ViuTV原創劇《李錦記呈獻：光明大押》將於下星期一（5月26日）起，逢星期一至五晚上9時30分播映。劇集講述一位老字號當鋪的駐店二叔公，集百家辨別真偽絕學於一身，由於老闆夫婦早逝，他肩負起照顧老闆一對兒女的責任，三人本來關係親密，但卻因一事而疏遠。
(左起) 練美娟、謝君豪、呂爵安
MIRROR成員呂爵安（Edan）於劇中飾演當鋪太子爺關俊，是一個很聰明的人，自小與練美娟（娟姐）飾演的姊姊關聆一同被謝君豪（豪哥）飾演的林定堅照顧，彼此間有種奇妙的關係，曾經熟悉過、溫馨過，同時卻又有些傷疤。
點擊看圖輯
(左起) 練美娟、謝君豪、呂爵安
呂爵安與謝君豪、練美娟再度合作。
《光明大押》劇照
呂爵安飾演的關俊在i-bank工作。
一句呂爵安經常在劇中說的話就是：「揀揸跑車定係揀行路呢？」
《光明大押》劇照
《光明大押》劇照
呂爵安則與廖子妤首度合作。
呂爵安與謝君豪、練美娟再度合作。
《光明大押》劇照
Edan為大家介紹關俊：「佢喺i-bank度做嘢，同時佢亦都面對緊人生嘅一啲抉擇，一句我喺劇入面成日講嘅就係『揀揸跑車定係揀行路呢？』，究竟要為咗錢、名利不擇手段，定係甘願過一個普通嘅人生呢？」他認為關俊最特別之處是身邊有很多不同的人：「無論係職場、女朋友，定係返到屋企對住堅叔同對住家姐，都係唔同嘅感覺。我覺得呢個係今次角色比較好玩嘅地方，因為佢可以有好多唔同嘅經歷。」
呂爵安飾演的關俊在i-bank工作。
一句呂爵安經常在劇中說的話就是：「揀揸跑車定係揀行路呢？」
拍攝前對典當業零認識的Edan坦言：「從來都冇入過去當鋪，亦都會覺得點解佢地仲存在嘅？乜真係仲會有人去嘅咩？所以今次都算係一個幾新嘅體驗，原來當鋪係咁㗎喎，到今時今日都真係仲有人會去㗎喎。同埋我覺得今次好注重人情味，以前大家住喺附近就係街坊，就會互相支持，但今時今日的確少啲呢個感覺。」
《光明大押》劇照
Edan直言今次最開心是可以跟豪哥再度合作：「上一次合作已經係電影《過時．過節》，嗰時嘅自己好緊張，同埋都好少拍攝經驗。當時豪哥幫咗我好多，佢好鼓勵我，亦會傾囊相授，佢真係將佢識嘅嘢都會慢慢同我分享。」他又談到與其他演員的合作：「娟姐其實都係第二次合作，第一次係劇集《大叔的愛》。再合作嘅感覺都幾好笑，我同佢好多場口都會互相引大家笑，係幾好玩嘅。然後仲有Fish（廖子妤），係第一次合作，都知道佢係一個好犀利嘅演員，所以之前都好期待同佢合作嘅火花。」
《光明大押》劇照
呂爵安則與廖子妤首度合作。
