深夜發文疑回應與「五索」反目傳聞　裕美：唔好再做咁多小動作

「五索」鍾睿心（Rachel）被外界形容為「最強小三」，與與66歲、身家以百億計的大生銀行主席馬清鏗相戀多年，二人更育有四名子女。「五索」一夜爆紅的背後離不開裕美與林作的功勞，不過近日瘋傳兩人鬧不和，裕美男友林作周六在灣仔范德偉律師事務所召開記者會，澄清近日有關裕美與「五索」關係轉差的傳聞。

裕美IG截圖

林作在記者會大爆裕美從未在合作中賺取豐厚利潤，又指二人從來不是合夥關係「從來都唔係一伙」，一切協助純屬幫忙。林作又指大家出來做生意，應該互相祝福，不應該踩低別人。

裕美IG截圖

裕美IG截圖

裕美雖然未現身記者會，她亦於星期六晚在IG撰文回應：「女人一定有自己事業，我一直都講，隔籬嗰個有錢是人哋的錢，如何自由分配，唔到你話事。一切都是表面風光，世上沒有不勞而獲，亦唔會有兩全其美。你有得一樣嘢，就會冇第二樣嘢，要做嘅係自己有能力，那你就可以有話事權，亦唔會俾人看不起。當你完全依附一個男人，佢會話：『我比屋你住比飯你，食仲想點？』我對我家狗狗都比屋企佢哋住、俾飯佢哋食，得閒買啲玩具俾佢哋玩，外人點樣講我，我冇所謂，但一個曾經相識，並用心過既人，到頭來搵人出嚟顛倒是非黑白，確實失望。再講落去，只會令我諗起一直以來捱更抵夜做過既一切回憶而感到戇居。不過，係我揀，唔想再講，我繼續向前行。重申：『唔好再做咁多小動作，請努力做好自己嘅嘢，我會繼續祝福。』」

「五索」鍾睿心IG截圖

「五索」鍾睿心IG截圖

「五索」鍾睿心IG截圖

被稱為「最強小三」的鍾睿心（五索），因與大生銀行主席馬清鏗維持長達10年的婚外情而廣為人知，兩人育有四名子女。五索不時在社交平台分享家庭生活，近日就因網上瘋傳一段屯門富泰邨女童身穿校服、手提兩大袋啤酒的懷疑虐兒影片，罕有以媽媽身份公開發聲，直言：「愛唔係虐待！」

五索擁有四名子女

五索拍片表示：「作為一個媽咪，真係睇到好嬲。」她認為要求小朋友拿重物可以造成嚴重後果，又強調：「愛唔係虐待，都唔係控制，管教唔係一個虐待嘅藉口嚟。」

對於有人將影片拍下並放上網，五索反而表示欣賞，認為事件被揭發，或可避免悲劇延續。她說：「唔係呢個小朋友長大後會帶住無限創傷去建立另一個家庭，呢一個悲劇會不停延續落去。」

認為事件被揭發，或可避免悲劇延續

五索又談到家庭關係對小朋友的影響，認為繼父、繼母有時可能令兒童面對悲劇，並直言：「我覺得婚姻、離唔離婚冇得揀，但至少媽咪有責任保護返自己仔女本身嘅安全。」

直言：「我覺得婚姻、離唔離婚冇得揀，但至少媽咪有責任保護返自己仔女本身嘅安全。」

她更斥責為了嫁給另一個人而犧牲子女安危是「不負責任」，希望事件最終能令女童得到公平對待。

她更斥責為了嫁給另一個人而犧牲子女安危是「不負責任」

五索過去曾於《緬甸堂》專訪自揭出身大埔街市唐樓草根家庭，大學時因前夫駕駛保時捷而被吸引，奉子成婚，婚姻僅維持數月便告終。兒子8歲起隨前夫生活，而她表示分開後母子關係反而比以往更好。