港鐵每日載著港人往返於這座城市，每一日都有好多故事在這裡發生。日前一名港鐵乘客在奧運站遇到推着車仔的大叔，簡單兩句陌生人的對話，就以60元超抵價買下一大抽約15隻石蟹，相片曝光，引發網民熱議。
示意圖片
事主在facebook群組「香港街市魚類海鮮研究社」 分享這次「港鐵奇遇記」，她指自己在港鐵站內見到有位叔叔推著車仔，膠桶內「有啲野」，好奇心驅使下，事主定睛一望，「見倒一抽野，望真啲，原來有一大抽蟹」。事主指自己忍不住感歎：「咁多蟹既」而淡定的叔叔就回應事主「60蚊」，「就係咁，我就響站內買左“抽”蟹！」
視頻截圖
視頻截圖
事主向萬能的網友求助，「請問係咩蟹黎？點煮好？可以清蒸嗎？謝謝各位師傅解答」，據其分享的影片可見，該抽蟹用鹹水草專業地綁成一串，蟹鉗仍微微顫動證明十足新鮮。
示意圖片
神通廣大又熱心的網民迅速解謎，辨認出這是本地石蟹：「冇膏但多肉，又實又甜」、「石蟹來㗎呢隻專食蠔仔佢肉質好鮮甜，清蒸就得啦！」、「個故仔勁好笑」、「好嘢嚟，石蟹，非常鮮甜，但係個殼非常硬，抵買」
《愛回家》劇照
網民紛紛驚嘆價格超值，表示「街市百幾蚊斤」、「可遇不可求」，不少網友又大讚大叔綁蟹技術高超，推測大叔可能是漁民：「好犀利，嗰個人一定係漁民，居然識得咁樣綁成一抽蟹」、「喺邊度搵到個阿叔？」、「抵呀！我反而好奇佢係點樣綁到成紮貢品咁樣」、「有緣再遇見，記得攞電話」
