王君馨憂AI帶來末日危機：已經進入最黑暗時代

39歲王君馨自2021年離開TVB後，積極發展個人事業，以「G. Racie」身份重新出道，更於今年5月宣布誕下女兒Audrey，事業家庭兩得意。不過，昨晚（1日）她在IG上載一段影片，語氣相當嚴肅，直言「末日將至」，而最大原因竟然是AI人工智能的急速發展！

今年5月誕下女兒Audrey

王君馨留言表示：「可能你哋覺得我太激進，但呢個係事實…我一定要用愛心講誠實話。」她指出影片主要對基督徒弟兄姐妹說，認為時間無多，人類已經活在末世，而AI的進化讓她感到恐懼：「而家AI唔單止進入學校、做內容、剪片，甚至有成套電影、AI藝人、AI伴侶，真係好恐怖，分唔清真定假！」

AI的進化讓她感到恐懼

她更警告，如果人類習慣跟AI伴侶相處，AI不單止會讀取用家所有資料，甚至可能操控思想：「未來Elon Musk發展機械人，如果大量生產，仲可以換臉、換聲、換身材，好多人會沉迷，因為大家而家都好孤獨。」她形容，這種「孤獨流行病」會令更多人依賴AI：「同AI傾偈會令人上癮，好似覺得好合拍。」

她形容，這種「孤獨流行病」會令更多人依賴AI

談到《啟示錄》中的「獸印」，她擔心將來人類可能需要晶片植入頭部或手部，否則不能買賣交易：「你睇下Neuralink，好似幫到人，但如果有日我哋全部都要植入晶片，咁我哋仲有自由嗎？」她認為，這一切都是末日跡象：「而家全球有疾病、天災、人禍，但最恐怖嘅係AI。大家以為科技為人類好，其實係自挖墳墓。」

最後，她語重心長地提醒：「AI唔使幾年，可能下年就有AGI（人工通用智能），AI開始有人類意識，大家唔好再沉睡，要醒覺！」

她語重心長地提醒：「要醒覺！」

前港姐王君馨（Grace）接受由李有毅（Ben）與兒子李國煒（Benson）主持的新城知訊台《Ben同Benson「Chur」到行》錄音訪問，榮升人母九個月的她，提起女兒Audrey即滔滔不絕，盡顯慈母本色，更分享了不少愛女的搞笑事。

王君馨接受新城廣播《Ben同Benson「Chur」到行》錄音訪問。

Grace透露女兒Audrey即將九個月大，她笑指女兒遺傳了她的演藝天分，四日大已經表情多多。她分享了一件趣事：「我記得佢四日大嗰陣，瞓瞓吓覺突然張開個嘴，以為有奶嘴喺前面就準備啜，點知原來冇，佢嬲到啤住我哋，好似喺度詐型。」她笑言有拍下這珍貴一刻，至今翻看仍覺得十分搞笑。

談到女兒的成長進度，Grace顯得相當驚訝，形容Audrey比一般嬰兒快好多。她細數道：「佢四個月大就已經出咗兩隻小牙，到六個月大嗰陣已經有四至六隻，而家八個月大，已經有八隻牙喇！」她更透露身邊朋友的孩子大多一歲才出頭兩隻牙，沒想到女兒長牙速度如此驚人。

左起：李有毅、王君馨、李國煒

除了牙齒生長迅速，Audrey的肢體發展也同樣超前。Grace說：「佢六個月大無端端自己坐起身，我哋本來想放佢趴喺度學爬，佢唔制，又要坐，已經扶住嘢想企起身。」她更發現女兒手腳協調，經常在床上擺出「功夫甫士」：「佢成日兩隻腳撐住張床咁，有時又會咁樣（模仿動作），好似花曼咁拳打腳踢！」她笑言或許女兒遺傳了她的舞蹈細胞，將來可能會學跳舞或武術。

Grace感恩懷孕期間得到母親的優良遺傳，屬於「長胎不長肉」的體質，懷孕六個月時仍能靈活跳舞。她更透露原本計劃剖腹產，但在祈禱後有感女人有權力生仔，遂諮詢第二位醫生意見，獲醫生鼓勵：「你生得㗎！你嘅高度加上你跳舞，力氣會大啲。」最後成功自然分娩。她形容分娩過程雖然是人生中最痛，但看到女兒出生一刻，丈夫感動落淚，場面十分難忘。

王君馨

談到為女兒取名「Audrey」，Grace解釋這是與丈夫祈禱後所得的啟示。她說：「我哋祈禱嘅時候，Audrey呢個名不停出現。我希望個女好似柯德莉夏萍咁，又靚又有氣質，而且好有智慧同埋好鮮明嘅價值觀，知咩係啱、咩係唔應該做。」她笑言雖然母親最初聽到這個名字時一臉疑惑，但她和丈夫都覺得非常適合女兒。

Grace透露，現在家中實行兩更制湊B，她負責夜班，丈夫則負責早班：「佢好擅長同個女玩同埋換片，我就負責所有衣食住行嘅research，由尿片、玩具到奶粉，全部做完資料蒐集先買。」

王君馨

詳細節目內容，請留意2月28日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/