀」後，即有指男方同時有個拍拖多年的無綫前主播女友張頌恩，但男方否認。

繼於廣州及佛山舉行「Remember記得・鍾嘉欣演唱會」後，鍾嘉欣Linda昨日（4月26日）假深圳寶安體育中心體育館開騷，雖然已馬不停蹄開到第三站，但觀眾反應一如以往熱烈，現場座無虛席，而深圳站個唱，Linda更破天荒邀請歌手黎瑞恩現身站台做嘉賓，二人首次合作獻唱家傳戶曉名曲《一人有一個夢想》，為個唱掀起高潮，而觀眾席上亦有楊茜堯、楊思琦、馬浚偉、苟芸慧等，現場星光熠熠！

鍾嘉欣Linda昨日假深圳寶安體育中心體育館開騷。

鍾嘉欣Linda昨日假深圳寶安體育中心體育館開騷。

對成長大影響

過往Linda演唱會未請過嘉賓，今次特意邀請黎瑞恩驚喜現身，鍾嘉欣解釋說：「我的劇集及專輯歌較多，之前覺得未到時候邀請嘉賓，而我每次演唱會主題都希望帶正能量、一點愛畀其他人，今次覺得係時候請一位嘉賓，而呢位嘉賓，我想邀請一位對我成長有影響嘅人。而且佢嘅歌係要有正能量，於是就諗起黎瑞恩。」

鍾嘉欣與黎瑞恩。

鍾嘉欣

鍾嘉欣

從小於加拿大長大的Linda直言小時候廣東話欠佳，常靠唱K學習中文，在云云歌曲之中，Linda每次都會唱《一人有一個夢想》，她認為這首歌充滿希望，讓她幻想到美麗的將來，Linda表示：「我細個夢想做演員歌手，唔知係咪成日唱《一人有一個夢想》嘅關係，吸引力法則，大個之後，竟然夢想成真做演員、歌手。」Linda大爆現在亦會以唱K方法教授子女中文，不時向子女播放《一人有一個夢想》。

鍾嘉欣

鍾嘉欣

鍾嘉欣

欣賞對方積極

談到黎瑞恩為她站台，Linda憶述與黎瑞恩相識於黎諾懿婚禮，當晚在婚宴偶遇黎瑞恩，聊了數句，發現對方親切友善，第二次相遇，是觀賞對方舞台劇，Linda更大讚對方聲線一流，渴望對方可繼續唱歌。為了邀請黎瑞恩做個唱嘉賓，Linda托朋友找來對方電話，她親自發訊息給黎瑞恩，想不到對方即一口答應，令Linda大感窩心，鍾嘉欣稱讚黎瑞恩：「佢嘅人生閱歷豐富，勇敢面對風浪，喺佢身上學習到積極前進，我非常欣賞佢。」

鍾嘉欣與黎瑞恩。

鍾嘉欣與黎瑞恩。

除了黎瑞恩，個唱觀眾席上亦有楊茜堯、楊思琦、馬浚偉、苟芸慧等，Linda指很開心開騷獲得很多身邊人的支持，她謂：「每次開騷，我都希望邀請好朋友，或生命中跟我同行嘅人出席。」Linda指馬浚偉是她入行拍攝劇集《皆大歡喜》時首位認識的男藝人，與他識於微時，馬浚偉見證着她成長，而當時馬浚偉對作為新人的Linda亦給予極大包容及耐心。跟楊茜堯同樣識於微時，二人曾合作劇集《溏心風暴》，Linda欣賞楊茜堯個性爽直，縱使現在鍾嘉欣長居加拿大，她們仍保持聯絡，二人會互相鼓勵，亦會談論育兒經及分享私事，至於楊思琦，Linda表示：「好開心楊思琦嚟睇演唱會，初入行好多電視劇都係同佢拍，同佢有好多回憶，其實我哋已經幾年冇見面，今晚可以再次見番佢，真係好開心。」而另一好姊妹苟姑娘則是第二次到場支持Linda開騷。

鍾嘉欣與馬浚偉。

鍾嘉欣與苟芸慧。

鍾嘉欣與楊思琦。

預告香港開騷

此外，今次Linda大女Kelly亦到場支持媽媽，鍾嘉欣指由於Kelly是第一胎，故母女情特別多感受，她說：「對Kelly好多感覺，好多歌曲靈感都係來自Kelly，能夠演唱會喺佢面前親口演唱專程為佢寫嘅歌《做你的晨㬢》，覺得好開心。」她還自爆下站個唱將到訪惠州，並向粉絲預告：「2025年已有全盤計劃，2026年希望能夠喺香港開騷，咁就圓滿！因為香港係我建立事業嘅地方，亦係我成長嘅重要地，所以一定要喺香港開騷。」

鍾嘉欣與囡囡kelly及楊茜堯。

鍾嘉欣與楊茜堯。