海洋公園正式踏入熊貓生日月 除咗「家姐細佬」原來仲有兩位壽星

不知不覺，我哋已經正式踏入熊貓生日月。大熊貓龍鳳胎孖寶家姐「加加」和細佬「得得」即將於8月15日迎來一歲生日的消息，相信人盡皆知，不過，原來海洋公園的熊貓大家庭，8月仲有兩位壽星。

全宇宙注意，正式踏入熊貓生日月。

海洋公園於8月1日在社交平台撰文指，「四位壽星都準備好收禮啦～一齊嚟陪佢哋過一個超有愛嘅生日月啦！」，原來除了家姐「加加」和細佬「得得」是8月之子，就連爸爸「樂樂」同媽媽「盈盈」亦都是8月出生，其中「盈盈」和「樂樂」生日分別為8月16日及8月8日，兩人都是於2005年出生，一家四口都在8月來到呢個世界，果然緣分天註定！

8月8日率先迎來爸爸「樂樂」生日

緊隨其後，是一對寶貝仔女家姐「加加」和細佬「得得」1歲生日

IG圖片

園方又向全城熊貓迷發出生日禮物大募集，大家親手整給熊貓的生日禮物，「隨時成為園區展示嘅「鎮館之寶」」。

媽媽「盈盈」8月16日迎來20歲生日。

而參加方法亦非常簡單，只要做齊以下兩步：

1、Upload你嘅創意生日禮物上個人IG/FB貼文；

2、Hashtag #大熊貓生日禮物，Tag埋 @hkoceanpark 同 @pandahk_official，向全宇宙share你對大熊貓嘅愛！

IG圖片

IG圖片

園方又化身家姐「加加」和細佬「得得」的代言人，指「禮物唔會直接畀我哋玩㗎～因為奶爸媽係會根據我哋需要，親手製作啱我哋玩嘅豐容物！」不過這些來自熊貓粉絲的禮物，有機會變成園內展示的打卡位，見證家姐「加加」和細佬「得得」的成長！

Matt奶爸IG圖片

Matt奶爸IG圖片

Matt奶爸IG圖片

Matt奶爸IG圖片

Matt奶爸IG圖片

Matt奶爸IG圖片

Matt奶爸IG圖片

Matt奶爸IG圖片

Matt奶爸IG圖片

Matt奶爸IG圖片

Matt奶爸IG圖片

Matt奶爸IG圖片

萬千寵愛的大熊貓龍鳳胎「加加」、「得得」好食好住好玩，最新消息兩姐弟體重已經超過35公斤！而且，告別BB餐，開始食窩窩頭了，讓契爸契媽既感欣慰，又捨不得兩個寶貝大得太快。

家姐細佬體重超過35公斤啦！香港大熊貓官方專頁ig截圖

家姐「加加」同細佬「得得」已經15個月大，由老鼠仔一樣的BB，長大到現在肥嘟嘟，識得「費媽」，識得打架，又識得撒嬌。

家姐細佬接受護理訓練。香港大熊貓官方專頁ig截圖

海洋公園的香港大熊貓官方專頁最新帖文帶來好消息，家姐細佬有不少成就解鎖，例如接受護理訓練，奶媽吹著哨子，加上手指指示，細佬就懂得朝奶媽方向走去，準備飲盆盆奶；又例如奶媽叫「加加」，家姐聽懂自己被點名，就馬上「應機」，聽明白指示自己走去正確的地方。

家姐細佬接受護理訓練。香港大熊貓官方專頁ig截圖

大熊貓家姐細佬開始食窩窩頭了。香港大熊貓官方專頁ig截圖

家姐細佬每日都探索和學習新事物，在奶爸奶媽、契爸契媽眼中，是越來越聰明和勇敢了。「睇到好感動，但ee唔想你地大得咁快」，「係盈盈媽媽，奶爸奶媽教導有方又有愛心細心，所以兩個寶貝無論身型同學習都進步好多」，「升中學了啦，接受正式訓練了！家姐叻叻！細佬開始食窩窩頭呀，唔怪之得有35kg重呢！兩姊弟加油！各位奶爸奶媽辛苦了」，「身形就嚟追得到盈盈啦」，「奶爸奶媽們準備要抱不動兩姐弟了」。

大熊貓家姐「加加」同細佬「得得」已經15個月大。香港大熊貓官方專頁ig截圖

另外，海洋公園宣布多項門票優惠方案。即日起至12月17日，香港居民可購買「一票雙遊」門票，以成人票價538元、小童票價269元，一個價錢可自由選擇兩個日子入園。由即日起至明年1月4日，推出「二人同行」成人優惠套票，兩位成人票價為915元。今年12月1日至明年1月4日期間，購買兩個或以上「全年會籍」，不論成人、學生或小童會籍，均有85折優惠，即成人年票為1173元，學生或小童年票為833元。