麥明詩公開仔仔百日派對萌爆片段　BB跳舞畫面再度曝光

「十優港姐」麥明詩（Louisa）去年3月同機師老公盛勁為（Keith）拉埋天窗，11月宣佈升級做媽咪。今年3月BB出世，她即於IG放閃曬出一家三口合照，幸福感爆棚！

做新手媽媽後，Louisa經常於社交網分享育兒日常，紀錄了不少仔仔可愛瞬間，粉絲個個都話被萌化。

麥明詩平日都避免上載BB正面相

紀錄了不少仔仔可愛瞬間

最近佢再更新IG story，公開仔仔百日宴現場片段，氣氛熱鬧又溫馨。短片入面見到Louisa抱住BB輕輕搖擺，跟埋其他小朋友一齊「跳舞放電」，BB罕有正面曝光，肉肉臉+萌樣即刻圈粉無數：「完全複製媽咪高顏值」、「呢個表情好療癒」。

BB也跳舞

面珠肉肉的

Louisa第二日更上載更多派對相同片段，留言：「Learning to party at 100 days  #快高長大 #食得瞓得玩得 #健健康康 #感恩 #百日P 特別鳴謝 #四大長老 呢段時間無限support & 包容，仲有thank you dear friend for the 老少咸宜 live party music」

百日宴中，爸爸盛勁為都摁抱著BB 高歌「單車」一曲

網民見到BB開心放電，紛紛留言：「小王子太可愛啦」、「呢個party vibe滿分」、「新手媽咪都咁slay」。

「十優港姐」麥明詩（Louisa）今年3月與機師老公盛勁為（Keith）迎來囝囝，正式踏入人生新階段。12月11日迎來34歲生日的她，當日已在社交平台分享多張一家三口於雪地拍攝的溫馨合照，幸福滿瀉，原來驚喜尚未完結。

早前曬一家三口幸福照

至昨晚（21日）深夜，麥明詩再於IG上載生日慶祝影片，直言今次「真係最驚喜」。片中可見，她以素顏現身酒樓時一臉錯愕，現場佈置猶如戲棚，擺放多塊以竹搭建的巨型花牌，其中一塊更寫上「明詩老婆大人」，下款署名「老公喜賀」，並以「美若天仙 喜慶良辰」大讚太太，誠意十足。

素顏現身酒樓時一臉錯愕

現場佈置猶如戲棚，擺放多塊以竹搭建的巨型花牌

真正高潮隨即登場，一對紅金色醒獅在房內敲鑼打鼓登場助慶，氣氛瞬間炒熱。雖然動作略顯生疏，但搞笑十足，成功令壽星女由驚轉笑。其後麥明詩發現，其中一隻紅獅原來正是老公盛勁為親自上陣，更即場吐出對聯寫上：「明月襟懷 敢作敢言真氣概」，場面溫馨又搞笑。

一對紅金色醒獅在房內敲鑼打鼓登場助慶

搞笑十足，成功令壽星女由驚轉笑

紅獅原來正是老公盛勁為

紅獅吐出對聯寫上：「明月襟懷 敢作敢言真氣概」

盛勁為亦有轉載夫妻合照，見到自己笑到失守，忍不住自嘲留言：「我笑得咁衰嘅」，夫妻互動甜蜜有愛。麥明詩其後感性寫道：「炮製驚喜嚟講，今次真係最『驚喜』……成為媽媽後嘅第一個生日，你仍然花心思提醒我，我不只是BB嘅媽媽，我依然係我。」並特別感謝老公及一眾幫忙策劃的朋友。

帖文一出即獲不少圈中好友留言祝賀，包括陳煒、楊秀惠、喬寶寶、陸浩明等，李綺雯大讚盛勁為「好有心思」，陳懿德亦笑言：「你個樣似驚嚇多過驚喜」，氣氛熱鬧。