兩爺孫玩得好開心！
有「廟街歌王」之稱嘅尹光，雖然七十有二，但寶刀未老，月前獲環星老闆張國林賞識加盟旗下，簽約10年，唱到2029呀！雖然尹光並無因為榮升為爺爺而減產，但他非常享受湊孫的樂趣；日前傍晚，他偕愛妻李麗儀湊住兩歲小孫女行金鐘商場，見他除咗餵小公主食餅仔、飲水外，又拖實小手溫柔呵o氹，兩爺孫玩得好開心。
點擊看圖輯
更多相片
爺爺餵小公主食餅仔和飲水。
打扮新潮嘅尹光和愛妻陪兩歲孫女行商場。
尹光張開雙手同小孫女玩。
小公主不時扮聽電話唔肯行，兩老耐心等候。
尹光兒子Kenny在美國畢業返港後，曾從事保險業。
早年，尹光為歌曲《潮神》拍MV，造型搞笑。
13年，尹光在文化中心舉行《鬼馬狂想笑不停演唱會》。
爺爺餵小公主食餅仔和飲水。
打扮新潮嘅尹光和愛妻陪兩歲孫女行商場。
尹光嘅經典口水歌眾多，如《荷里活大酒店》、《你阿媽大減價》等，而緊貼潮流嘅佢早年先後跟MC Jin、農夫、側田等合作，潮唱rap歌，就算兒子Kenny 17年做咗老竇，生咗個小公主，榮升爺爺嘅尹光都講明絕唔會弄孫為樂而減產，仲揚言永不言休，唱到80歲。
尹光張開雙手同小孫女玩。
小公主不時扮聽電話唔肯行，兩老耐心等候。
唱到80歲
日前傍晚，尹光同結婚逾36年嘅太太李麗儀湊兩歲孫女去金鐘一商場行街。爺爺級嘅尹光打扮新潮，牛仔褲配波鞋，頭髮又濃密，加上得閒就打乒乓波，身形keep得好好，只係有個小肚腩。恩愛夫婦陪紮辮小孫女行街，大眼小公主孭住個手袋仔，好活躍不時跑嚟跑去，間中又玩吓個玩具電話，cute爆。其間，尹光老婆買咗杯台式飲品，三人就坐低休息，爺爺溫柔餵小公主食餅仔和飲水，照顧周到。臨走時，嫲嫲先帶孫女如廁，孫女出嚟時，尹光張開雙手同寶貝玩，兩爺孫開心大笑，溫馨滿瀉。
尹光兒子Kenny在美國畢業返港後，曾從事保險業。
早年，尹光為歌曲《潮神》拍MV，造型搞笑。
13年，尹光在文化中心舉行《鬼馬狂想笑不停演唱會》。
