馮允謙首度開戶外騷 自爆為騷忍痛戒聖誕大餐

「唱作王子」馮允謙（Jay）將於明年1月17-18日於西九文化區安盛竹翠公園，舉行由寰亞娛樂及東亞娛樂主辦、AXA安盛呈獻《BLUE MOON WANDERLUST 馮允謙演唱會2026》。日前信用卡客戶獨家優先訂票，火速售罄。向隅的歌迷要把握最後機會，下周一（24日）早上10時快達票指定節目專頁公開發售，撲飛入場享受夜空下Jay的音樂之旅。
 
今次Jay首次舉行個人戶外演唱會，特別推出兩款海報，除了代表浪漫夜空下演出的「月亮」，還有代表一月份萬象更新，春光明媚的「花朵」做主題，Jay分別穿著不同造型我服裝配合，展示浪漫和暖男的不同感覺，非常靚仔有型。而歌單方面，Jay會透過不同環節帶歌迷漫遊他專屬的音樂宇宙。

今次Jay首次舉行個人戶外演唱會

特別推出兩款海報，除了代表浪漫夜空下演出的「月亮」

還有代表一月份萬象更新，春光明媚的「花朵」做主題

非常喜愛看戶外騷的Jay，即將擁有自己的戶外演唱會，心情興奮又期待，他說：「我非常之興奮，期待咗好耐。大約三年前睇過C AllStar戶外騷，當時戥佢哋好開心，作為觀眾超興奮，令我都好想做戶外騷。好幸運由2022年喺Star Hall開咗我第一個個人演唱會，之後做咗兩次紅館演唱會，今次做戶外演唱會，將會有好特別嘅經歷。以前喺加拿大成日睇music festival 、戶外騷，好鍾意呢種好溫暖、好chill嘅氣氛，可以飲吓嘢、食吓嘢，大家都好free，我希望fans都抱住呢個心態入嚟have Fun，享受我嘅音樂。而今次喺一月開騷，希望為大家展開新嘅一年，抱住一個好溫暖嘅狀態、好開心、充滿愛嘅感覺。」除了精彩演出，這次戶外演唱會更設有特色攤位，提供各式小食及特調飲品，讓觀眾可以一邊觀賞演出、一邊享受美食，盡情投入這場以「藍月」為名，浪漫、溫暖而自由的旅程。

Jay非常喜愛看戶外騷

他以前於加拿大成日睇music festival 、戶外騷

希望fans抱住Chill心態入嚟享受音樂

為了以最佳狀態迎接演唱會，Jay會否放棄他最喜愛聖誕和新年大餐？他哈哈笑說：「你講得冇錯！聖誕節梗係要開party食嘢啦，但因為一月就要開騷，好多嘢要準備，雖然我好鍾意食嘢，都要節制吓，冇計啦，要開騷就要啲犧牲。其實我好開心，希望以最佳狀態開演唱會。」Jay表示好期待，說：「我覺得我嘅歌如果狀態唔夠好會好難唱，一定要保重身體、練聲、做運動。我相信呢個騷會好精彩，好期待同Fans一齊享受Under the Stars嘅演唱會。」

雖然Jay好鍾意食嘢，但要節制

希望以最佳狀態開演唱會

瑞典汽車品牌Volvo昨日（3月6日）於沙田新城市廣場舉行盛大記者會，迎來萬眾期待的旗艦純電豪華七座SUV Volvo EX90正式亮相。同場更驚喜展出全新純電豪華房車ES90，為香港電動車愛好者帶來雙重驚喜。活動特別邀請了Volvo品牌好友、唱作歌手Jay Fung馮允謙親臨現場，不僅與一眾主禮嘉賓共同為新車揭幕，更即席獻唱兩首歌曲，將現場氣氛推至高峰。

Jay Fung馮允謙

Jay Fung馮允謙

記者會邀請到瑞典駐港澳總領事貝樂儀女士（Ms. Louise Bergholm）、Volvo銷售計劃高級總監謝欣先生、維信汽車大中華CEO Robby Niermann先生，以及維信汽車香港區總經理曾耀民先生擔任主禮嘉賓。貝樂儀女士更在台上致辭，分享了瑞典品牌的創新、安全精神。

活動由黃心美擔任司儀，她首先介紹了Volvo近百年來以人為本，將安全作為設計核心的品牌理念。隨後現場播放了EX90的產品影片，展現這款旗艦純電SUV在北歐簡約美學與頂尖安全科技之間的完美平衡。

黃心美

在熱烈的掌聲中，唱作歌手Jay Fung出場。Jay Fung分享了他對Volvo品牌的喜愛，並提到自己在加拿大生活時，家人亦是Volvo的用家，對品牌的安全性能深感認同。隨後，Jay Fung聯同瑞典駐港澳總領事貝樂儀女士、謝欣先生、Robby Niermann先生及曾耀民先生，一同為萬眾期待的Volvo EX90進行揭幕。緊接其後，嘉賓們更移步至ES90所在位置，為另一驚喜新車純電豪華房車ES90揭幕，標誌著兩款全新純電車型正式登陸香港

揭幕儀式後，Jay Fung與維信汽車香港區總經理曾耀民先生留步，與司儀黃心美進行訪談。剛從加拿大放假兩星期回港的Jay Fung，心情特別愉快，分享道：「啱啱返咗加拿大放咗兩星期假，同屋企人一齊租場打冰上曲棍球，玩得好開心！不過因為成日同屋企人食好嘢，返港即發現肥咗十磅！」談到新車EX90的寬敞七座設計及特大尾箱，Jay Fung即顯得相當興奮：「以前喺加拿大成日同家人Road Trip去露營、滑雪、釣魚，當時要帶帳篷、燒烤爐同冰上曲棍球裝備，車尾箱成日唔夠用。見到EX90咁大嘅空間，載足全家人仲有位擺晒所有裝備，真係好適合我哋呢啲鍾意同屋企人去玩嘅人！」

雖然男性大多追求跑車的速度感，但從17、18歲開始揸車的Jay Fung卻有另一番體會：「揸車咁多年，我反而覺得安全比速度更重要。」他更笑言自己「睇位」技術一般，因此特別鍾情高身SUV：「高身SUV視野好好多，睇位容易啲，揸起上嚟安心好多！」他直言Volvo一直是安全的代名詞，與自己追求「安全第一」的駕駛理念不謀而合。

Jay Fung馮允謙

曾耀民先生補充道，EX90作為旗艦級純電七座SUV，不僅空間寬敞，Volvo更是一個以安全與健康為核心的品牌，近100年來致力守護每位乘客，並配備多項頂尖安全科技，包括照顧家庭需要的獨有內置式兒童安全坐墊，全面守護每位乘客。

分享環節結束後，Jay Fung以一首節奏明快的《齊柏林飛船》，寓意Volvo在汽車安全領域不斷突破界限，衝上雲霄的創新精神。緊接其後獻唱《給你幸福 所以幸福》，Jay Fung說：「同家人朋友坐喺Volvo咁安全豪華嘅車入面，一齊上山下海，幸福就係咁簡單！」歌聲與新車所傳遞的溫暖家庭價值完美融合，贏得全場掌聲。活動尾聲，維信汽車香港區總經理曾耀民先生公佈了萬眾期待的售價。 Volvo EX90 Plus：售價 HK$899,900起，Volvo EX90 Performance Ultra ：售價HK$1,399,900，Volvo ES90：售價 HK$$799,900起，而較早前已率先訂購EX90的準車主，更獲邀上台與Jay Fung合影留念，場面熱鬧。

Jay Fung馮允謙