乘達長途車難免遇上三急，如是突然要「辦大事」，真的會令人措手不及！有巴士乘客日前乘搭龍運巴士期間，遇有乘客便意來襲，在車廂內「瀨屎」，司機唯有將巴士停在屯門赤鱲角隧道附近，請全車乘客下車。
FB圖片
有人在車廂瀨屎 全車人落車等下一班
這位乘客於上星期六(6月21日)在「是日快快-巴士即日相」FB群組發文寫到「因為有人在車廂瀨屎，到屯赤擺街」照片中見到不少乘客下車後，正等候下一班車。
龍運巴士：有乘客反映車廂「衛生狀況異常」
而龍運巴士回覆傳媒查詢時表示，當日上午一輛巴士行駛至屯門赤鱲角隧道時，車長接獲乘客反映車廂「衛生狀況異常」。車長在確保安全的情況下，將巴士停靠於屯門赤鱲角隧道轉車站，並安排乘客改乘另一輛巴士繼續行程。
網上圖片
網上圖片
網上圖片
網民籲多體諒：冇人想瀨嘅
帖文得到網民的熱烈回應，有人稱「好噁心」、「遍車黃金」、「剩係睇字，都覺得臭」、「遇到塞車仲大鑊」，但有網民就認為應多體諒，「搭長途車最怕攪肚痛，應該冇人想瀨嘅」、「我諗佢都唔想嘅，搭巴士先嚟肚屙其實真係好難頂，自己都試過雖然忍得住，但係過程標哂冷汗好辛苦。」
網上圖片
司機網民分享遇過類似經歷
有任職巴士司機的網民留言，分享遇過類似的經歷，「嗰陣時都試過，揸606去到藍灣半島總站，落完客，再巡車，發現有尊貴嘅乘客放低咗兩嚿大大嚿的番薯。竟然冇人出聲，之後都係揸返廠洗車」、「我試過晚上做97尾車返到東村（南區利東邨），下層右尾位成灘意式肉醬，睇嚟佢腸胃唔多好」。
網上圖片
腸胃不太好網民道出辛酸
有腸胃不太好的網民道出辛酸，「我本人就是成日控制唔到大便，所以我最怕坐長途車，因急起上來唔係即刻可以搵到有廁所的。大人大姐邊個想瀨屎吖，正常人當然唔明啦，我睇過中醫和腸胃科醫生都無效」。
