VIVA女團聯乘企劃感動滿瀉 Cheronna@SG、Crystal@HotCha齊爆血淚史

女團VIVA為慶祝成軍一周年，展開「女團聯乘企劃」，頭炮請來As One陳葦璇後，不少網民都「許願」希望VIVA跟Super Girls及HotCha聯乘，結果願望成真，今次再成功邀得Super Girls成員Cheronna及HotCha的Crystal合作。兩位前輩一講起當年女團辛酸史，VIVA一邊聽一邊眼濕濕，場面催淚又熱血。

Super Girls Cheronna

HotCha Crystal

Cheronna一開始便就笑着說：「好難得可以同隔咗咁多代嘅女團合作。」VIVA成員Carina好奇問Cheronna當年組團經過，「講有一個電視台想組合一班女仔一齊。一個暑假嘅時間，我就去學唱歌跳舞，training期間已經走咗兩、三個人，好彩我都幾有信心佢哋唔會踢我走，哈哈。」VIVA成員聽到即刻起哄：「Woo～」。至於女團成員間的摩擦，Cheronna笑言：「我哋五個性格完全唔同，今日你退一步，聽日就輪到佢退一步咁囉！」那麼如何解決？Cheronna謂：「打千字文！通常都係理性…… 咁鬧交！」

影片截圖

影片截圖

問到最印象深刻的表演，Cheronna即時哽咽：「三日內要學識隻舞，仲要着尖頭高踭鞋跳踢躂舞！Yanny跳到腳趾流血，佢望住天花啲管同自己講：『不如啲管快啲跌落嚟插死我啦！』」佢喊住話：「見到佢隻腳咁樣，我好心痛！但呢啲辛苦moment反而係人生最光輝嘅時間。而家我哋有啲已經係媽咪、係人妻啦，睇返你哋真係好感動。」

影片截圖

而HotCha的Crystal一見到VIVA就話：「好青春啊你哋！」隨後便分享「HotCha」隊名由來，她邊笑邊說：「係我哋自己改㗎，本身想叫Hot Chocolate，但驚俾人叫Pork Chop（豬扒）。HotCha係解狂熱分子，我哋就係HotCha Of Dance！」回想最辛苦時期，Crystal話：「一個月得兩日假，平時朝早化妝要輪流嚟，屋企人都見唔到！」她更說商場show訓練到她們沒有EarMon都唱到歌，「而家先知原來幫咗我好多，成就咗今日嘅自己。」

影片截圖

至於現在跟以前女團的不同之處，Crystal直言：「而家Social Media量化咗你哋嘅成績，幾多人睇過MV、幾多人follow個IG，我哋就冇呢啲壓力，但相對嚟講，其實我哋亦都唔知道自己做出嚟嘅成績係咪受歡迎？係咪有人鍾意？」組團期間最深刻的時候，Crystal坦言是HotCha成團的記者會，「一齊嗌good show，呢個group show唔係做完場呢場show就完，係一個我哋要開始呢個journey，真係一個我都會打冷震嘅『good show』我而家仲留咗嗰套衫。」

影片截圖

影片截圖

訪問期間VIVA成員已經忍不住喊，「你講緊嘅就係我哋而家嘅感受！」Crystal則很溫暖地說：「同你哋一齊唱你哋嘅新歌，好想你哋真可以做到歌詞嘅嘢，可以一齊去睇呢個世界，去到最尾，呢件係幸福嘅事。」

女團VIVA實況團綜《VIVA Medium Rare House S2》來到第八集，這集笑中帶淚，溫情又爆笑。今次主角是Carina，她邀請了在她家裏工作、照顧她足足十五年的外傭姐姐Janice到宿舍，更話要親自下廚煮大餐報答恩情。

觀看相關影片按連結：https://youtu.be/TxgETtwDbEI

Carina今次挑戰黑松露意粉、豬肋骨及甜品Crème Brûlée。等食期間，Ada告知Janice二人是Roommate，Janice即刻「呀」了一聲，然後露出神秘笑容，還拿出電話，「我俾佢屋企間房張相你睇。」然後追問：「佢有冇將你哋間房保持整齊？」Ada聽到即刻擰頭，Janice再直線抽擊，笑着說：「呀！it’s ok，佢冇變過。」之後Ada帶Janice參觀二人間房，又叫Janice猜哪一張床是Carina。Janice只看了一眼，便秒指一張被鋪凌亂的床，「呢張。」隨後，Ada指着枱面的書是Carina，怎料Janice即刻篤爆，「佢喺屋企瞓覺多過睇書。」Ada忍不住好奇問：「所以佢喺屋企唔睇書？」Janice不假思索，「我從來冇見過。」Ada聽到即刻失聲大笑！

影片截圖

影片截圖

影片截圖

影片截圖

影片截圖

影片截圖

影片截圖

說着說着，黑松露意粉順利完成，Carina坦言是第一次煮食給Janice食，Janice亦十分感動，「我永遠唔會忘記。」問到第一度菜值多少分？Janice想都不想便說滿分！更謂想打包返屋企給Carina媽咪及妹妹試，認真sweet！接着在製作第二道菜豬肋骨期間發生小意外，Carina開焗爐查看情況時，不小心燙到手，大叫一聲。在客廳的Janice一聽到，即刻衝到廚房門外，緊張說：「佢可能辣親。」但為免阻住Carina，Janice只好擔心地站在門外「眼甘甘」睇實，母愛滿瀉。豬肋骨成功出爐，Janice大讚以第一次來說講已經超水準，至於個甜品Crème Brûlée，就獲得VIVA三位成員一致推崇，封為當日MVP！

影片截圖

影片截圖

影片截圖

影片截圖

食飽飯，Carina跟Janice坐低大談心底話。Carina說雙方關係早就似家人，Janice會成日入房跟他傾偈、關心她。說着說着，Carina突然感觸哽咽，Janice便說：「我將佢哋視作我嘅仔女，我成日同佢哋講，我係佢哋嘅第二位母親。我哋之間有好多秘密。」Carina坦言近兩年忙於工作，已甚少時間跟Janice傾偈，想起當初入行不適應，因不想令媽咪擔心，所以只會跟Janice同妹妹傾訴，「佢未必會俾到好多解決方法我，但係佢喺度就係有一個好開心嘅energy。」聽到這裏，Janice都忍不住邊講邊喊，「我知道你已經開始踏上你嘅第一步，所以繼續努力、繼續行落去。無論發生乜嘢事，我都會為你感到驕傲。」場面感人。

影片截圖

影片截圖

影片截圖

最後，Janice除了祝福VIVA越來越好，更非常投入地幫手宣傳，用廣東話呼籲大家「CLS」她們的YouTube channel，還搞笑補充：「仲要有英文字幕㗎！」即刻哄得全場拍手大笑。

影片截圖

影片截圖

影片截圖