又有新火花。
節目截圖
TVB午間綜藝節目《流行都市》不時邀請廚藝專家教路，推介家教觀眾學者簡單菜式，因為新冠肺炎疫情嚴重，所以節目常設廚藝專家黃婉瑩（Annie師傅）就教煮「黃金葡汁四蔬」來增強免疫力。然而，網友將焦點放在主持安德尊（大王），因為他繼「無敵鴛鴦鏟」再出新招，今次不時爆出金句，令到Annie師傅及其他主持難以接招。
節目截圖
起初，Annie師傅簡介材料，替出白色的為椰菜花、綠色的為西蘭花，大王突插嘴：「你應該問一問天佑呀頭先！」懷疑諷刺27歲的新晉主持吳天佑不懂兩者之間分別，同時似乎暗示Annie師傅介紹人所共知的事。Annie師傅則回答指天佑識分這兩種菜。材料準備後要汆水，但大王異常焦急，想一次將食材倒落熱水，Annie師傅即刻制止。
節目截圖
之後Annie師傅準備炒菇粒，吳天佑問：「使唔使揀鹽味牛油再香啲？」大王即時發脾氣大喝天佑：「你過嚟呀！你過嚟呀！咁多問題！」Annie師傅就打圓場指選用了法國牛油，相當香口，大王又再質疑何解不放全部牛油落鑊：「你孤寒啫，靚牛油。」汆水之後，大王又問天祐覺得他們合作得怎樣，天佑老實回答：「有啲亂囉，大王你心急呀。」
節目截圖
去到最後煮葡汁部分，Annie師傅加了薑黃粉、椰汁等，天佑問：「落忌廉得唔得？」Annie師傅笑指太貴，大王成功「搵位入」：「富家子弟真係富家子弟！我唔係富家子弟啫，都知道啲嘢。」之後大王突然拎起隻鑊，Annie師傅乘機還擊：「你今次最有用。」Annie師傅接着說，煮葡汁不用加芝士粉，焦浩軒就提議可加芝士粉在葡汁上面，大王即時怒斥：「唔加梗係有佢理由，你問埋啲全部廢問題！」結果令氣氛一度陷入冷場。有網友認為全長十分鐘的煮環節充滿火藥味，更有人認為大王為廚師天敵。
觀看相關影片請按以下畫面：
