半年吸金數百萬仍最重親情 何佩瑜自豪見證弟弟大學畢業

藝人何佩瑜（Jeana）以模特兒身份入行，近年成功轉型，積極進軍內地影視圈，接連參與劇集及電影演出，更躍升女主角行列，短短半年已吸金數百萬，成績亮眼。事業得意之餘，她對家人同樣付出甚多，與弟弟感情一向深厚，多年來更不惜每年花費數十萬元支持弟弟海外升學。

Jeana近年積極進軍內地影視圈，更躍升女主角行列，短短半年已吸金數百萬

親眼看到弟弟從校長手中接過畢業證書，內心百感交集

身為姐姐十分自豪

日前，何佩瑜專程飛往澳洲，見證弟弟 Brian 的大學畢業重要時刻，並於社交平台分享畢業禮片段。她感性寫道，親眼看到弟弟從校長手中接過畢業證書，內心百感交集，忍不住流下喜悅的眼淚，腦海更不斷浮現弟弟從小到大的成長片段，感嘆時光飛逝。

何佩瑜專程飛往澳洲，見證弟弟 Brian 的大學畢業重要時刻

在文中向弟弟送上祝福

她亦在文中向弟弟送上祝福，恭喜他順利完成人生重要一章，邁向新階段，同時感謝一路陪伴他的師長與朋友，並為弟弟找到屬於自己的信仰而感到欣慰，直言家人永遠是他最堅實的後盾。

影片中可見，弟弟 Brian 身穿畢業袍，何佩瑜則戴上四方帽，笑容燦爛地拖着弟弟合照，全程難掩驕傲與感動，畫面溫馨感人，充分展現姊弟之間深厚的情感。

為慶祝「英皇娛樂25+ HAPPY BIRTHDAY慶典」，英皇歌手輪住出動造勢，今次便聯乘「BEAT FRIDAY」舉行《英皇盛世之夜 Canton Disco Vibes》，由英皇的經典金曲到新派作品，一首接一首，氣氛由頭熱到落尾。

英皇娛樂為慶祝25+周年，昨晚（27日）聯乘「BEAT FRIDAY」舉行《英皇盛世之夜 Canton Disco Vibes》，周國賢（Endy）、曾傲棐、女團VIVA、黃明德及黎展峯輪流獻唱英皇經典金曲與新作，由《活著VIVA》到《櫻花樹下》，全場樂迷由頭唱到尾。

昨晚（3月27日）周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身party，何佩瑜（Jeana）驚喜客串擔任客席DJ打碟，溫碧霞（Irene）及楊天宇（Angus）亦有到場感受氣氛。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派嘅《FOMO》、《FM520》、《免費升級》、《框框》，每首都有不同年代的樂迷跟着唱。

女團VIVA

溫碧霞（Irene）亦有到場感受氣氛。

經過一輪熱身之後，Arvin、Andy、Dark及VIVA先後上台跟樂迷一齊跳唱，Endy壓軸登場，音樂一響起，全場即刻瘋狂尖叫，將成晚氣氛推至最高點。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到連外套都脫掉，「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」

VIVA全晚玩到超興奮，「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享一段小插曲，「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」

何佩瑜（Jeana）

Arvin坦言覺得新鮮，「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」Andy則大讚全晚氣氛，「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」Dark就話：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」

周國賢（Endy）壓軸登場。

全場瘋狂high爆！

整個Canton Pop Party，由頭到尾都播放英皇歌曲，歌手們跟樂迷玩到零距離，為「英皇娛樂25+ HAPPY BIRTHDAY慶典」再添一個難忘的夜晚。