孖陳家樂任「Global 6K for Water」大使預告落場一齊跑 周家怡提起助養20年「仔女」眼濕濕

世界宣明會全球性籌款活動「Global 6K for Water」，去年在香港首辦已獲得大批市民善心支持。為繼續支持非洲缺水社區的水利衛生工作，香港世界宣明會將於今年12月14日再度假金鐘添馬公園舉辦第二屆香港「Global 6K for Water」(G6K)，緊接馬來西亞、韓國、日本及新加坡的亞洲區G6K跑，共同關注水資源危機！大會更邀得周家怡及陳家樂擔任活動大使，日前兩人為活動拍攝宣傳片及海報。

周家怡及陳家樂擔任「Global 6K for Water」活動大使。

藉着「Global 6K for Water」，每位參與者將透過跑步或步行，體驗每日徒步約6公里取水，而每塊號碼布亦配對了一位缺乏清潔食水的孩童，參與者的汗水與付出，直接為該孩童身處的缺水社區改善水利衛生設施，使區內所有兒童與居民受惠。

周家怡、陳家樂

為使周家怡及陳家樂認識更多有關宣明會的水利衛生工作，大會特別設計「G6K撲水大作戰」小遊戲，過程中兩人需抬起重量達10公斤的水桶步行到答題區。兩人事後受訪時，周家怡笑謂：「好辛苦！啲小朋友要日日咁攞，仲要唔係有條河畀佢哋打水，係喺個水氹仔度裝。」陳家樂表示水桶非常重，看過當地孩童取水的片段，更聯想到女兒Camila：「頭先睇（紀錄）片見到好多小朋友，仲要係細路女，赤腳行好遠，攰到左手換右手、右手換左手，仲要擺上頭頂住，想像個女如果要咁，真係好肉赤。」他又期待將來可以隨宣明會到當地，親身感受他們的生活。

陳家樂

陳家樂

問到他們可有「缺水」體驗？陳家樂表示慶幸未試過，但曾到衛生情況較惡劣的地方拍攝：「啲廁所好污糟，我唔係好想去又唔係好敢飲水，搞到身體都差咗，我先知水對身體真係好重要。」周家怡試過到簡陋地區拍攝，因為落雨場口動用水車，當地村民全都邊圍觀邊哭：「佢哋覺得我哋好嘥水，嗰個場面真係好深刻，事後監製都好好，買多兩車水畀村民用。」

陳家樂

陳家樂

提到跑步，周家怡每星期最少跑三、四日：「我冇咩目標，唔會追時間，都係為咗健康。我啱啱先知全球有22億人有缺水問題，會大力介紹畀跑友知，等佢哋一傳十、十傳百，多啲人一齊參與Global 6K for Water。」陳家樂曾因追求更快時間，而出現傷患：「用咗錯嘅方法跑，之後都跑少咗，而家識得慢慢跑，享受跑步嘅過程。我會介紹Global 6K for Water畀陳茂賢導演，因為佢肥咗好多，哈！希望可以令佢重拾跑步嘅樂趣，加上佢係導演，可以一呼百應，叫晒佢啲班底去參加。」

周家怡

周家怡

周家怡除了是「Global 6K for Water」的活動大使，同樣是宣明會的助養者。已參與助養計劃二十年的她，帶同一大疊與助養小朋友的書信，邊做訪問邊翻開，不時眼濕濕兼流露滿足笑容。回憶首次參與助養計劃，周家怡說：「好似係電視播啲小朋友嘅生活，跟住就話『每日只需幾多錢』我覺得唔可以扮睇唔到，因為我真係睇到啦嘛，所以就打電話去宣明會。」

周家怡

周家怡深受助養孩童的書信感動：「有啲好鍾意畫畫，會用晒顏色筆寫信畀我，又會同我分享攞到高分、好成績，好窩心，係因為佢會話我聽。好似知道你助養佢，佢都好努力㗎，雖然大家冇血緣關係，然後你少少奉獻，就可以令另一個家庭有更好嘅生活，呢個係好應該要做嘅嘢。」說罷不禁眼濕濕，周家怡助養過烏干達、埃塞俄比亞、孟加拉等等不同地區的孩童：「我只係奉獻好少（嘅事），錢好少事，我成日話個力好緊要，要有個人喺當地落手落腳去做。中間我都有啲經濟狀況，感恩係自己好好彩，同自己講『食少一、兩餐，我得嘅！』，我會好堅持。雖然而家都窄窄地，我供緊樓呀，哈哈。」

周家怡深受助養孩童的書信感動。

最令周家怡感動的是孩童們的轉變，由第一張相表情不太自然，到後來愈來愈好，會感覺到同小朋友關係增進，愈來愈熟悉大家，「我覺得小朋友成長最重要係快樂，令佢對生命好期待、好有好奇心，而唔係佢負責孭起頭家去擔水。」周家怡亦會與助養孩童通信，「主要寫啲好簡單嘅祝福，可能畀啲書簽、貼紙佢哋，我覺得係一個鼓勵。見到佢哋都好鍾意返學，有學返好開心、屋企買咗隻牛好開心，會覺得分享愛，自己都好幸福。我聽過有啲被助養嘅小朋友，大個咗之後加入宣明會，好好吖。」

