投資舊樓風險高好多？
（資料圖片）
唐樓多數集中在市區，由於樓齡偏大，價格較一般單幢式或同區私樓為低，吸引另一類上車客注意；然而，唐樓卻面對喉管生銹、電綫破損和漏水等居住問題。
（資料圖片）
最近網上討論區有帖文以「大家點睇唐樓的投資價值」為題，樓主認為早兩、三年前，「新樓樓價跑贏唐樓好多」，他的睇法就是「新樓樓價升咗咁多，相反舊樓升幅比較少」，直言市區、港島的唐樓將有條件追落後。
樓主提出了兩大原因支持唐樓樓價上升，包括：樓價急升，市民買不到新樓，然後轉買唐樓，估計「銀行對唐樓的按揭審批愈來愈寬鬆」。
（資料圖片）
另外，市區地愈來愈少，政府增加供應都在新界，但上班族的工作地點集中港島和九龍，促使發展商及政府會加速收購舊樓，令唐樓收購機會大增，享有長遠的投資價值。
到底唐樓會否一如樓主所言能夠「追落後」，還是受客觀因素影響繼續「跑輸大市」？
（資料圖片）
【網友點睇？】
遊雲：唔重建搏收購都無咩價值，租金又比私樓低。
2*1：消防設備拖左咁多年都冇整，想接棒？
哲學撚：唐樓投資價值，犀利在市場唔夠透明，成交少，夠膽可以開高價。
小春囝：如果做劏房，可以幫補租金回報。
德歷：唐樓根本進可攻退可守，但自住我就唔建議了。
山林道：買唐樓預咗樓價舊錢會「責」喺度！
