海洋公園再發放大熊貓盈盈和家姐加加和細佬得得的片段，一開始只見一家三口打過不亦樂乎，但鏡頭一轉兩小隻就安安靜靜挨在盈盈身上飲奶，「反差萌」令人唔捨得唔睇！
海洋公園大熊貓專頁截圖
雖然盈盈已為人母，但玩起上來一點不遜於兩隻小熊貓，牠們堆在一起，兩隻小熊貓不停你咬我、我咬你，盈盈亦力入戰團，這個咬一口那個咬一口，惹得兩小隻埋頭反攻。
海洋公園大熊貓專頁截圖
家姐加加一度似乎不敵，轉身就走，留下細佬得得繼續和盈盈打鬧，打得非常熱鬧，大有即使是兩母子亦不會留手之勢。
海洋公園大熊貓專頁截圖
但鏡頭一轉，就見到加加和得得趴在盈盈身上飲奶，盈盈亦母性大發安靜地躺下，與之前的打打鬧鬧簡直是「判若兩貓」！場面又好笑又溫馨。
海洋公園大熊貓專頁截圖
萬千寵愛的大熊貓龍鳳胎「加加」、「得得」好食好住好玩，最新消息兩姐弟體重已經超過35公斤！而且，告別BB餐，開始食窩窩頭了，讓契爸契媽既感欣慰，又捨不得兩個寶貝大得太快。
家姐細佬體重超過35公斤啦！香港大熊貓官方專頁ig截圖
家姐「加加」同細佬「得得」已經15個月大，由老鼠仔一樣的BB，長大到現在肥嘟嘟，識得「費媽」，識得打架，又識得撒嬌。
家姐細佬接受護理訓練。香港大熊貓官方專頁ig截圖
海洋公園的香港大熊貓官方專頁最新帖文帶來好消息，家姐細佬有不少成就解鎖，例如接受護理訓練，奶媽吹著哨子，加上手指指示，細佬就懂得朝奶媽方向走去，準備飲盆盆奶；又例如奶媽叫「加加」，家姐聽懂自己被點名，就馬上「應機」，聽明白指示自己走去正確的地方。
家姐細佬接受護理訓練。香港大熊貓官方專頁ig截圖
大熊貓家姐細佬開始食窩窩頭了。香港大熊貓官方專頁ig截圖
家姐細佬每日都探索和學習新事物，在奶爸奶媽、契爸契媽眼中，是越來越聰明和勇敢了。「睇到好感動，但ee唔想你地大得咁快」，「係盈盈媽媽，奶爸奶媽教導有方又有愛心細心，所以兩個寶貝無論身型同學習都進步好多」，「升中學了啦，接受正式訓練了！家姐叻叻！細佬開始食窩窩頭呀，唔怪之得有35kg重呢！兩姊弟加油！各位奶爸奶媽辛苦了」，「身形就嚟追得到盈盈啦」，「奶爸奶媽們準備要抱不動兩姐弟了」。
大熊貓家姐「加加」同細佬「得得」已經15個月大。香港大熊貓官方專頁ig截圖
另外，海洋公園宣布多項門票優惠方案。即日起至12月17日，香港居民可購買「一票雙遊」門票，以成人票價538元、小童票價269元，一個價錢可自由選擇兩個日子入園。由即日起至明年1月4日，推出「二人同行」成人優惠套票，兩位成人票價為915元。今年12月1日至明年1月4日期間，購買兩個或以上「全年會籍」，不論成人、學生或小童會籍，均有85折優惠，即成人年票為1173元，學生或小童年票為833元。
