凍齡有術～
「超級傑迷」阮小儀為了偶像蔡一傑追到去日本，更以暴走車隊帶住傑仔音樂會的海報穿梭涉谷鬧市宣傳，氹得傑仔好開心。所以他決定為小儀安排一次Speed Dating，與3位日本型男「相睇」，有成熟穩重的「東京劉華」、斯文「怕醜羅仲謙」和兼職健身教練的「大隻姜B」。
傑仔自爆曾在日本試Speed dating，成功結識到新朋友，而這次他最初隱瞞真實年齡而報稱38歲，因為他實在「凍齡」加上完美Body，成功瞞天過海。期間更歡迎任摸腹肌和麒麟臂，當大家得知他身實年齡時都非常嘩然。約會結束後，小儀表示席上男士較內斂，她還是情傾開朗有型的傑仔！
蔡一傑自爆曾在日本試Speed dating，成功結識到新朋友。
事前傑仔問小儀有沒有想過參加交友約會？小儀坦言不敢參加，她說：「喺香港絕對冇可能嘗試，因為大家一見到我就以為有偷拍，所以今次是第一次，心情好緊張。」傑仔安撫她說：「Speed Dating 喺日本係好平常嘅事，大家工作好忙，生活圈子好細，除咗同事就無機會認識其他人，所以會籍著參加呢種聯誼飯局認識新朋友，廣濶人脈。最緊要打破框框，敞開心扉，唔一定搵對象，就當結交新朋友。」
傑仔自我介紹時，新朋友們對於他是歌手，最近推出日語歌和個將會在香港舉行音樂會都表示好奇，得知他喜歡做Gym時都話要摸他的肌肉，還大讚「sugoi」（厲害）！傑仔又問坐在小儀身邊的「大隻姜B」：「接受姊弟戀嗎？」分明為小儀開路，對方表示不介意，最重要是溝通。
