隱世女DJ何佩瑜玩轉Cantopop Party 預告明年與「哥迷」為張國榮搞「70歲生日會」

近期全港熱爆的Cantopop Party，殺出索爆女DJ！說的是一向有型格的何佩瑜（Jeana），原來她暗藏打碟技能，並已經悄悄現身好幾場Party客串做DJ，跟大班樂迷癲埋一份！

何佩瑜原來暗藏打碟技能！

提起去Cantopop Party，Jeana即刻眼仔碌碌，「之前特登去聽Beat Friday嘅Cantopop Party，氣氛真係好正！全場一齊大合唱，好似去咗巨型K房咁。啲歌都係香港頂尖金曲，好多回憶湧返晒出嚟，好似時光倒流返番八、九十年代，可以放低壓力盡情跳。」

何佩瑜

Jeana現身Party做DJ打碟並非玩玩下，原來已經有十年功力！「十年前已經學咗，都演出過幾次，所以今次pick up返都唔算太難。」問到忽然玩打碟原因，她一面滿足地說：「做DJ可以同大家分享自己鍾意嘅音樂同Remix，見到大家跟住跳真係好有滿足感！我平時喺屋企同朋友聚會都會客串DJ㗎！」

何佩瑜

提到打碟蝦碌事，Jeana邊笑邊說：「Halloween嗰次我想用《半斤八兩》壓軸，仲用mic同觀眾講：『以下呢隻歌大家都識……』點知播出嚟竟然係《皇后大道東》！哈哈，我笑到停唔到，居然記錯歌名！不過好彩《皇后大道東》大家都識跟住唱。」講到做DJ跟台下觀眾的分別，Jeana即刻認真mode，「做觀眾可以完全放鬆盡興，但做DJ就會有種責任感。做DJ嘅開心係嚟自觀眾嘅反應，見到佢哋玩得開心，我自己就跟住開心。」

大合照

大合照

身為張國榮多年fans的Jeana透露機緣巧合下，認識了一班張國榮的fans，眾人打算明年為偶像舉行「70歲生日會」，「我會負責打碟，打晒佢所有金曲，粉絲們都可以點歌，希望可以為偶像盡少少力啦！」

何佩瑜是張國榮多年的fans。

透露明年將與一班張國榮的fans為偶像舉行「70歲生日會」。

何佩瑜（Jeana）日前以「香港交通安全隊宣傳長官」身份，出席「香港交通安全隊全港幼兒步操比賽」，擔任頒獎嘉賓。Jeana指雖然自己讀書時未有參與制服團隊，但今次跟這麼多小朋友互動，他們的童言無忌，更弄出搞笑場面，令她非常開心。

何佩瑜日前以「香港交通安全隊宣傳長官」身份。

出席「香港交通安全隊全港幼兒步操比賽」，擔任頒獎嘉賓。

講到活動感受，Jeana完全心心眼，「覺得好有意義，自己好鍾意小朋友，平時唔知道有乜嘢方法可以為小朋友做啲嘢，而家做咗交通安全隊嘅宣傳長官，可以參與、為小朋友宣傳交通安全，覺得好開心。之後仲會有其他活動，我會唱一首兒歌添。」她又大讚小朋友制服好可愛，「今次是幼兒班，佢哋非常有禮貌同紀律，幫佢哋掛獎牌嘅時候都會『多謝Madam』，同佢哋相處好快樂。」不過全場最爆笑的一幕，就是頒獎時有位小朋友隨口說了句「多謝姨姨」，Jeana即場笑爆，「我忍唔住即刻笑咗出嚟，然後佢隔籬個小朋友提佢喺『Madam呀』，哈哈，大家喺度笑。」

何佩瑜

何佩瑜

大合照

Jeana透露之後將會跟交通安全隊成員一齊參加扒龍舟比賽，並已經開始練習，「第一次扒龍舟，以前從來都冇接觸過。而家不停同隊員一齊練習。第一次練習唔係好識，冇帶手套，所以濕水嗰隻手磨損咗。最緊要係損咗，下一次練習會仲痛，哈哈，所以要帶手套。」雖然磨損手，但Jeana平時都有做開運動，所以練習過後沒有出現肌肉酸痛情況，反而大有收穫，「基本上我每日或者隔日有跑步同游水，練習完幾堂，反而隻手開始出現老鼠仔，哈哈。」

影片截圖

影片截圖

Jeana指練習期間學到團隊精神，「扒龍舟真係唔係靠某幾個人或者一人，係全體人員聽住口號好齊咁去做動作，一唔齊就會影響速度。教練講過最緊要係動作一致，整齊就好。第一次感覺到咁集中嘅團隊精神，藉此機會亦都挑戰自己。」

影片截圖

影片截圖

影片截圖

另外，Jeana於劇集《重案解密》飾演狠毒媽咪，討論度極高。她坦承飾演這個角色時內心不舒服，「因為第一次拍真人真事，所以要投入角色，真係要過自己心理關口。今次亦都睇咗好多相關嘅報道去了解角色。」她又感慨地說：「自己內心覺得苦毒不吃兒，無論小貓小狗小鳥都會為咗自己的孩子甚至犧牲自己，真係唔明白點解會有咁樣嘅親生母親。」Jeana亦跟導演商量過演繹方式，「究竟佢喺警察面前做喊戲係咪要做得虛偽啲？所以真相大白嘅時候嘅演繹唔係真誠嘅慚愧。」這個角色真的考起她的演技及心理質素。

《重案解密》劇照