為「家姐細佬」周歲生日提前造勢 網友：8.15列法定假期先得！

夏日炎炎，海洋公園的熊貓熱潮一浪接一浪！這邊廂「安安」同「可可」的生日會剛剛散場，轉頭就輪到家姐「加加」同細佬「得得」的生日月即將閃亮登場！

家姐「加加」：呢幾日好多契爸契媽陪安安哥哥同可可姐姐過生日！海洋公園IG圖片

兩姐弟生日未至已率先開始製造興奮氣氛，海洋公園星期日在社交平台公開家姐「加加」同細佬「得得」的撒嬌預警，海洋公園小編笑問一眾熊貓粉絲：「細佬「得得」發射嘅可愛眼神攻勢，各位契爸契媽收到嗎？」

細佬「得得」：原來生日係咁好玩！唔到到時有無甘多人陪我哋呢？海洋公園IG圖片

細佬發射可愛眼神攻勢。海洋公園IG圖片

細佬「得得」：我唔理！到時我同家姐1歲生日要見到大家啊！海洋公園IG圖片

熊貓迷們等足一年終於將迎來兩姐弟的周歲生日，紛紛留言表達對這項城中盛事的期待：「開足一個月生日party」、「家姐、細佬既生日，應該直接定為法定假期」、「契媽契爸反而想問下，你地兩個生日果日係米同我地玩足七日，每日八個鐘？話哂第一年生日會喎」、「約定你地喇^_^希望家姐細佬後援會都有活動啦」、「我擔心8月15嗰日大家要8點就已經喺門口排隊」、「已經請定假啦」

「家姐」加加：約實你哋啊！海洋公園IG圖片

「家姐」加加：真係約實你哋啊！海洋公園IG圖片

Matt奶爸：有熊努力練緊輕功！Matt奶爸IG圖片

海洋公園兩隻大熊貓BB不經不覺已經一歲五個月大了，兩姐弟不同的性格亦越益顯露，基本上，家姐是優雅小公主，細佬就是搞笑擔當，各有不同路線。

家姐聽到奶爸大叫加加，開心得彈下彈下跑過來。香港大熊貓官方ig專頁影片截圖

家姐發現鏡頭對住自己。香港大熊貓官方ig專頁影片截圖

家姐保持斯文淡定的模樣。香港大熊貓官方ig專頁影片截圖

不過，兩隻BB畢竟都只是小熊友，家姐優雅之餘，也有活潑跳脫的一面。奶爸日前離港外遊，回來之後，家姐聽到奶爸叫牠，開心到彈下彈下、搖頭晃腦的跑向奶爸，連奶爸見到家姐的反應都錯愕地輕輕「嘩」了一聲，可見家姐見到奶爸回家有多開心呢！家姐的反應，讓所有貓粉都大呼冧爆，實在太sweet了。

奶爸叫得得，細佬大踏步走過來。香港大熊貓官方ig專頁影片截圖

細佬巡視零食庫。香港大熊貓官方ig專頁影片截圖

太紫殿下檢查零食庫庫存。香港大熊貓官方ig專頁影片截圖

而細佬雖然搞笑的時候多，但到底都係太紫殿下，將來要繼承樂樂爸比的海洋春卷王國王位的，所以，有時候也會表現「穩重」啊！太紫巡視零食庫時，步伐講究氣勢，有模有樣，絕不失禮。又例如香港大熊貓官方ig小編舉行第一屆PandaWalk大賽時，細佬就決定「讓賽」，盡顯太紫殿下的謙讓風範，但實情如何呢？其實係細佬忙住玩忙住食，寧願坐定定食竹竹，懶得行熊貓步。

家姐踏著優雅內八步伐，款款而來。香港大熊貓官方ig專頁影片截圖

家姐一心要做model，奪得第一屆PandaWalk大賽冠軍。香港大熊貓官方ig專頁影片截圖

家姐來個可愛轉身。香港大熊貓官方ig專頁影片截圖

家姐仔就好認真，在鏡頭前踏著優雅的內八步伐，款款前行，還會來個輕盈轉身，即使細佬不「讓賽」，PandaWalk冠冕都勢必是家姐的囊中物了。

一心掛住玩的細佬。香港大熊貓官方ig專頁影片截圖

細佬寧願食竹。香港大熊貓官方ig專頁影片截圖