執法者們｜合作八次成焦點盤點黃宗澤蔡潔「菠菜CP」五大甜蜜場口

娛圈事

執法者們｜合作八次成焦點盤點黃宗澤蔡潔「菠菜CP」五大甜蜜場口

2025年07月09日 12:30 最後更新：12:41

《Return關節筋肌配方呈獻：執法者們》昨晚（7月8日）一集焦點，是周俊傑（黃宗澤飾）花盡心思、終與太太何天茹（蔡潔飾）和好，可惜就在二人感情極速升溫時，何天茹突然接到突發order，結果在執勤期間遇險，被壞人打至暈倒並失蹤，令周俊傑方寸大亂！

點擊看圖輯

黃宗澤蔡潔甜蜜場面1

黃宗澤蔡潔甜蜜場面2

黃宗澤蔡潔甜蜜場面3

黃宗澤蔡潔甜蜜場面4

黃宗澤蔡潔甜蜜場面5

蔡潔劇照

蔡潔呢幕動作戲好型。

黃宗澤呢吓跪住旋轉再避開把刀劈埋嚟一幕，身手簡直天花板。

呢幕拍出嚟好震撼。

觀看相關影片按連結：https://youtu.be/Y-WhVovWhmQ

網民激讚：蔡潔嗲Bosco勁正

先後合作過《法證先鋒V》、《驅魔龍族馬小玲》、《法證先鋒VI：倖存者的救贖》及《執法者們》等共八部作品的「菠菜CP」（黃宗澤＋蔡潔），原來是次是首度演情侶，且一嚟便甜蜜指數極高，除有親嘴戲（PS不止一次），昨晚的床上戲亦是極盡溫馨。

鏡頭所見，陽剛味十足的黃宗澤，攬著皮膚雪白的蔡潔、畫面唯美，之後二人的互動更與真．夫妻無異，黃宗澤眼見背著自己的蔡潔未瞓醒，溫柔地親吻對方頭頂；之後被弄醒的蔡潔，輕輕皺眉後即轉身攬著黃宗澤，並以柔弱又嬌羞的眼神細細聲說自己想吃「沙嗲牛麵」，齋聽都感覺甜到漏！

另外，之前蔡潔為黃宗澤煮飯一幕，除了蔡潔的賢慧Style備受關注，黃宗澤騙蔡潔留下來後、二人在餐桌上的甜蜜互動，也是望落愛意滿滿，有網民直言：「蔡潔嗲Bosco勁正」，難怪二人傳緋聞！

對於與黃宗澤演感情戲愈來愈有Feel，蔡潔接受官方訪問時坦承黃宗澤是其學習目標，並大讚對方好得人鍾意：「我拍第一套劇《飛虎2》已認識佢，當時佢隻腳受咗傷，而我有好多場口要同佢一齊完成，嗰刻我真係見到佢好專業，佢會忍住身體上嘅不適、去完成好多不可能任務。而且佢好得人鍾意，劇組上上下下都好喜歡佢，因為佢對人好真誠，我都成日提醒自己要向佢學習。其實我哋每次再碰面，我都會希望自己做得比上次好，無論係個人嘅演出、或者係大家嘅互動，佢都激勵到我進步。」

蔡潔又笑言黃宗澤是她的定心丸：「我好榮幸入咗公司呢六、七年，可以同Bosco合作咁多次、成為好好嘅朋友。其實嗰時我拍《法證V》啱啱擔正，係好緊張嘅，所以當身邊嘅拍檔係好朋友時，個緊張情緒會有舒緩；我好多嘢都會問佢意見，如果佢肯定我，我係會定好多，都好感恩喺自己成長路常常都遇到佢，令我踏實好多。」

蔡潔開心動作戲獲讚：嗰幾秒對我嚟講並不容易

除了感情場口交足戲，蔡潔昨晚亦先後在停車場及執行海關工作期間展現好身手，蔡潔笑言「並不容易」：「雖然拍出嚟只係幾秒，但對我嚟講係並不容易，但我都係開心嘅，因為嗰兩場動作戲，可以show到我角色工作時嘅專業、表達到現代女性喺工作上嘅專業態度。同埋好多謝武指同所有工作人員，因為佢哋教識我點去擺靚啲甫。我想講，雖然係咁簡單嘅打戲，但我都係扭親咗少少手指公。」

親解險遭車撞場口拍攝實況

談到在停車場獲黃宗澤英雄救美，蔡潔笑言場口中的驚訝樣是真反應：「我個驚訝樣係真架，但好彩Bosco好有經驗、知道點樣做出嚟會有動感啲，而我只需要做番驚訝樣同埋跑得夠快就ok。我都幾開心見到有網民留言話估唔到Madam Ho身手咁敏捷。」

往下看更多文章

黃宗澤自爆係肥仔底兒時花名叫「迷你鄭則仕」

由Novo Nordisk諾和諾德香港有限公司主辦，並由香港電影金像獎提名美術指導張蚊（Irving Cheung）擔任創意總監的全新沉浸式藝術展覽「Wegovy®️ 維秀美®️開啟體重管理之旅」，於K11 Art Mall隆重揭幕。展覽由3月8日至15日一連八日向公眾開放，以電影敘事手法，將大眾關注的「身體健康與體重管理」主題，轉化為一段引人入勝的光影旅程，為參觀者帶來充滿張力的五感視覺盛宴。人氣男神黃宗澤（Bosco）親臨展覽現場，率先體驗各項創新裝置，並分享其對健康及體重管理的獨特見解與難忘趣事。

黃宗澤在訪問時強調管理好身體的重要性：「唔應該講肥唔肥，應該講管理好自己嘅身體、體重、健康係好重要嘅。」他笑稱自己從小有一個有趣的花名：「細個係一個肥仔底，有個花名叫『迷你鄭則仕』，自入校隊之後運動增加，慢慢就瘦下來了。」

提及近日與周潤發（發哥）飯聚，他激動地表示能與對方同桌實屬榮幸：「好感恩發哥叫咗三哥約我哋食開年飯，我都受寵若驚，可以同發哥食餐飯。我覺得我今次行運、發大達！發哥同我哋加油當然有，我最開心就係佢喺個飯局裡面，分享咗好多佢以前拍嘢嘅經歷、睇法同意見，我獲益良多。」

提到早前拜年時，家中長輩尋回昔日兒童相片：「幾十年嘅相都冇話甩晒色，都保存得仲好好。（儲來俾你結婚？）結婚難啲㗎啦。見到好多舊時要自己、父母抱住我嘅相片。諗唔到邊個幫我襯套牛仔衫出嚟，不過大家都錯重點去睇我『五爪金龍』嘅 Pose。」

你或有興趣的文章

執法者們｜合作八次成焦點 盤點黃宗澤蔡潔「菠菜CP」五大甜蜜場口