張家輝偶遇尹光 即席高歌《Dear Myself》

影帝張家輝近年頻頻於公開場合獻唱，早前又為陳慧琳紅館騷做嘉賓，又唱又跳《眼睛想旅行》，令全場驚喜！早前二人於街頭巧遇，更即場合唱尹光2023年推出的《Dear Myself》，場面超有愛！

為陳慧琳紅館騷做嘉賓，合唱經典歌曲《眼睛想旅行》。

二人於街頭巧遇，更即場合唱

尹光事後於社交平台分享了這段珍貴影片，只見他於炎熱的天氣下，手持迷你風扇當咪高峰，與張家輝深情合唱副歌：「數波波點算每顆星球，多麼感激有幸置身這裡望滿天星宿……」令人驚喜的是，張家輝幾乎記得全部歌詞，尹光也大讚他是「真心粉絲」！

張家輝幾乎記得全部歌詞

深情合唱副歌：「數波波點算每顆星球，多麼感激有幸置身這裡望滿天星宿……」

尹光向傳媒透露，這次合唱並非事先安排，只是與太太逛街時，碰巧遇上張家輝，得知他喜歡自己這首歌，便邀請他一起「數波波」！

尹光向傳媒透露，這次合唱並非事先安排

張家輝早在2023年接受谷德昭《爆谷一周》訪問時，就公開表示自己是尹光的粉絲，更說《Dear Myself》非常深得他心：「最近很喜歡光哥這首歌，我沒有想過光哥的歌，聽到眼濕濕，聽了很多次，很切合自己心情，有共鳴。」他更說其中一句歌詞「所得所失怎說起，轉轉心情人又照舊」最令他觸動！

張家輝曾公開表示自己是尹光的粉絲

張家輝更搞笑地說：「如果隔壁屋有一個尹光這類阿叔都幾好，得閒傾兩句，jam下歌，他又自得其樂。」他之後更將這首歌推薦給歌神張學友，哪知對方回應：「聽過但沒有眼濕濕」，搞到張家輝笑言對方「比較冷血」！

歌手尹光到新城廣播接受李有毅與李國煒主持的《Ben同Benson「Chur」到行》訪問，分享由黃偉文（Wyman）為他度身訂造的新歌《你阿爸的無常宇宙》。現年81歲的尹光，在新歌中從出生唱到往生，說的是放下執著，接受上天的安排。然而在拍攝MV時，導演張子丰不讓尹光「死去」。

尹光接受新城《Ben同Benson「Chur」到行》訪問。

尹光談及新歌《你阿爸的無常宇宙》時難掩興奮，他表示歌曲由Wyman操刀：「自從《Dear Myself》之後，佢覺得佢想寫一首歌畀尹光唱。我聽到佢想寫畀我，嘩！開心到。我求都未必求到佢寫畀我，難得佢肯寫畀我，我開心到不得了。」

尹光介紹歌曲內容時滔滔不絕：「呢首歌係講一個人由出世到往生，以前人生幾十年，依家人生可以過百年，我都識幾個九十幾歲，現代人壽命長咗。佢講嘅往生同出生，叫人唔好太執著，每件事上天都安排好。你想健康就運動；你想開心就唔好諗太多，咁你個人就冇問題喇！」

左起：李有毅、尹光、李國煒

新歌MV由張子丰（Fred）執導，拍攝過程甚為有趣，他分享MV中的特別安排：「原本首歌係講我往生，講我死，但Fred話唔好畀尹光死住，我哋仲有排玩。」尹光續說：「MV入面我死咗經過奈何橋，佢話我冇手帶唔走得住。我問佢點解我唔走得？佢話『你未係時候，依家你鍾意去邊就去邊，鍾意做乜就做乜，玩夠再返嚟』。」

談及與兒子的關係，尹光提到自己歌曲《老豆》正正是講述父子關係，他坦承：「年輕時同個仔冇咁密切，長大之後就比較密切。」他解釋：「因為佢細個嘅時候要搵食，個個年輕時都會去拼搏去賺錢，賺錢時就好少顧個仔，多數請工人或者太太照顧，到依家想接觸個仔，佢又識諗嘢，覺得老豆以前冇照顧我咁好，依家想補救，同個仔都OK。」

新城CEO馬浚偉歡迎尹光到訪。

81歲尹光推出新歌《你阿爸的無常宇宙》。

尹光特別感謝影帝張家輝為《老豆》拍攝MV：「我喺呢到借個機會多謝張家輝，佢拍《老豆》個MV真係拍得好好。雖然三兩分鐘，佢個表情真係絕頂，頭髮雖然梳咗兩個鐘，但拍咗兩三秒，轉咗個頭，但嗰吓好有感覺，所以真係影帝。」尹光又透露與兒子的日常溝通：「我個仔冇咁多嘢講，佢同我老婆就講好多嘢，由我老婆講畀我聽。」

另外，尹光將於5月19日舉行《爆笑勁歌晒冷演唱會2026》，他笑言：「曬冷就唔敢講話曬冷，曬冷唱多啲歌畀大家聽，即係有啲歌冇唱過都曬畀你聽。」同時介紹兩位演出嘉賓：「第一個是蝦頭（楊詩敏），佢會同我唱一首好搞笑嘅歌，另一係鄭雅琪，佢喺粵曲界好出名，佢同我會唱幾首廣東小曲。」

唱盡出生到往生。

詳細節目內容，請留意4月25日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/