麥明詩成為媽媽後首個生日 老公親身上陣舞獅博紅顏一笑

「十優港姐」麥明詩（Louisa）今年3月與機師老公盛勁為（Keith）迎來囝囝，正式踏入人生新階段。12月11日迎來34歲生日的她，當日已在社交平台分享多張一家三口於雪地拍攝的溫馨合照，幸福滿瀉，原來驚喜尚未完結。

早前曬一家三口幸福照

至昨晚（21日）深夜，麥明詩再於IG上載生日慶祝影片，直言今次「真係最驚喜」。片中可見，她以素顏現身酒樓時一臉錯愕，現場佈置猶如戲棚，擺放多塊以竹搭建的巨型花牌，其中一塊更寫上「明詩老婆大人」，下款署名「老公喜賀」，並以「美若天仙 喜慶良辰」大讚太太，誠意十足。

素顏現身酒樓時一臉錯愕

現場佈置猶如戲棚，擺放多塊以竹搭建的巨型花牌

真正高潮隨即登場，一對紅金色醒獅在房內敲鑼打鼓登場助慶，氣氛瞬間炒熱。雖然動作略顯生疏，但搞笑十足，成功令壽星女由驚轉笑。其後麥明詩發現，其中一隻紅獅原來正是老公盛勁為親自上陣，更即場吐出對聯寫上：「明月襟懷 敢作敢言真氣概」，場面溫馨又搞笑。

一對紅金色醒獅在房內敲鑼打鼓登場助慶

搞笑十足，成功令壽星女由驚轉笑

紅獅原來正是老公盛勁為

紅獅吐出對聯寫上：「明月襟懷 敢作敢言真氣概」

盛勁為亦有轉載夫妻合照，見到自己笑到失守，忍不住自嘲留言：「我笑得咁衰嘅」，夫妻互動甜蜜有愛。麥明詩其後感性寫道：「炮製驚喜嚟講，今次真係最『驚喜』……成為媽媽後嘅第一個生日，你仍然花心思提醒我，我不只是BB嘅媽媽，我依然係我。」並特別感謝老公及一眾幫忙策劃的朋友。

帖文一出即獲不少圈中好友留言祝賀，包括陳煒、楊秀惠、喬寶寶、陸浩明等，李綺雯大讚盛勁為「好有心思」，陳懿德亦笑言：「你個樣似驚嚇多過驚喜」，氣氛熱鬧。

十優港姐麥明詩（Louisa）自從去年3月升呢做媽媽後 ，不時在社交平台分享湊仔經，由湊B日常到育兒心得，都樂意同網民交流，絕對是新一代「貼地媽咪」。

麥明詩IG圖片

麥明詩IG圖片

最近就有網民翻出麥明詩去年12月分享獨自帶BB搭飛機的舊post， 並在下面留言求救，而麥明詩好快便親自回覆，還列出一份超詳細的「長途機湊B攻略」。

網上圖片

有新手媽媽網民在該篇舊post下留言，指自己就快帶6個月大的BB坐13個鐘飛機，心情非常緊張：「第一次，心好驚... 我好怕bb會爆喊，雖然佢平時少喊，但好驚佢因環境唔同而突然爆喊。」

麥明詩IG圖片

麥明詩IG圖片

麥明詩IG圖片

估唔到麥明詩親自現身解答，還分享自己的實戰經驗，她首先教路點樣處理餵奶時機：「起飛餵奶，先用少啲嘅熱水開，留啲空間睇下真係喂嘅時候加熱水定（蒸餾）常溫水。因爲有時你以為起得飛，開定支奶，點知原來架機兜嚟兜去都未take off，跟住支奶又 凍曬。」

麥明詩IG圖片

麥明詩又透露自己過安檢的經驗：「我之前過安檢，熱水壺熱水、支裝水都照俾我過。」她又建議要帶定後備糧食：「帶定啲吱吱裝嘅baby food，in case bb 好快飲曬啲奶 都有嘢俾佢啜住平衡耳壓。」

麥明詩IG圖片

最後，麥明詩還提醒媽媽網民記得要準備大量消毒用品：「帶勁多消毒濕紙巾，始終十幾個鐘，佢又 好奇，點都要俾佢掂吓搞吓周邊啲嘢，所以我會先抹晒成個area。」

麥明詩IG圖片

麥明詩的詳細又實用答案一出，即刻引來大批網民留言大讚：「要bookmark定，等第時自己帶BB飛嘅時候可以跟住做」、「真係好詳細，多謝分享！」、「十優果然係十優，連答問題都咁有條理。」、「可以開班授徒，教吓其他新手父母點樣帶BB去旅行。」