祖兒媽仲同新抱仔有傾有講，關係幾好！
今年六月初，容祖兒胞弟容逸恆（Samuel）結婚，榮升大姑奶的祖兒好開心，而她成為大姑媽的心願話咁快就達成。上周日下午，祖兒媽同祖兒胞弟及佗巨肚弟婦去銅鑼灣買嘢，三人先去電器舖看幾款電器，然後再去超市買餸打邊爐，奶奶不時同新抱仔有傾有講，而祖兒細佬就孭住大環保袋拖實老婆行，全程勁溫馨。
點擊看圖輯
更多相片
買餸期間，祖兒大肚弟婦不時嘟嘴嗲老公。
祖兒媽同新抱仔有商有量，關係唔錯。
胞弟結婚，祖兒送住宅和酒席做賀禮。
兩公婆喺超市同祖兒媽分開行。
祖兒弟婦摸住巨肚行街。
三人對抽濕機及飯煲最有興趣，睇咗好耐。
買餸期間，祖兒大肚弟婦不時嘟嘴嗲老公。
容祖兒自年初承認跟拍拖5年的劉浩龍分手後傳出兩單緋聞，一單是傳跟楊受成兒子楊政龍拍拖，但人家名草有主，女友黃子菲亦已懷孕。最新一單被爆戀上王菀之已婚叔仔Gavin So，被緋聞嚇醒的祖兒回應：「真係唔好意思，又拖咗另外一個兄弟落水，我哋絕對無發展嘅機會，知道大家對我嘅感情未有着落，都好緊張，但我有好消息一定會告訴大家。」
祖兒媽同新抱仔有商有量，關係唔錯。
婆媳關係好
大家不用擔心祖兒會寂寞，因為她大把Friend，加上又就嚟有BB玩，目測佢弟婦個肚都應該有七個月，快㗎嘞。當日下晝五點，祖兒媽一行三人先去電器舖，看抽濕機、藍光除蟎吸塵機同電飯煲，三人對三樣電器都好有興趣，奶奶同新抱仔互畀意見，有店員行近作推銷，一家人有商有量，之後無買到東西就去附近超市買餸，主力祖兒媽負責買，見她入手魚蛋、牛丸、魚片同大量瓜菜，應該當晚喺屋企打邊爐。買完嘢，祖兒媽行先，祖兒細佬就拖實大肚老婆行去附近停車場攞車。
胞弟結婚，祖兒送住宅和酒席做賀禮。
兩公婆喺超市同祖兒媽分開行。
祖兒弟婦摸住巨肚行街。
三人對抽濕機及飯煲最有興趣，睇咗好耐。
