容祖兒帶師弟出大場面 曾比特首登大舞台難掩興奮

「2025第十五屆全國運動會」開幕禮昨晚（11月9日）於廣州的廣東奧林匹克體育中心舉行，容祖兒、曾比特（Mike）、樂隊Daze In White兩位成員鄭宗健（Felix）及李肇航（Eugene）獲邀擔任表演嘉賓，四個單位同台合唱主題曲《龍騰伶仃洋》，現場氣氛熾熱。

容祖兒、曾比特、樂隊Daze In White兩位成員Felix及Eugene獲邀擔任全運會開幕禮表演嘉賓。

今次開幕禮的「第三章《同夢同圓》：成世夢圓」環節，由祖兒、Mike、搖滾樂隊Daze In White及另外三個單位演出，組合勁有新鮮感，歌曲氣勢磅礴，祖兒跟Mike更企正C位，隔住個Mon都feel到震憾感！

容祖兒

曾比特

演出過後，祖兒仍然興奮，「好榮幸有機會喺全運會嘅開幕禮演出，希望大家都可以喺全運會入面搵到屬於自己嘅夢想。」提到帶着師弟們出大場面，祖兒即笑說：「唔好咁講，大家差唔多年紀，我早出道啫，哈哈。其實係好開心可以同佢哋一齊演出，今次同Mike、Daze In White合作好新鮮，佢哋把聲好有力量。」

容祖兒

容祖兒

容祖兒

而剛加入公司的Mike，首個job便是於大型盛事任表演嘉賓，他坦言收邀請時十分驚訝，「同埋知道合唱嘅對象除咗大師姐，亦都有同門嘅樂隊，同埋有澳門、廣州代表嘅時候，自己有少少緊張，因為好似代表一個香港嘅年青人去演繹呢個青春熱情，所以自己都做咗好多功課，一路練習，又send俾導演聽，等佢俾啲意見我可以點樣演繹得更加好，希望大家會滿意。」

曾比特

曾比特

曾比特

表演完的Mike坦言這是他人生第一次面對那麼多觀眾，所以難掩興奮之情，「最開心就係一首咁激情嘅歌，有咁多人同我一齊去演繹呢首歌嘅時候，個人自不然就會有一種好激動嘅感覺，所以我好enjoy今次嘅舞台，好開心。」

至於Daze In White的兩位成員Felix及Eugene則分享道：「我哋希望透過音樂，令大家感受到團結同友誼嘅力量，呢個亦正正係全運會嘅精神！」

曾比特、樂隊Daze In White兩位成員Felix及Eugene

Eugene、Felix

曾比特（Mike）日前以香港唯一代表歌手身份，獲邀出席香港電台於上海舉辦的「十大中文金曲—上海金曲匯」活動。這次盛事包括為期三個星期的「香港唱片足印展」，展出港台音樂資料庫大量珍藏，包括約一百三十張不同年代的經典黑膠唱片、歷年十大中文金曲獎座及場刊等珍貴物件，絕對係樂迷嘅集體回憶。晚上更舉行廣東歌派對之夜。

曾比特日前獲邀出席香港電台於上海舉辦的「十大中文金曲—上海金曲匯」活動。

曾比特

曾比特

講到黑膠唱片，Mike表示如果有機會推出黑膠碟，外表一定要夠搶眼，「外觀上希望係七彩顏色，令人望到都好開心。」音樂類型則與「七彩黑膠」完全相反，拒絕花巧，「反而會偏向簡化，盡量以最純粹的音樂去打動樂迷。」

曾比特

曾比特

至於晚上的Canton Pop Party，Mike透露之前從未去過這類活動，今次是第一次參與，而且更是第一次以超近距離方式跟Beat Friday一齊玩音樂，「個距離係大家隻手一伸出嚟就可以掂到我。」Mike形容這次體驗非常有趣，感覺猶如將當刻唱歌的自己，以一個很赤裸的表演狀態呈現給大家看，「我見到大家一路聽歌嘅時候一路喺度搖擺，亦都聽得好陶醉嘅時候，其實我自己都唱得好陶醉。」

曾比特

曾比特

曾比特

曾比特

曾比特

活動當日，上海天氣酷熱，Mike每逢踏出室外便感受到熱浪侵襲，不過他謂這股熱力，遠遠不及居住上海的香港人，以及專程遠道而來撐場的香港歌迷般熱情，差點被大家的愛融化。除此之外，難得去到上海，Mike完成工作後經過外灘，忍不住叫司機停車，衝落車影返幾張打卡相，他笑謂：「打完咭就啱啱好熄燈，都算完美的時間節奏。」

曾比特