新年過後，各媒體都有人事異動， 早前傳出無綫電視新聞部不少人馬離職，包括當日處理「七警事件」 的編輯主任周潔儀，周潔儀在事發前負責早晨新聞及審閱外電工作， 事發後被調處理海外廣播。 外界認為周潔儀等人是因調職無癮才決定請辭。
不過有人走自然有人加入，最新消息係做過無綫的民建聯總幹事陸漢德，將回巢做無記新聞部編輯主任。上周傳出民政局政治助理徐英偉辭職，回民建聯做總幹事，原來是陸漢德去無線，才產生這一轉音樂椅遊戲。 但民建聯的講法是陸漢德退休離職。
陸漢德中大畢業，做過《文匯報》、《TVBS》及《天天日報》， 由於做過TVB首席編輯，所以熟門熟路，今次入無記等如回巢。 聞說陸漢德會歸入已調任編輯主管的許方輝旗下，主責政治新聞sub稿。睇新聞部總監袁志偉花哥調重兵請新人入去編輯部，都知道經過「七警事件」後，花哥要搵老經驗、信得過的人入去睇住 sub枱啦。
認識陸漢德的人都知，佢係叻人一個，今次再入無記，相信不難適應。呢個世界係咁，有人辭官歸故里，有人漏夜趕科場，無記呢啲大台，真係唔驚請唔到人做嘢喎。
Ariel
** 博客文章文責自負,不代表本公司立場 **
