Meaningful｜出爐視后佘詩曼自爆在當年TVB主動爭角色 為演活「Man姐」要拜師學戲

佘詩曼憑《新聞女王2》Man姐一角獲最佳女主角，亦是第四度封視后，創TVB開台以來最強紀錄。而在萬千星輝賀台慶2025頒獎禮前，余詩曼獲邀成為葉念琛主導的《Meaningful》首個節目《琛導Casting》嘉賓，已在節目中透露「想攞獎」一事，值得慶祝。

余詩曼獲邀成為葉念琛主導的《Meaningful》首個節目《琛導Casting》嘉賓。

第一次拍「流淚戲」經驗

葉念琛在節目中問到阿佘是否仍記得第一次拍劇情況如何，阿佘分享了第一次拍喊戲「我演唔到」「三部機對住我，就係咁近，嘩點樣啊咁埋嘅？你哋可唔可以遠啲」「我今日好開心，點喊，點做到呢件事？」「唔得囉，就係喊唔到」。意想不到今日四度封后的佘詩曼，原來最初入行亦不是一蹴而就。

葉念琛、余詩曼

第一次「自豪」劇本

很早就有拍戲慧根的佘詩曼，原來在拍《十月初五的月光》之前一度想放棄，直到遇上這個劇本：「因為之前俾人鬧，又話唔識做戲，又話雞仔聲，其實我都想放棄，其實都唔識演不如唔好搞」、「遇到君好呢個角色，開大會好多人，話要你剪頭髮，吓，剪頭髮？嗰陣我好長頭髮可唔可以唔剪」「我記得我剪嗰陣喺度喊」「當演嗰陣就明，真係要短頭駛先得架呢個女仔」「可能真係因為本色演出，做一個啱啱讀完書出嚟嘅女仔，開朗，自信，好似我自己咁」於是就成為阿佘第一次得獎的劇本。

葉念琛、余詩曼

蛻變成新聞女王 疫情時拜師學戲

離開TVB後阿佘北上吸收經驗，相隔九年重返TVB，已經是《新聞女王》：「我拍《新聞女王》之前我再去學過戲，疫情期間我去網上學開聲講嘢」、「上堂時先生不斷要你創作，佢淨係俾幾條題你，而家有呢個景﹑呢個人﹑呢個時間﹑你演啦」、「初頭梗係唔掂啦，跟住佢就幫我同我做對手，即興，所有對白都即興」、「我上個堂都好醜，雖然係單人」、「上完呢個堂令到我喺《新聞女王》裡邊可以用返晒出嚟」，看來阿佘即使早已經有視后寶座，為精進自己演技仍然會不斷提升自己，才有今日的「女王」。

《新聞女王²》

阿佘眼中的葉念琛

訪問影片最後一個環節，阿佘跟大家分享她眼中的葉念琛，原來是一個「很清晰的導演」「他可以很清晰向演員交代每一場戲需要什麼，有什麼要求」而這一點在片場之中亦相當重要。

葉念琛、余詩曼

葉念琛、余詩曼

全新娛樂平台《Meaningful》

葉念琛主持的《琛度Casting》為全新娛樂平台《Meaningful》打頭陣節目，節目會繼續邀請葉念琛欣賞的香港女演員接受訪問，陣容包括影后視后等重量級嘉賓！保證有驚喜！平台未來將透過不同形式的節目，探索感情﹑演藝圈﹑影視行業趨勢﹑以及各種形式娛樂節目帶給觀眾不一樣的體驗。

葉念琛

《Meaningful》社交帳號同步亦展開合作空間，於簡介中提及：「發掘新世代演藝人才」﹑「矢志創意與商業並進，拓展包羅萬象的娛樂版圖」，反映平台背後有非常充足資源，力求於網絡世代將影視行業以更貼近觀眾需求的方式呈現。

《Meaningful》

視后佘詩曼今個農曆新年除了除家人外遊，人緣極佳的她亦忙出四出拜年，昨日（2月23日）大年初七「人日」，她就與周潤發、苗僑偉、戚美珍、黃宗澤、吳卓羲，以及久未露面的白茵一同團拜。

佘詩曼與周潤發、苗僑偉、戚美珍、黃宗澤、吳卓羲，以及久未露面的白茵一同團拜。

佘詩曼在IG晒出與發哥的自拍照和大合照，興奮道：「人生第一張同發哥嘅Selfie！！」可見二人都笑得十分開懷！佘詩曼又分享與發哥的難忘回憶，「記得第一次喺舊清水灣片廠嘅飯堂，食食吓飯突然間見到發哥行入嚟，我興奮到成個人彈咗起身，又怕羞喎，但係又忍唔住細細聲叫咗一聲：『發哥呀！』」

佘詩曼續說：「又記得有一次，接到藝員部高層個電話，叫我第二日去訓練班上堂，我仲拗晒頭話：『吓，上堂？我要開工喎！』我仲記得佢話：『去啦，夾晒你啲時間㗎喇。』我心諗…無啦啦上乜鬼堂呀…攰到死…第二日死死地氣，因為未上過訓練班，仲行錯晒路。入到課室，梗係全部人都唔識啦，勁尷尬，求其搵咗個位坐低。張凳都未坐暖，我又『彈』喇！因為原來嗰堂係發哥親自教學！Ben Chan知道我偶像係發哥，所以專登叫埋我去聽嘅～（明醒我）嗰陣大概係2000年，我好記得，發哥話知道我係邊個，因為佢睇咗『十月初五的月光』，嗰刻雖然我外表表現得好平靜（話晒喺好多訓練班同學仔面前），但係其實我內心已經放晒煙花！」

佘詩曼IG圖片

佘詩曼IG圖片

最後，佘詩曼表示：「作為小粉絲嘅我，雖然未有機會合作，但係合影都勁浪漫，超溫馨！」不少網民都為佘詩曼終於能與發哥合照感到高興！

佘詩曼IG圖片