周家怡最感動的是孩童們的轉變。

周家怡笑言很想親身探訪助養小朋友，但擔心自己眼淺落淚：「我好想去同佢哋玩，但係又驚自己忍唔到（喊），唔想令佢哋覺得『係咪覺得我好慘？』嗰種，唔想有比較。」最後，宣明會邀請她拍片予助養兒童，周家怡即興奮表示：「真係畀返佢哋睇㗎？好吖！」又呼籲大眾參與助養計劃，期待更多人能分享愛。

周家怡很想親身探訪助養小朋友。

但擔心自己眼淺落淚。

第二屆香港「Global 6K for Water」將於12月14日假金鐘添馬公園舉行，屆時周家怡、陳家樂亦會落場參與，各位有心有力的香港人一齊參與Global 6K，為家家有水踏出一步，現已經開始接受報名，名額有限，把握機會行動啦！

陳家樂、周家怡

第二屆香港世界宣明會「Global 6K for Water」

日期：2025年12月14日
地點：金鐘添馬公園
時間：早上7時 – 下午4時
活動設有個人跑（6公里）、個人/親子/組合跑（3公里）及開心漫步組（1公里步行），場內設攤位遊戲及展覽
官方網站：https://www.worldvision.org.hk/global6k

由英皇電影出品，廖子妤（Fish）與陳家樂（Carlos）主演之全新愛情電影《像我這樣的愛情》即將於11月27日上映，二人分別飾演腦性麻痺患者阿妹與性義工阿健角色，於早前東京國際電影節及香港亞洲電影節首映獲讚入木三分入型入格。而二人完成一連串電影節活動，馬上接下英皇電影一連兩週的全新企劃《像我這樣的訪談》，近日跨界成為期間限定訪談主持組合。

《像我這樣的愛情》劇照

《像我這樣的愛情》劇照

廖子妤及陳家樂接下主持棒，配合電影主題，與嘉賓大談愛情，真實互動，訪談即將於今個周末在英皇電影官方YouTube首播。節目組首集打頭陣為陳家樂破天荒撮合三位「情人」—— 現實中的愛妻連詩雅（Shiga）、《不日成婚》系列中的未婚妻衛詩雅（Michelle）無條件情義相助，聯同新片《像我這樣的愛情》中有一段親密關係的廖子妤驚喜同框，成就可一未必可再的新鮮組合。

陳家樂三位「情人」—— 現實中的愛妻連詩雅、《不日成婚》系列中的未婚妻衛詩雅，以及廖子妤激罕合體。

電影公司發佈半分鐘絕密預告，家樂在陳太面前害羞表示：「試過有一套劇有親熱戲，而佢在場！」而另一幕則有Shiga禁不住拉住老公提醒：「你小心啲講野呀！」；至於廖子妤談及年輕時嚮往的愛情，更自爆有個咆哮的靈魂：「我就係要好轟炸咁愛一次，然後我哋唔愛大家，我哋就大鬧一場，『嘩』！」；至於新婚大半年的衛詩雅，提到愛情觀時坦言：「你戴咗隻戒指，原來真係有一股力量㗎！」

廖子妤、陳家樂

據知今次訪問意義特別重大，只因是家樂、Shiga婚後首度合體參與深度訪談，Shiga更於訪談中披露曾在家中親身感受到家樂為未達自己要求的演出而情緒崩潰，令Shiga印象深刻，從中更肯定家樂對演出的堅持與自我追求，不過Shiga亦坦言即使結婚一段時間亦未能衝破心理關口，欣賞家樂主演的愛情電影，未知今次家樂在《像》片的賣力演出，能否令Shiga破例瞓身支持？

連詩雅、衛詩雅

而身為家樂多年戰友的Michelle，工作上是幕前的拍檔對手，私底下是交心的好友，原來Michelle一直都會跟家樂交流演戲經驗，而Michelle亦深知家樂為演好《像》片付出相當多努力，而優先欣賞過電影的Michelle更深受家樂不著痕跡的演出打動，因此毫不猶疑答應家樂邀請現身訪談，希望以行動支持家樂更上一層樓的演出。

連詩雅、衛詩雅

是次二人跨界合作為電影宣傳注入別開生面新氣象，更展現二人多面魅力。Fish表示：「嘗試主持令我從被動演繹角色，轉為主動引導故事，同電影《像我這樣的愛情》中嘅阿妹一樣，都係探索緊『像我這樣』嘅界限。」 而被幸福包圍的家樂笑言：「連詩雅係我生活上嘅後盾，衛詩雅係我合作無間嘅好拍擋，廖子妤支撐我今次戲裡嘅發揮。雖然我話今集好似玩我咁，但其實大家聚埋一齊訪問對我都有特別意義。」

廖子妤、陳家樂

廖子妤、陳家樂

據知下集節目組亦為Fish精選了兩位特別嘉賓，欲知後事如何，請鎖定《像我這樣的訪談》。

由譚惠貞執導之愛情片《像我這樣的愛情》故事講述阿妹（廖子妤 飾）天生患有腦性麻痺，性格卻異常跳脫樂觀，閒時會約朋友踩板吹水，畫畫作樂，二十多年來一直努力不被身體耽誤。可是過度保護的母親堅決安排她進行子宮切除手術，阿妹努力建立的生活再次失去平衡，她的身體永遠是不由自主。在朋友推薦下，她找到了一個專為殘疾人士提供性服務的自發組織，並認識了義工Ken（陳家樂 飾）。這無私的相遇彷彿撫慰了兩個受傷的靈魂，那日漸累積的情愫沖淡了道德與身體的羈絆，這樣的關係，是愛嗎？