港男替亡父申請寬頻轉名遭拒 客服竟要求「死者簽名」網民：自己去搵先人簽

一名港男於網上發文表示，其父親去世後，他向寬頻公司要求寬頻合約轉名。但客戶服務員堅持要「亡父」親自簽名，強調「你爸爸唔簽，轉唔到你名」。幾經辛苦成功轉名，沒想到又因更改支付方式，再被客服要求「亡父」親自簽名作實，令樓主嬲爆。

替亡父申請寬頻轉名遭拒

樓主於社交平台Facebook群組「小心駕駛(討論別人駕駛態度)」發文，講述辦理「亡父」寬頻合約轉名的離譜經歷，「OT ……發生喺我身上」。

樓主替亡父申請寬頻轉名遭拒。資料圖片

樓主表示，由於父親去世，他向寬頻公司要求把父親的寬頻合約轉到其名下。惟客服人員竟堅持要父親親自簽名，令他不解問「佢哋叫我老竇返簽名，我話死亡證都畀埋你，簽咩嘢名呀」。

客服要求「死者簽名」

客服回覆「你爸爸唔簽，轉唔到你名……」。樓主反駁「咁我喺咪要叫返佢起身，去你屋企，簽名畀你呀？一係你而家叫人拎份嘢過嚟九龍大酒店，我叫佢行落嚟同你簽好冇呀」，又明言「你處理唔到，就叫你上司處理，唔好嘥我時間」。

客服回覆「你爸爸唔簽，轉唔到你名……」資料圖片

轉換支付方式出現問題

樓主指，寬頻合約轉名後不久，發現轉換支付方式出現問題，「明明已經叫佢改埋支付方式，都仲喺要draw我老竇張咭（信用卡）」。

寬頻合約轉名後不久，發現轉換支付方式出現問題。資料圖片

被再次要求父親親自簽名作實

他於是再向客服反映，沒想到對方再次要求其父親親自簽名作實，令樓主嬲爆，「又發生同一樣嘢，又喺叫我老竇簽名作實……今次我已經唔想同佢再講，直接叫佢經理處理」。

樓主不解為何會錯2次

樓主續指「經理一聽到係我已經冇乜好講，我都直接講……係我吖，又係我吖，冇咩嘢我都唔想再聽到你把聲㗎啦。佢都好無奈」。樓主感嘆，「真心唔明，錯1次都算，連錯2次，到底要幾難先做到呢……」。

樓主不解為何會錯2次。資料圖片

網民都感傻眼：自己去搵先人簽啦

網民認為客服處事手法難以理解，「啲客服係咪搞事」、「叫佢哋自己去搵先人簽啦！唔係一條龍服務，咁樣唔得喎」、「一早叫客服燒份嘢落去簽咪得囉，轉名咁麻煩，喺冥通銀行做埋自動轉賬，一條龍搞掂」。

有網民在網上發文表示，一名男子於二手交易平台Carousell稱賣貓糧，但面交後打開發現內裏竟是腐爛垃圾。事主一拆開包裝，一股腐臭味立即湧出，仔細察看發現內有疑似用過的衛生巾、垃圾袋、吃完的罐頭殘渣等等。她直言事件「惡心」和「恐怖」，並已報警。

樓主在二手交易平台Carousell買貓糧

樓主於社交平台Threads發文表示，因家中貓糧已用完，寵物店購買需要等貨，她心急下在Carousell購入，「買咗包頂住先，之前都試過咁做，正常係全新未開封，所以今次都冇太多戒心」。

交收完無檢查就匆匆離開

樓主原本想要求順豐收件，但對方堅持面交。當時她趕着去上班，交收完無檢查就匆匆離開。樓主指，回家拆開包裝，「一陣腐臭味即刻衝上嚟」。

樓主原本想要求順豐收件，但對方堅持面交。當事人帖文截圖圖片

中伏稱臭過排泄物

她再仔細察看，發現是一袋腐爛垃圾，有疑似用過的衛生巾、垃圾袋、吃完的罐頭殘渣。樓主直言「一邊影相一邊反胃到想嘔」，更形容「臭過排泄物」。

樓主中伏稱臭過排泄物。當事人帖文截圖圖片

再聯絡賣家但沒有回覆

樓主表示，之後再翻看賣家照片，「先發現佢後面有影到封口開咗，而我當時心急冇睇到。」但樓主萬萬想不到入面會是垃圾，「仲要係腐壞到爆嗰種」。事後她已不斷聯絡賣家，但對方沒有回覆。樓主指，「如果佢係有心咁做，只可以用惡心同恐怖去形容」。

再聯絡賣家但沒有回覆。當事人帖文截圖圖片

樓主奉勸面交一定要檢查

樓主亦奉勸網民，「面交一定要檢查，唔好再喺網上買開過封嘅食物，唔好貪方便，平冒險，永遠唔知對面係乜人，或者入面有乜，以後我會乖乖返寵物店買糧」。

有網民勸樓主報警

有網民勸樓主報警，「其實你要報警，雖然只係$190，但警方可以搵到佢出嚟㗎，你唔好姑息呢啲X街呀」。而樓主留言說已報警，「警方表示因為我已經收到貨，所以唔涉及詐騙，建議我搵海關，因為對方違反《商品說明條例》」。

有網民勸樓主報警，當事人帖文截圖圖片

網民表示：條友應該反社會

有網民表示，「佢仲要堅持面交，樓主你要唔要搵個師傅睇睇保平安，都唔知係咪啲過衰運儀式嚟」、「我覺得佢係想見證你打開嗰下，所以堅持面交，點知你冇check」、「應該係心理變態」、「條友應該反社會」、「黐線好核突呀！條友應該黐線㗎喎，以後交收一定要check清楚」。