何佩瑜（Jeana)、梁琤和余曉彤一起為新片《辣警霸王花2》宣傳。Jeana亦宣佈正式與中國3D數碼娛樂的合約完結，即時回復自由身。問她會否改簽為男友翁子光旗下，由男友接工作？她即時否認，表示不會與男友自組公司，現正四出與不同公司洽談合約，大約五月便會正式落實。
梁琤、何佩瑜和余曉彤於新片合作。
何佩瑜（東星圖片）
何佩瑜與男友翁子光。（資料圖片）
另外，三位女星在新片中都有大量動作鏡頭，而且還會有一些爆破場面。過往曾在拍戲時被爆傷的梁琤表示，現在當聽到爆炸聲也會驚，不過現在安全措施會做足，亦對武指有信心。
何佩瑜、梁琤、余曉彤（東星圖片）
梁琤（東星圖片）
近期全港熱爆的Cantopop Party，殺出索爆女DJ！說的是一向有型格的何佩瑜（Jeana），原來她暗藏打碟技能，並已經悄悄現身好幾場Party客串做DJ，跟大班樂迷癲埋一份！
何佩瑜原來暗藏打碟技能！
提起去Cantopop Party，Jeana即刻眼仔碌碌，「之前特登去聽Beat Friday嘅Cantopop Party，氣氛真係好正！全場一齊大合唱，好似去咗巨型K房咁。啲歌都係香港頂尖金曲，好多回憶湧返晒出嚟，好似時光倒流返番八、九十年代，可以放低壓力盡情跳。」
何佩瑜
Jeana現身Party做DJ打碟並非玩玩下，原來已經有十年功力！「十年前已經學咗，都演出過幾次，所以今次pick up返都唔算太難。」問到忽然玩打碟原因，她一面滿足地說：「做DJ可以同大家分享自己鍾意嘅音樂同Remix，見到大家跟住跳真係好有滿足感！我平時喺屋企同朋友聚會都會客串DJ㗎！」
何佩瑜
提到打碟蝦碌事，Jeana邊笑邊說：「Halloween嗰次我想用《半斤八兩》壓軸，仲用mic同觀眾講：『以下呢隻歌大家都識……』點知播出嚟竟然係《皇后大道東》！哈哈，我笑到停唔到，居然記錯歌名！不過好彩《皇后大道東》大家都識跟住唱。」講到做DJ跟台下觀眾的分別，Jeana即刻認真mode，「做觀眾可以完全放鬆盡興，但做DJ就會有種責任感。做DJ嘅開心係嚟自觀眾嘅反應，見到佢哋玩得開心，我自己就跟住開心。」
大合照
大合照
身為張國榮多年fans的Jeana透露機緣巧合下，認識了一班張國榮的fans，眾人打算明年為偶像舉行「70歲生日會」，「我會負責打碟，打晒佢所有金曲，粉絲們都可以點歌，希望可以為偶像盡少少力啦！」
何佩瑜是張國榮多年的fans。
透露明年將與一班張國榮的fans為偶像舉行「70歲生日會」。
