楊千嬅演唱會深情啟航 以行動與音樂「陪伴」香港療傷

在香港經歷大埔火災創痛之際，楊千嬅《Live MY LIVE 2025》》演唱會在肅穆而溫馨的氛圍中拉開一連六場的序幕，這場原定歡慶出道三十周年的盛會，因應香港傷痛，轉化為一場療癒心靈的集體陪伴。30年的經典歌曲，音樂與生命感悟，千嬅為正在療傷的香港送上最誠摯的陪伴。

楊千嬅一連六場《Live MY LIVE 2025》昨晚（11月29日）開鑼。

演唱會前，千嬅及團隊率先捐出二百萬幫助受影響災民，連日來的週邊產品，全數收益也會捐贈，一呼百應，歌迷會排隊搶購同步做善事，昨（11月29日）午不到三小時，全部產品幾近清倉，今日（11月30日）團隊會再急急補貨，讓未來五日想參予善舉的歌迷朋友，可以買到週邊。大會提醒今日來紅館的觀眾，如果想買週邊產品，排隊雖時，請早到場耐心等侯，並非常感謝大家的愛心支持。

楊千嬅

楊千嬅

昨晚頭場演唱會，千嬅一口氣唱了25首歌， 坐上空中飛船，唱完演唱會主題曲《Live MY LIVE 》才降落跟觀眾打招呼。踏上熟悉久違長達7年的舞台，千嬅未語先哽咽。「我番黎啦，我好掛住你地，嘩，好耐冇講啦，山頂嘅朋友！大家好！好多謝今晚每一位特別觀眾，嘩，我要冷靜d先......」在歌迷觀眾歡呼聲中，她深呼吸繼續說道：「開騷前諗左好多嘢，心情好複雜但又好期待，諗緊我好多嘢想講，但當我走上舞台，我先發現....咩都唔駛講，要講、要表達嘅全部喺晒我音樂歌詞裡面。」

楊千嬅

楊千嬅

面對台下「我地撐你！」「愛你！」「好靚啊！」等等呼喊始起彼落，千嬅亦襯機與歌迷分享了她對人生的新理解，「感謝大家喺我呢30年音樂人生一路陪伴我...」觀眾大叫「唔好喊」， 千嬅強忍淚水：「我今日好叻㗎啦，好想講只有兩個字『感恩』 ！好感謝你地！好感謝我過去嘅日子，感謝每一位愛我的人 ，我家人...」、「人真係要學識感恩。活到半百，我用左歌手身份、音樂，呢個方法去認識自己、領悟人生。30年後今日，我終於領悟到，我要回饋我領悟嘅，俾所有支持我、愛我嘅人。」

楊千嬅

楊千嬅

千嬅謂，她領悟「陪伴」的重大意義，話語中亦充滿對當下香港的關懷，「『陪伴』正正係在坐每一位都好需要。人生流流長，總會有黑暗及唔開心、係好大創傷時侯，我地最需要係『陪伴』」、「當你好痛苦，我都試過，係無法控制自己，睇開啲放低，放唔到嘅。好痛苦好傷心時，係聽唔到任何說話。但有人默默坐係身邊，有人『陪伴』，就已經係心靈重建第一步。」

楊千嬅

楊千嬅

千嬅語帶哽咽：「我地依家經歷一個黑暗時期，我相信『陪伴』，可以互相守護大家的心。心靈創傷，要支持及時間修復。『陪伴』可以比你好多愛，希望每一位朋友，可以一齊團結，用無私嘅愛，無分你我、不分高低、冇分愛恨。我相信『陪伴』，香港可以互相渡過最艱難時侯。」

楊千嬅

楊千嬅

最後，千嬅一連串安歌，唱了六首經典歌，現場觀眾全部與她一起大合唱，場面溫馨感人，最後她以《楊千嬅》一曲作結，含淚道出最深切的感謝：「最後我要多謝各位，多謝你地咁多年比左陪伴我。等我見到光，我可以行番番來。流過眼淚，可以載起一條船，帶我返來。每次唱演唱會，我都當係最後一次。總之，我想做好所有嘢，回饋番比支持我嘅人。好感恩。」引來全場觀眾高呼「我地多謝你，愛你」。

