同心救災｜TVB愛心義工隊為宏福苑災後籌款 阮浩棕：幫到幾多得幾多

在大埔宏福苑發生五級大火後，TVB愛心義工隊迅速行動，為兩位受災同事發起內部籌款活動。藝人阮浩棕不僅在事發後親赴現場運送物資，更積極返回公司協助籌款工作，希望能幫助同事渡過難關。

阮浩棕透露在事發翌日，與朋友到大埔宏福苑現場送物資。

阮浩棕接受無綫娛樂新聞台訪問時透露：「好心噏，我哋外人都有呢個心情，可想而知受災嘅人比我哋沉重十倍、百倍，盡自己能力，幫到幾多得幾多。」

阮浩棕IG圖片

阮浩棕IG圖片

（2025年12月04日）「廚壇魔術師」楊尚友（Christian）主持全新飲食資訊節目《東方表行 Take Your Time 呈獻︰老友記》，周四晚及周五晚九點半TVB Plus（82台）播映。今次Christian摒棄紅酒與香檳，走入香港大街小巷，尋覓終將逝去黎民美食，細味人間餘溫。

Christian笑言食打冷好似享受巴黎海鮮拼盤一樣。

潮州菜煮食方法保留食物原味。

Felix接手老店有三樣要求要遵守。

Felix跟一班伙計相處如一家人。

今晚（12月4日）楊尚友（Christian）介紹一間位於油麻地的潮州菜館，他形容每次食打冷仿如享受法國海鮮拼盤，他笑說︰「兩樣嘢都有同一精神，就係要食海鮮最原始嘅味道，連煮食方法都差不多，只係輕微煮熟，然後過冷河，可以食到最鮮甜嘅美味。潮州菜最好係款式多，成日食都唔悶。」單是店內一味冰鎮芥辣墨魚片，已吸引不少老饕回頭，生醃瀨尿蝦、白灼凍蝦、潮州凍蟹差不多是每枱必點，被喻為潮州菜靈魂的春菜，差不多每道菜都有它的身影。

大眼雞

生醃瀨尿蝦

潮州凍蟹

薄殼

滷水鵝掌翼

潮州春菜

今集介紹的打冷店曾停業一年，跟住覓地在油麻地營業至今，少東Felix說︰「爸爸嗰時都做咗20、30年，之後退休停業一年，之後我接手再開業。」Felix話見到不少熟客老饕在舊店摸門釘，因此決意重開，當時老父提出開新店的三樣要求，他說︰「首先要保留舊菜，對食物要有堅持。餸大家都咁煮，點解有啲好食、有啲無咁好食？問題就喺食材上。」他記得當年父親一早便到街市，花幾小時揀最新鮮、最靚的食材饗客。Felix接手後堅持不賣隔夜海鮮，餸菜不達標準要再煮，務求客人吃到最好的潮州菜。另一樣老父要求是新店要夠大，Felix爸爸說︰「舊舖細搞到啲人客要等成個幾兩個鐘，所以我同佢講要開就要搵間店夠大，唔好畀啲客人等咁耐。」現在幫襯的不少都是舊店的客人，Felix笑言不少都是看着自己長大的叔伯輩。