46歲的TVB「金牌司儀」林盛斌（Bob）與太太黃乙頤（Pearl）育有三女一子，大女林霏兒（Faye）已經17歲，不但長得亭亭玉立，而且身材豐滿，不時在社交平台晒性感相派福利，但近日卻因此引來網民文字性騷擾，令霏兒忍不住嬲爆回應！想不到，隨後仍有網民惡意攻擊為自己平反的霏兒，更Tag了Bob留言。對此，Bob撰長文護女，高EQ的回應獲大批網民欣賞！
林盛斌一家六口。
大女林霏兒已經17歲。
不時在社交平台晒性感相派福利。
近日霏兒遭網民文字性騷擾，令她忍不住嬲爆回應！
Bob在IG分享該名網民的留言截圖，直言：「有時網絡世界嘅嘢，係有啲恐怖嘅，有個律師朋友話俾我知，其實網上寫呢啲嘢，已經可能構成兩至三個違法嘅行為。」他直接點名該名網民，「Kenny，我相信我唔認識你，你亦都唔認識我，我唔知道你出呢個post嘅意圖係乜嘢，可能你係想蹭吓個熱度，蹭吓個流量？定係想侮辱吓我嘅屋企人，希望令到佢哋唔開心？如果係咁嘅話，好遺憾要同你講聲，你呢個唔係太有善意嘅企圖，應該好難成功。」
點擊看圖輯
林盛斌一家六口。
大女林霏兒已經17歲。
不時在社交平台晒性感相派福利。
近日霏兒遭網民文字性騷擾，令她忍不住嬲爆回應！
林盛斌IG圖片
黃乙頤IG圖片
Bob與大女
黃乙頤IG圖片
View this post on Instagram
Bob指家人對網上的負面留言都毫不在意，而且都很勇敢、堅強、正面、有胸襟、有自信，對該網民的言論，霏兒更表示覺得對方揀的照片幾靚，而他則覺得對方只是在找存在感，「我見到你話想搵個地方寫吓嘢，識吓人，你呢個想法係好好嘅，我亦都非常支持，但係如果係要寫呢啲嘢去引人注意，你都要諗吓你吸引返嚟嘅，會係啲咩人。」
林盛斌IG圖片
Bob又勸對方「己所不欲，勿施於人」，「你諗吓，如果我將你阿媽個樣post出嚟，然後寫返類似你寫嘅字，你嘅感覺係點呢？佢嘅感覺又會係點呢？又或者唔係你阿媽，係你嘅女朋友，或者好朋友，佢哋又會有咩感受呢？認真嘅，我真係好想你好好諗吓。」
黃乙頤IG圖片
Bob直言自絕對不是聖人，試過講錯說話，亦試過做錯事，「我仍然努力學習去改進同改善中，
慢慢去認知乜嘢係啱，乜嘢係唔啱，你呢個post嘅內容，確實，真係有啲唔係咁好。其實，真係冇要求過要你特別去愛我哋，但係又有冇需要專登去攻擊同傷害呢？你可能對我或者對我嘅屋企人有意見，不過，我仍然衷心祝福你有開心同愉快嘅生活。」
Bob與大女
不過，Bob最後亦忍不住以回答囝囝問「點解你個樣係一支紅酒同埋一件蛋糕」來寸爆對方，「要話返俾你聽，最後我都有答返我個仔個問題嘅，我同佢講：『可能呢個哥哥好驚俾人見到佢個真樣，所以佢咪唔放自己個頭像上去囉，你見佢之前出嘅所有嘢都冇佢個樣㗎，咁佢就可以喺個網絡上面寫好多嘢，啲人都唔知佢係邊個，好似寫乜都得咁囉。』跟住佢話：『吓，佢驚咩呀？』係囉，Kenny，你驚咩呀？」不少圈中好友和網民看過帖文都激讚Bob高EQ！
黃乙頤IG圖片