楊千嬅

楊千嬅

踏入新一年，楊千嬅為樂迷送上一份別具意義的心靈禮物——全新單曲《回歸一塊小石頭》。她表示這首歌承載了她入行多年來對生命的深刻體悟。日前更遠赴北京，在一座古樸的四合院內舉行了一場別開生面的網上直播音樂會，與合作無間的香港演唱會團隊，一起在紛飛的雪花下，以歌聲與樂迷進行了一場小形音樂會直播，唱了四首歌及網上直播與歌迷聊天。

楊千嬅推出全新單曲《回歸一塊小石頭》。

楊千嬅表示，農曆年可以休息，跟家人渡新春，兼再放自己多一個假期，與老公即興快閃二人前飛去泰國渡假，休息過後就要開始收心養性，減吃減喝，為下半年度新的世界巡迴演唱會作籌備。「真係好耐冇去過泰國，所以我好似發現新大陸咁，覺得自己超大鄉里，咩都嘩原來變左咁多，嘩原來咁多好嘢玩，咁多好嘢食，哈哈。」有冇肥到？「梗係有啦。唔怕啦，我好快收心養性。最開心係係曼谷不斷有遇到朋友，又再不停同我食飯慶祝生日，冇諗過係曼谷都食左三個蛋糕。哈哈。」

千嬅透露農曆年期間與老公即興快閃泰國。

楊千嬅與老公丁子高

楊千嬅

更在曼谷都食就三個生日蛋糕。

泰國返來之後，千嬅就飛北京為新歌及之後的巡演做宣傳，「由42度，變零下2 度，即刻覺得自己冷縮熱脹下，瘦返少少，哈哈。諗都冇諗過，北京重遇上第一場春雪！第一次遇春雪呀，唔係太凍但又好靚，所以好難忘。直播係四合院做，我成個香港演唱會團隊飛晒過去幫手，襯埋個天落左白雪，好有feel，係一個咁環境之下，唱左新歌，同三首舊歌，呢個「別開新穎」的企劃，我人生都係第一次，採排，動用了幾十個機位，又打燈又設計走位路線，我站係雪地，唱《自由行》個陣，依家諗番都覺得好難忘，勁有feel 。」

去完泰國，千嬅就飛北京為新歌及之後的巡演做宣傳。

在一座古樸的四合院內舉行了一場網上直播音樂會。

楊千嬅

談到新歌《回歸一塊小石頭》，她透露這首歌其實是早在MY TREE OF LIVE 巡迴演唱會期間已經萌芽，當時樂隊成員葉崇恩創作了一段用於《小城大事》間場換衫時的音樂，她次在台底聽到這段旋律，都覺得十分動聽，萌生念頭：「咁好聽，應該可以發展成一首歌。」終於，她鼓起勇氣向葉崇恩提議，能否將這段間場音樂延伸創作成一首完整的歌曲。葉崇恩又更找來Robynn（葉中月）一起參與，希望從女性角度注入更多細膩的情感，成品千嬅一聽便即「收貨」。

楊千嬅

千嬅表示，成首歌核心寄託在「一塊小石頭」的意象上，而最打動她的，正是那份「回歸小石頭」的坦然，「呢句『回歸一塊小石頭』好 touch 到我。所以連歌曲的封面照，我都係係到疊石頭。親自堆砌石頭，其實好有人生哲學，你係咁砌，好多時砌極最後都係跌晒落嚟。其實生命過程，就似叠石咁，冇得plan ，慢慢向著自己喜愛，夢想目標行，大力吸多啖氣，都可能又要由頭砌過，砌砌下，我領悟到人呀，唔好諗咁多『然後』！唔使咁執著，享受個過程，心要知道安靜，時間自然會話俾你知，最後答案。」

楊千嬅

楊千嬅

新歌《回歸一塊小石頭》現已於各大音樂平台上架，樂迷們不妨在這個乍暖還寒的春日，靜心聆聽楊千嬅用溫柔嗓音砌出的生命領悟。