Yan笑言今次是幫囡囡賺書簿費！
吳日言（Yan）榮升媽媽半年，早前替為媽媽而設的護膚品牌拍廣告。她表示在廣告中做番自己，一邊工作一邊要照顧家庭湊BB。廣告中阿Yan要與約半歲大的BB模特兒做對手戲，雖然BB最初都有點扭計，但她湊B已上手，很快便氹掂對方順利拍攝，而她亦開心表示穩袋六位數字酬勞，可作為女兒日後的讀書基金。
點擊看圖輯
更多相片
吳日言早前拍廣告時，最大挑戰是與BB做對手戲。
吳日言表示護膚心得是清潔要乾淨和勤敷面膜。
廣告中她做番自己，工作之餘還要照顧家庭。
吳日言去年為老公Barry誕下女兒Beatrice。
吳日言雖是新手媽媽，但與女兒沖涼完全冇難度。
吳日言周日與女兒慶祝首個母親節。
吳日言有份投資的飯糰便當店，今年初開幕。
吳日言早前拍廣告時，最大挑戰是與BB做對手戲。
此廣告講述Yan在工作之餘如何分配時間照顧家庭和湊BB，拍攝七小時共走了三個地點包括公司和家，她表示最大挑戰是要擺甫士和跟BB模特兒做對手戲，「因為好耐冇拍廣告，所以要擺甫士時有啲唔慣；而且最初同BB一齊拍時，佢有啲扭計，好在我係一個熟手媽媽，好快就氹掂佢，最後得以順利完成。」由於她生完BB後體形還未回復至產前狀態，為了上鏡靚靚，她拍攝前積極去跑步，約一個月就成功減了10磅，十分有滿足感。
吳日言表示護膚心得是清潔要乾淨和勤敷面膜。
廣告中她做番自己，工作之餘還要照顧家庭。
問到拍廣告酬勞滿意嗎？Yan笑言：「其實今次唔係賺奶粉錢，因為我係餵母乳，我本身就係奶粉，而係幫囡囡賺書簿費，因為讀書好貴呀！」至於湊B有甚麼心得？她笑言多跟BB聊天和唱歌，均有助親子溝通和互動。
吳日言去年為老公Barry誕下女兒Beatrice。
吳日言雖是新手媽媽，但與女兒沖涼完全冇難度。
吳日言周日與女兒慶祝首個母親節。
提到今年大計，今年初開設飯糰便當店的Yan，開心表示六月會多開一間分店，現時忙於籌備新店的工作；如有時間她還想追多個BB，等囡囡有個伴，總之兩個夠晒數。
吳日言有份投資的飯糰便當店，今年初開幕。
