黑衣女搭城巴坐樓梯 港女求讓路反被用英韓文鬧 網民反應兩極

巴士樓梯一向不准站立。有港女在網上發文公審一名黑衣女子，稱在乘搭城巴時見到對方坐在往上層的樓梯，便用普通話請黑衣女子「借過」，卻被對方反用英文韓文夾攻。

有港女在網上發文公審一名黑衣女子。資料圖片

黑衣女乘客坐城巴樓梯

樓主在社交平台Threads發文表示，稱自己在乘搭城巴時，見到有名黑衣女子坐在上層的樓梯上，「我以為佢唔舒服，跟住用普通話同佢講借過，佢係咁大叫「what do you want what do you want，仲用韓文鬧我，wtf這個世界」。

港女用普通話求讓路反被用英韓文鬧

樓主本以為對方身體不適，但對方突然情緒激動，用英文和韓文叫罵樓主。黑衣女子更指出城巴張貼的告示並無規定不能坐在樓梯上，「佢話淨係話唔俾企，無話唔俾坐，what the fxxk，我真係笑X咗出聲」。

下層車廂站立空間寬裕

樓主上載了兩張照片，相片中可見有一名穿黑衣女子坐在樓梯上，而下層車廂亦可見站立空間寬裕，毫不擁擠。

相片中可見有一名穿黑衣女子坐在樓梯上，而下層車廂亦可見站立空間寬裕，毫不擁擠。當事人帖文截圖圖片

告示提醒：上層及樓梯不准站立

另一張照片顯示，城巴在車廂內張貼的告示無論中文或英文，都只提醒「上層及樓梯不准站立」，並無規定不能坐下。

城巴在車廂內張貼的告示無論中文或英文，都只提醒「上層及樓梯不准站立」，並無規定不能坐下。當事人帖文截圖圖片

網民反應兩極

帖文一出便引來熱議，有網民指出「佢又無錯喎，中文同英文都係話唔准企」。但有人隨即表示坐在樓梯十分危險，「一剎車一衝前隨時撞斷頸重刷人生」，亦阻塞通道，「咁佢又無錯嘅，不過唔好阻住人上落，阻住人上落就有問題」。

網民斥不可理喻

有網民留言表示，「如果唔阻閣下上落，真係由佢吧！萬一緊急刹車，佢會幾傷下。咁都做，一係傻，一係蠢，兩者都勸唔掂，慳番啖氣好過」、「好危險喎，如果唔覺意踢到佢，佢成個碌落樓梯就唔係幾好啦」、「啲人真係不可理喻，無寫不可以就等於可以」'「由得佢啦， 一嘢剎掣，流血就知痛」。

遇上任何問題都交由車長處理較好。資料圖片

遇上任何問題都交由車長處理較好

有網民指出「無論遇上任何國籍刁民都係同巴士司機講就得啦，佢份人工包咗㗎」、「唔使同佢講咁多，同車長講就得，等車長處理」、「由佢坐喺到俾人『唔小心』咁踢到踩到囉」。

不少大人小朋友都喜歡夾公仔，但要夾到心儀的公仔絕非易事！日前有顧客向連鎖超市AEON（永旺百貨）投訴，指店內的夾公仔機「好似唔想比人夾到咁」，好難夾到公仔。店長於是親筆回覆，並提供「教學攻略」，傳授3大心得！

有顧客投訴AEON店內的夾公仔機「好似唔想比人夾到咁」。AEON FB圖片

顧客投訴：好似唔想比人夾到咁

有網友在社交平台分享日前在AEON店內留言版上影到的其中幾張「顧客心聲」及「店長的話」，並以「Aeon店長教你夾公仔」為題發文。只見其中一名顧客留言自稱一向都很支持AEON，唯覺得店內的夾公仔機「好似唔想比人夾到咁」並質問店家「有無需要set 到咁難」坦言「大家嚟玩都係想開心」。

threads 圖片

店長分享三大夾公仔心得

而店長在翌日隨即親筆回覆表示，現和顧客分享一些夾公仔的經驗，稱「希望可讓閣下輕鬆取得心儀公仔」。店長列出三大心得，首先指出要「觀察公仔擺放位」，盡量選擇近出口位置的公仔，若心儀公仔不近出口位置，可先投幣將公仔移至近出口位，同時亦可觀察公仔夾的力度。

店長在翌日隨即親筆回覆。threads 圖片

第二是「借力將目標推至出口」，若多次也夾不中，便要將夾夾向目標旁的公仔，令目標公仔更接近出口位。

最後店長指需「注意公仔重心點」，盡量避開頭，置中位置，因重心重，若公仔較大重心較重，夾子會不夠力，故要選四肢或非重心位置。

店長在翌日隨即親筆回覆。threads 圖片

網讚：好用心既回覆！

帖文一出即引來網民熱議，有人大讚「店長手字好靚」、「好用心既回覆！」、「好欣賞呢啲小事認真做嘅人」、「顧客同時仲得到想要嘅答案，簡單嘅回應睇到店長的文化修養」，有人就搞笑稱「店長：我盡左力啦，咁都夾唔到真係幫唔到你」。