大熊貓龍鳳胎瀑布小溪初體驗 加加得得：我哋自己都識探險

海洋公園大熊貓龍鳳胎「加加」和「得得」不單越大越精靈，而且還越來越大膽，就算媽媽「盈盈」不在身邊，都敢自己勇闖「急流瀑布」，而且還玩到樂而忘返。

在海洋公園社交平台最新的影片就見到，家姐加加首次邁出第一步，雖然對瀑布小溪有點好奇，但仍然無懼新挑戰，一腳就踏進水裡，而且還爬高爬低來探險。細佬得得見家姐玩得開心，自然就「唔執輸」，又要落水玩埋一份，仲邊玩邊食，成身濕晒變「落湯熊」都唔怕。

不少網民看到影片，都感慨「睇住佢兩個大，真係好感動」，亦有網民錯重點，問「而家天氣開始凍，如果濕晒，會唔會吹乾烘乾佢地？定係有風自然乾？」

IG影片截圖

萬千寵愛的大熊貓龍鳳胎「加加」、「得得」好食好住好玩，最新消息兩姐弟體重已經超過35公斤！而且，告別BB餐，開始食窩窩頭了，讓契爸契媽既感欣慰，又捨不得兩個寶貝大得太快。

家姐細佬體重超過35公斤啦！香港大熊貓官方專頁ig截圖

家姐「加加」同細佬「得得」已經15個月大，由老鼠仔一樣的BB，長大到現在肥嘟嘟，識得「費媽」，識得打架，又識得撒嬌。

家姐細佬接受護理訓練。香港大熊貓官方專頁ig截圖

海洋公園的香港大熊貓官方專頁最新帖文帶來好消息，家姐細佬有不少成就解鎖，例如接受護理訓練，奶媽吹著哨子，加上手指指示，細佬就懂得朝奶媽方向走去，準備飲盆盆奶；又例如奶媽叫「加加」，家姐聽懂自己被點名，就馬上「應機」，聽明白指示自己走去正確的地方。

家姐細佬接受護理訓練。香港大熊貓官方專頁ig截圖

大熊貓家姐細佬開始食窩窩頭了。香港大熊貓官方專頁ig截圖

家姐細佬每日都探索和學習新事物，在奶爸奶媽、契爸契媽眼中，是越來越聰明和勇敢了。「睇到好感動，但ee唔想你地大得咁快」，「係盈盈媽媽，奶爸奶媽教導有方又有愛心細心，所以兩個寶貝無論身型同學習都進步好多」，「升中學了啦，接受正式訓練了！家姐叻叻！細佬開始食窩窩頭呀，唔怪之得有35kg重呢！兩姊弟加油！各位奶爸奶媽辛苦了」，「身形就嚟追得到盈盈啦」，「奶爸奶媽們準備要抱不動兩姐弟了」。

大熊貓家姐「加加」同細佬「得得」已經15個月大。香港大熊貓官方專頁ig截圖

另外，海洋公園宣布多項門票優惠方案。即日起至12月17日，香港居民可購買「一票雙遊」門票，以成人票價538元、小童票價269元，一個價錢可自由選擇兩個日子入園。由即日起至明年1月4日，推出「二人同行」成人優惠套票，兩位成人票價為915元。今年12月1日至明年1月4日期間，購買兩個或以上「全年會籍」，不論成人、學生或小童會籍，均有85折優惠，即成人年票為1173元，學生或小童年票為833元。