娛圈事
很期待Jeana的新作！
何佩瑜（Jeana）、張紋嘉和莊思敏等出席網劇發佈會，Jeana自言這半個月都處於休息狀態，直到這個月尾才正式投入新的電影工作，屆時她將要接受全新挑戰，飾演類似情緒病在心理上自虐的人。
東星圖片
網上圖片
Jeana笑指：「這是一個很大的挑戰，加上我很鍾意自虐的角色，這令我很享受。（怕不怕未能抽離角色？）只要拍完後約朋友一起吃飯，我便會很快返到現實世界。」至於會否因為拍攝新戲而開始減少應酬？她表示將會在網上發文，向朋友表示暫時所有飯局不要預她了。
東星圖片
莊思敏、何佩瑜、張文慈、張紋嘉（東星圖片）
近期全港熱爆的Cantopop Party，殺出索爆女DJ！說的是一向有型格的何佩瑜（Jeana），原來她暗藏打碟技能，並已經悄悄現身好幾場Party客串做DJ，跟大班樂迷癲埋一份！
何佩瑜原來暗藏打碟技能！
提起去Cantopop Party，Jeana即刻眼仔碌碌，「之前特登去聽Beat Friday嘅Cantopop Party，氣氛真係好正！全場一齊大合唱，好似去咗巨型K房咁。啲歌都係香港頂尖金曲，好多回憶湧返晒出嚟，好似時光倒流返番八、九十年代，可以放低壓力盡情跳。」
何佩瑜
Jeana現身Party做DJ打碟並非玩玩下，原來已經有十年功力！「十年前已經學咗，都演出過幾次，所以今次pick up返都唔算太難。」問到忽然玩打碟原因，她一面滿足地說：「做DJ可以同大家分享自己鍾意嘅音樂同Remix，見到大家跟住跳真係好有滿足感！我平時喺屋企同朋友聚會都會客串DJ㗎！」
何佩瑜
提到打碟蝦碌事，Jeana邊笑邊說：「Halloween嗰次我想用《半斤八兩》壓軸，仲用mic同觀眾講：『以下呢隻歌大家都識……』點知播出嚟竟然係《皇后大道東》！哈哈，我笑到停唔到，居然記錯歌名！不過好彩《皇后大道東》大家都識跟住唱。」講到做DJ跟台下觀眾的分別，Jeana即刻認真mode，「做觀眾可以完全放鬆盡興，但做DJ就會有種責任感。做DJ嘅開心係嚟自觀眾嘅反應，見到佢哋玩得開心，我自己就跟住開心。」
大合照
大合照
身為張國榮多年fans的Jeana透露機緣巧合下，認識了一班張國榮的fans，眾人打算明年為偶像舉行「70歲生日會」，「我會負責打碟，打晒佢所有金曲，粉絲們都可以點歌，希望可以為偶像盡少少力啦！」
何佩瑜是張國榮多年的fans。
透露明年將與一班張國榮的fans為偶像舉行「70歲生日會」。
