安安可可來港一周年 奶爸奶媽送驚喜禮物齊開P

大熊貓安安、可可去年9月26日由四川來到香港，轉眼就住滿1年了！海洋公園奶爸奶媽當然少不了為兩個寶貝送上超用心的驚喜禮物，齊齊開P，有得玩又有得食。

2025年9月26日，安安可可來港一周年啦！海洋公園ig截圖

人稱「安總」、「安少」的安安，收到的禮物是嬉水盆，但向來Jap Jap Jap不停的安少堅持一定要食飽才肯落水開P。不過，嬉水盆看來有點太細了，XL型的霸氣安總一落水，施設空間就所餘無幾，奶爸奶媽下次要加碼了。

安安的來港一周年禮物——嬉水盆。海洋公園ig截圖

貓粉為安安可可寫下祝福語。海洋公園ig截圖

至於可可的禮物，就係果汁冰雕和保齡球樽造型麻包袋。甜可可一試味，就馬上愛上，多謝奶爸奶媽啊！而保齡球樽造型麻包袋，就和又圓又可愛的可可襯到絕。據海洋公園ig小編「翻譯」，可可話超鍾意這個麻包袋，玩到不願放手呢！

可可的來港一周年禮物——果汁冰雕。海洋公園ig截圖

除了奶爸奶媽的心意，海洋公園為了安安可可來港一周年這個值得紀念的日子，更為安安可可送上大禮。海洋公園將為安安可可的展館進行優化工程，讓牠們住得更舒適和居住環境條件更豐富。公園將於10月13日至12月12日期間，在安安可可的棲息地進行提升工程，這段期間兩隻熊貓將暫別公眾，留在後勤位置享受Me Time啦。

安安的來港一周年禮物——嬉水盆。海洋公園ig截圖

海洋公園大熊貓龍鳳胎「加加」和「得得」不單越大越精靈，而且還越來越大膽，就算媽媽「盈盈」不在身邊，都敢自己勇闖「急流瀑布」，而且還玩到樂而忘返。

在海洋公園社交平台最新的影片就見到，家姐加加首次邁出第一步，雖然對瀑布小溪有點好奇，但仍然無懼新挑戰，一腳就踏進水裡，而且還爬高爬低來探險。細佬得得見家姐玩得開心，自然就「唔執輸」，又要落水玩埋一份，仲邊玩邊食，成身濕晒變「落湯熊」都唔怕。

不少網民看到影片，都感慨「睇住佢兩個大，真係好感動」，亦有網民錯重點，問「而家天氣開始凍，如果濕晒，會唔會吹乾烘乾佢地？定係有風自然乾？」

IG影片截圖