娛圈事
現年43歲的李佳芯（Ali），一向以凍齡外貌備受讚賞，近日有網民於機場巧遇她，並在社交平台分享「野生捕獲」經歷，大讚她真人皮膚狀態極佳，瞬間引發熱議。
李佳芯IG圖片
李佳芯IG圖片
該網民興奮表示，在落機時見到李佳芯行近身邊，隨即鼓起勇氣要求合照，並形容：「搭飛機見到女神，落機突然見到佢行到我隔離，即刻鼓起勇氣問可唔可以影張相，跟住一邊行一邊快影咗一張，Ali真係好靚🥹真人好高皮膚好好。」帖文迅速引來其他網民附和，有人留言認同：「佢真人係絕對靚過上鏡好多倍！有年係巴黎撞到佢同yylam食晚飯😂第一眼望係見到個好靚女好sharp嘅女仔，靚到遠處一望就見到，皮膚勁好識發光。。」
李佳芯IG圖片
Ali真人靚到發光！
電影《金童》榮獲香港電影金像獎3項提名，當中包括張繼聰獲提名最佳男主角、李佳芯獲提名最佳新演員、黃偉亮獲提名最佳動作設計。
《金童》劇照
《金童》劇照
張繼聰回應：「好開心啊！頭先宣佈嗰一刻呢，其實內心都好激動，即係因為行到嚟呢一步，有咁樣嘅成績真係好唔容易。咁喺我心裏面最感動嘅地方係，因為呢個係成個團隊好多人嘅嘅努力，即係唔係得我一個就可以做到，係好多人奮不顧身去成就呢件事，諗起入面幫我手嘅團隊，每一位兄弟姊妹呢個心就好感恩。同埋，我都好開心積師傅（黃偉亮）同埋Ali (李佳芯）都有一齊提名，咁所以係非常之開心啊！」他又說：「我覺得呢件事真係好勵志，即係由Day 1準備呢套戲、到拍攝、到籌備上映、上映嘅時候遇到所有嘢都係勵志片，咁我覺得證明係勵志片喺市場上係有市場；喺人生上其實都係仲有勵志片嘅事情會發生，所以都好開心，人係應該保持正面嘅諗法、保持希望、保持熱情咁樣，所以好多謝好多謝大家對我嘅支持，我係完全收到晒！」
《金童》劇照
《金童》劇照
