PayMe誤轉萬元給陌生號 幸遇好心「馬迷」​​退錢更安慰事主：無心之失

手機轉帳方便快捷，但一不留神隨時「送錢畀人」！不過今次好彩對方「沿路退錢」，更安慰事主只屬「無心之失」，令事主不禁感動道謝！

手機轉帳方便快捷，但一不留神隨時「送錢畀人」！Threads圖片

誤轉萬元疑遇​「馬迷」

近日有網民在Threads分享驚險經歷，誤將10320港元透過PayMe轉給陌生用戶。從對話截圖可見，事主發現錯誤後立即透過WhatsApp聯絡對方，坦言見到對方頭像用賽馬圖案時「以為已經玩完」，未料這位「馬迷」爽快答應退款：「我去銀行處理咗，會沿路退錢，不過可能要幾日先處理好」，更安慰事主「唔使客氣，無心之失」。最終款項全數退回，事主連番道謝：「麻煩哂，感謝你信任，我係真係過錯錢」。

最終款項全數退回，事主連番道謝：「麻煩哂，感謝你信任，我係真係過錯錢」。Threads圖片

​​網民：馬迷忌做虧心事影響賭運​​

事件引發熱議，有網民笑指：「賭馬嘅人雖然貪橫財，但最忌做偷呃拐騙，會影響賭運㗎！」亦有人提供實用建議：「如果對方唔肯退，可以直接聯絡銀行處理，唔好私下轉返錢，免惹洗黑錢嫌疑。」

由於事主將該陌生賬戶備註為澳洲騎師「潘頓」，意外引發二次討論。Threads圖片

​​「潘頓」中文水平成焦點​​

由於事主將該陌生賬戶備註為澳洲騎師「潘頓」，意外引發二次討論。網民紛紛調侃：「潘頓大把錢唔貪你嗰少少」、「原來潘頓中文咁好」、「仲識用『沿路退錢』咁專業嘅用詞」。

​​金管局指引：誤轉帳應即聯絡銀行​​

根據香港銀行公會及金管局《跟進錯誤轉帳的處理程序》指引，市民若轉錯帳應立即聯絡銀行或電子錢包營運商。機構會要求收款人退款，若拒不歸還可能涉刑事責任。同理，若收到不明來歷款項，應透過正規渠道退回，切勿私下處理以免誤墮法網。

好彩對方「沿路退錢」，更安慰事主只屬「無心之失」，令事主不禁感動道謝！AI生成圖

巴士乘客要強制佩戴安全帶的法例現已生效，但有不少市民都大呼新措施造成不便，甚至有些擾民。日前有一名女網民在社交平台發文，指日前乘坐巴士時，當想佩戴安全帶時，竟然令暗藏隱蔽處的曱甴突然現身，嚇到「差啲走唔切」！

巴士乘客要強制佩戴安全帶的法例現已生效。巴士的報記者攝

曱甴突現身嚇到心「就嚟跳出嚟」

新法例規定巴士已裝設安全帶的座位，乘客必須全程佩戴，否則可被檢控，最高罰款5,000元及監禁3個月。日前有女網友發帖文大呻，指乘坐巴士時想佩戴安全帶時，竟然有隻曱甴從隱蔽處「慢慢迫近」令她的心「就嚟跳出嚟」！由相片所見，巴士車廂內有隻曱甴現身在某座位安全帶扣處附近，而該巴士相信為九巴。

網友坦言：啲安全帶好多曱甴㗎

帖文引來不少網友關注巴士座位及安全帶的衞生問題，直指「好日都冇人用安全帶，而家嚇到小強走晒出嚟」、「梗係啦，好日都冇人用安全帶，本身有個安樂窩，而家嚇到小強走晒出嚟」、「啲安全帶好多曱甴㗎， 主要長時間冇人用， 啲污漬細菌垃圾堆晒喺度」、「唔知係咪我錯覺，最近啲巴士真係好多曱甴」、「條帶嘅污糟程度係頂級」、「平時佢地住係個扣入面，依家個個都插搞佢地間屋」、「如果因為避佢俾人罰$5000，真係會覺得你勁慘」。

有見及此網民寧願站在下層

有網民表示有見及此寧願站在下層，「我企算」，亦有人諷刺「話知隻野飛入你個口，記得唔好除安全帶呀」、「呢隻要罰幾錢？」、「香港恐怖片題材，扣緊安全帶的我和迎面飛來的小強」。

有網民表示有見及此寧願站在下層。巴士的報記者攝