黃秋生+惠英紅+謝君豪=正！
剛憑電影《淪落人》榮登「香港評論學會大獎－最佳男演員」的黃秋生，最近在導演葉念琛打造、福斯傳媒集團原創華語迷你劇《心冤》，一樣演技大爆發。
點擊看圖輯
《心冤》劇照
秋生大讚同紅姐默契足，對戲唔使講嘢。
「劉偉義」（秋生）今次再被閉路電視拍得懷疑槍殺黑幫頭目「雷哥」（張松枝）。
上司「Madam寶」跟「祈Sir」嗌大交，「韋以江」（小肥）梗要幫口。
秋生和君豪兩大影帝較勁，一個眼神已夠煞！
「Madam寶」（紅姐）和「祈Sir」（君豪）這場互片戲，不但觀眾睇得過癮，原來他們亦拍得好開心。
辭職的「韋以江」同「老婆阿琴」（張紋嘉）齊感謝好上司「Madam寶」多年照顧。
「韋以江」同「老婆阿琴」及一對仔女，被發現在家中慘死多時。
被殺的黑幫頭目「雷哥」手下「黑龍」（周國賢）會新登場.
新登場的社團成員「黑龍」即跟「Madam寶」起衝突。
《心冤》劇照
劇中秋生飾演神秘且關鍵人物總督察「劉偉義」，雖戲份不多，但跟「老婆」惠英紅和「同袍」謝君豪有着千絲萬縷衝突關係。秋生話今次難得接拍港劇，除覺得製作單位有誠意外，還笑言因角色易應付又夾到時間。對於演繹表面上是黑警的「劉偉義」，秋生有另一套睇法，「表面上佢係匪徒，我演繹佢就唔係好似。」更大讚同演「老婆」的紅姐夠晒默契，「同紅姐合作過，識咗好耐，有日導演問『秋生你做咩隻手擺喺袋度？』，咁紅姐就話『佢扮緊鬼呀！』，好有默契呀大家，佢知我做緊咩。」
秋生大讚同紅姐默契足，對戲唔使講嘢。
下周播出第四集，故事講到被閉路電視拍到疑似開槍殺死同袍「錦叔」（白彪）後，失蹤多時的總督察「劉偉義」（秋生），突然再度神秘現身，今次「劉」再被閉路電視拍得懷疑槍殺黑幫頭目「雷哥」（張松枝），重組案情時「Madam寶」（惠英紅）和「祈Sir」（謝君豪）對於「劉」是否真兇各執一詞。
「劉偉義」（秋生）今次再被閉路電視拍得懷疑槍殺黑幫頭目「雷哥」（張松枝）。
不過，最終「祈Sir」決定公開通緝「劉偉義」，即令不和多時的「Madam寶」極度不滿，更在警局走廊衝到「祈Sir」面前對質。「Madam寶」和「祈Sir」針鋒相對互鬧，連「Madam寶」下屬「韋以江」（小肥）也加入戰團，更即場向「祈Sir」辭職示威，令「祈Sir」無癮離開。
上司「Madam寶」跟「祈Sir」嗌大交，「韋以江」（小肥）梗要幫口。
秋生和君豪兩大影帝較勁，一個眼神已夠煞！
除了上映兩帝一后同場鬥演技外，首度合作的紅姐和君豪鬧交互片，肉緊到咬牙切齒兼青筋暴現一幕，絕對是不能錯過的精彩一刻。事後君豪都這些場戲拍得好難忘，「我哋事前冇乜商量過，喺走廊紅姐衝埋嚟就鬧，佢咁嚟，我咪就頂番過去囉！」紅姐都話過同君豪雖然未合作過，但埋位就好有默契，「我同君豪講『試戲同正式會唔同』，佢就話『得㗎啦！你點嚟我點去！』咁先會有最自然反應嘛！」
「Madam寶」（紅姐）和「祈Sir」（君豪）這場互片戲，不但觀眾睇得過癮，原來他們亦拍得好開心。
第四集除有帝后神級演技外，劇情亦有其他爆料，計有「Madam寶」得力下屬「韋以江」，跟在日本餐廳任職的「老婆阿琴」（張紋嘉），將會跟一對仔女在家中慘死多日才被發現。另外，被殺的黑幫頭目「雷哥」手下「黑龍」（周國賢）亦會新登場，因大佬死了舉行路祭的「黑龍」亦會跟「Madam寶」起衝突。
辭職的「韋以江」同「老婆阿琴」（張紋嘉）齊感謝好上司「Madam寶」多年照顧。
「韋以江」同「老婆阿琴」及一對仔女，被發現在家中慘死多時。
被殺的黑幫頭目「雷哥」手下「黑龍」（周國賢）會新登場.
新登場的社團成員「黑龍」即跟「Madam寶」起衝突。
