斷供？令人唞唔到氣的「呼吸Plan」

「只要我一息尚存」，都要拆掂「呼吸Plan」第三年後考驗！

資料圖片

有業主在討論區發帖，指自己買下的物業首三年 (平息期) 轉眼間過去，仍然繼續供樓，認為「一條友平時唔算大使，覺得無乜嘢要再死慳死抵。」樓主唯有考慮開源增加收入，但始終過不到銀行壓力測試，無法進行轉按。

資料圖片

樓主眼前困難，就是供第四年開始，計收入減去開支，「每月只儲到千零蚊進帳，得咁少點算？」而且自稱為單身一族，無父幹、無結婚，亦無女友，自己已再無多餘錢消費娛樂，甚至去旅行。

樓主坦言「為咗供『呼吸plan』，每個月儲錢咁少，又無得消費玩樂。」有感現在的供樓生活愈來愈沉悶，對自己身心不太健康。

資料圖片

不過，又因為物業傾向自住，不想這麼快便賣樓套現，於是在討論區發文，請教網友改善現況。

提提各位準業主，所謂「呼吸plan」，意思是任何人（有呼吸的活人）申請也可獲批的超高成數按揭，這些計劃甚至不問申請人的收入情況。

不過這種按揭計劃年期一般很短，若本身財力不足就必須轉按，若本身條件太差，可能便不能找到銀行做按揭，或者要向財務公司的高息貸款去解決按揭問題。所以買樓時，一定要計算清楚，量力而為。

資料圖片

網民點睇？

NPGG：3年，先行止賺。

stevenhendry：ching算唔算係唔夠實力但又夾硬上車，仲要唔新唔買果種？

呢個藍色師兄：夠三年，賣左佢，租樓啦。

鄭少蟹：四年前樓無呢兩年咁貴，仲有回少少。但都可以啦，你而家起碼仲呼吸緊。

無聊傻佬：慢慢黎，供樓有邊個未辛苦過，調整生活及調整心態好重要架。

金管局數字顯示，本港6月新申請住宅按揭貸款個案8581宗，按月升4.8%；上月新批出按揭貸款額升3.3%至275億元。

當中，一手交易的貸款升4.2%至93億元，二手交易的貸款升2.4%至150億元，轉按交易貸款升5.2%至32億元。

上月新取用按揭貸款額升近9%至177億元。

以香港銀行同業拆息作定價參考的新批按揭貸款比例，由5月的93.4%升至6月的94.7%。以最優惠貸款利率定價的比例，由1.9%跌至1.7%。

上月未償還按揭貸款總額按月升0.1%，至近1.89萬億元。按揭貸款拖欠比率0.13%，仍維持在低水平。