七魔女再齊齊「拋夫棄子」出埠度假 文頌嫻連續兩年缺席引熱議

視后佘詩曼與湯盈盈、梁靖琪、姚樂怡、鍾麗淇、周家蔚及文頌嫻組成閨密團「七魔女」，雖然各人都各自有工作忙，或要照顧家庭，但一有時間都會相約聚會，月初就齊人為湯盈盈老公錢嘉樂慶祝60歲生日，近日再一同出國旅行，但卻獨欠文頌嫻，引來網民熱議。

七魔女

月初合體為錢嘉樂慶祝60歲生日。

佘詩曼早前忙於拍攝新劇《正義女神Themis》及《新聞女王2》，期間曾預告要放一個月長假休息。佘詩曼完成手頭上的工作，即坐言起行，與湯盈盈、鍾麗淇、周家蔚、姚樂怡、梁靖琪，以及梁靖琪的餅印家姐，一同飛到外地度假，並在IG晒出兩張合照，並留言：「今年。去年。期待明年！」兩張合照分別是「七魔女」去年「拋夫棄子」同遊泰國享受陽光與海灘，以及今年眾人再次撇甩老公仔女出埠玩，眾人無論姿勢還是表情都做到一模一樣，非常有趣，網民更大讚眾人保養得宜，「好似食咗防腐劑！」不過，網民亦留意到文頌嫻連續兩年缺席旅行，留言問：「文女呢？」

去年眾人「拋夫棄子」同遊泰國。

今年再一同出埠玩。

文頌嫻呢？

佘詩曼繼去年憑《新聞女王》「Man姐文慧心」一角成為三料視后後，今年再次憑《新聞女王2》於《萬千星輝頒獎典禮2025》 奪得大灣區視后及最佳女主角，更打破自己紀錄，第四度榮登視后寶座！頒獎禮過後，佘詩曼未有時間休息或慶祝，就要飛到另一個地方開工，直到完成工作才有時間回味得獎一刻。

本網記者攝

佘詩曼昨晚（1月6日）在IG晒出頒獎禮當晚的靚相，並留言：「頒獎禮完咗，已經即刻飛咗去第二度做嘢。啱啱先返到酒店，可以攤喺張梳化度回味一吓當刻嘅喜悅（mei mei嘴笑咗keekee）～記得嗰晚有記者問我： 『點解今次好似仲激動過前年？』我答佢：『因為真係好難㗎嘛！』 蔣祖曼你講得好啱，看似瀟灑嘅背後，隱藏住無數個將自己完全打碎、再重新拼湊的深夜。想講嘅係，一部戲之所以動人，從來不止於一個人嘅演出，而在於它能悄然連接起無數個生命嘅片刻。感恩我遇上一班共頻嘅戰友，真超級唔捨得！」

佘詩曼IG圖片

佘詩曼IG圖片

佘詩曼IG圖片

最後，佘詩曼表示：「想將呢個獎分享俾每一個為咗理想，仍然選擇堅持嘅人，願你帶住呢份力量，成為你人生獨當一面嘅主角！」

佘詩曼IG圖片

佘詩曼IG圖片

佘詩曼IG圖片

佘詩曼IG圖片

佘詩曼IG圖片