油麻地打冷店蠔仔粥疑現蟲腳！食客反映竟遭店員咁回應？

食肆味道水準重要，服務態度同樣不可忽視。有女網民在油麻地一間潮洲菜館用膳，食蠔仔粥時發現有昆蟲腳，立即向職員反映，追問是否昆蟲腳。但對方的回應令她愕感，樓主表示「第一次遇到呢啲事，仲比人聲大夾惡」。

油麻地打冷店蠔仔粥現蟲腳

樓主在社交平台Threads上發文，大呻光顧油麻地一間潮州菜館的不快經歷。事源是她在蠔仔粥發現昆蟲腳，於是向店員提出質問。

網民在Threads發帖並上載照片，大吐苦水光顧油麻地一間潮州菜館的糟糕經歷。當事人帖文截圖圖片

顧客反映遭店員狂頂撞

想不到對方竟回應「唔好逼我答啲咁敏感嘅問題得唔得呀？咁你依家想點呀？」。樓主感到十分愕然。「我爸就係咁想息事寧人話照食，我就話我唔食啊」，而店員再就「咁你想點啊依家？cancel佢定整過碗？」。

顧客抱怨店員狂頂撞。當事人帖文截圖圖片

換過碗再發現異物

樓主續稱，「我爸就話整過碗，佢就一嘢車咗碗粥落垃圾桶，一句唔好意思都無講過，亦都冇幫我哋換過啲碗」。更恐怖的是，換來的另一碗蠔仔粥再發現異物。

換來的另一碗蠔仔粥又出現異物。當事人帖文截圖圖片

索外賣盒卻不獲理會

樓主最後要求取外賣盒打包剩食，但該店員卻沒有理會她，「我真係第一次食一間打冷店要收加一服務費，但係一啲服務態度都無」。

索外賣盒包剩食卻不獲理會。當事人帖文截圖圖片

網民同樣指責店員態度惡劣

帖文引來不少網民留言，「你都幾忍得，佢咁串畀我就大大聲問返佢碗嘢有強腳，你而家想點呀仲問返我，問到成間舖都知」、「你而家即刻同我食咗佢嘅話，我咪唔再問你囉！」、「第二碗嗰條野有啲似青口入面有時夾住條草嗰條嘢，出街食蠔仔要小心呀，因為無咩邊度會好好心機遂隻打開個邊洗」。

網民籲：千祈唔好叫人再整過

有人認為食物有問題，「千祈唔好叫人再整過！取消佢最安全！仲有記得所有食物到齊先投訴，唔係就乜都有得加俾你嘆！加料係飲食業嘅陋習」。

一位孝順女在社交平台發文，大呻雖然自己每月都「嘔15k家用」，但父母仍不滿足，當阿妹提出分擔部份家用時，父母更發爛渣，批評她「俾得幾個錢施捨」。

示意圖。愛回家劇照

樓主：羡慕父母對子女0經濟回報期望

女網友發帖第一句寫到「好羡慕啲屋企父母對子女0經濟回報期望」，她提到自18歲起已沒問屋企拿錢，學費全靠政府資助，做兼職搵生活費之餘，還要每月給父母$2000家用。時至今日她出來社會工作，月入$35000，但每月仍要給逾四成人工即是$15000當家用。

示意圖。愛回家劇照

妹妹提出與姐姐分擔家用即觸怒父母

父母還反對她去旅行，認為「日日出街洗曬啲錢，仲不如俾黎做家用」，還埋怨她給的家用不夠，認為她應該儲多些錢，留給父母養老。當她的妹妹提到想與姐姐分擔一半家用，認為姐姐以後搬出去住都需要有錢旁身，怎料卻觸動了父母的神經，罵到「搬出去唔洗俾伙食養我地？」「仲不如宜家我地退休 劃掂都冇人理我地」、「你係咪以為俾得幾個錢拖捨俾我地？」、「咁姐係逼我地冇人理做乞丐靠政府」令事主感到崩潰。

示意圖。愛回家劇照

父母有兼職「每人都有月入起碼14k」

她坦言父母的說話「唔會令我想俾多啲錢」「只會覺得更加堅定有能力就搬出去住」事主還透露其實父母親都有固定的兼職，「每人都有月入起碼14k」，但依然覺得女兒給的家用不夠。雖然事主曾提出只負責家中租、水、電、煤等開支，卻要求她要連買餸、日用品等費用都「負責埋」。她大感不惑，點解「你哋人工就唔洗拎出嚟完全係自用就得？邊到合理㗎」。

示意圖。愛回家劇照

網友怒批父母行為如「當子女ATM」

帖文一出，網民都為樓主感不值，紛紛留言力撐，更批評她的父母，如「當子女ATM」網民怒斥「四肢健全行得做得pt仲要問個女攞15k真係cls」、「即係你屋企人依家仲返緊工仲要食你萬$5家用？」「佢2個既人工做零用架，咁爽？」「自己有職業，仲虎視眈眈你啲錢」

「養兒防老」觀念已過時

亦有網民覺得舊時老一輩「養兒防老」觀念已過時，坦言「養兒防老係以前農業社會觀念」「窮人+傳統思想父母先會咁」、「好藍領父母feel」。有網民指「呢類上一代知識差距過大導致溝通唔到真係好常見」。