在TVB新劇《以和為貴》中，徐子珊不用再演紀律部隊，變身依附賤夫黃長興的愚忠小師奶，用盡方法留住老公個心，但老公不領情，金屋藏嬌偷食「小三」So bad（張名雅），搞到子珊幾乎連屋都冇得住！監製林志華為劇集加入喜劇元素增強戲味，情節搞笑，不過，子珊眼中的「巫瑞薏」遭遇坎坷絕對是悲劇人物，當《頭條日報》記者問到現實生活中有否遇過傷害她的衰男人時，她坦白自爆：「有，入行前後都有！」但經歷過這些挫折，子珊在感情路上愈變堅強。
子珊在2010年以1,200萬買入貝沙灣豪宅，軟硬件俱佳有條件慢慢揀男友
子珊在《以和為貴》中演一位失婚小師奶，仲要照顧自閉症妹妹朱千雪，對她來說算是一個新嘗試，多次強調演得好過癮，特別是一場同「小三」張名雅打交，兩女不顧儀態互相拉扯頭髮拉bra帶一幕，子珊回味再回味之餘嫌意猶未盡，角色唔夠師奶：「因為故事中段會轉型做秘書，角色前後唔可以格格不入，有機會我想做啲全職師奶，會去街市買餸同湊仔嗰隻師奶，不修邊幅都冇問題，甚至可以做多啲陰暗面嘅角色，因為演員要多挑戰先可以擴闊戲路，其實之前拍《再戰明天》時我有提出過想做監犯，不過，懲教處方面開過會，唔建議我演，對呢個答覆我都唔係太理解，唯有下次落力同監製硬銷下囉！」
點擊看圖輯
子珊在2010年以1,200萬買入貝沙灣豪宅，軟硬件俱佳有條件慢慢揀男友
演紀律部隊人員，子珊話駕輕就熟
子珊最新緋聞男友是已婚的「鬍鬚陳豪」，著名Tango老師Ka Mong
黎明是子珊第一位緋聞男友
子珊唔介意拍廣告賣性感
演紀律部隊人員，子珊話駕輕就熟
戲中子珊被黃長興糟質，現實生活中，經歷多次感情創傷的子珊對男人依然信任，對愛情仍有憧憬：「唔可以一竹篙打沉一船人，人與人之間要有信任，冇咗信任生活就太辛苦啦，我成日都諗住將心比心，如果仲係俾人呃，我又甘願黐埋去就真係命中整定。」問到何時遇着衰男人？入行後有冇出現過？她直言：「自懂事開始就有發生，呢啲係累積落嚟嘅，每次我都會視為人生課題，會好好去檢討，係挫折中成長，當然試過重覆犯錯，唯有提高警覺，呢啲人生課程係好值得學習，將來都會咁樣去教導下一代。」
子珊最新緋聞男友是已婚的「鬍鬚陳豪」，著名Tango老師Ka Mong
35歲的子珊坦言恨嫁，「我記得有個前輩曾經同我講過，搵錢容易過搵男人，原來係真嘅，搵錢係掌握之內，但搵個可以陪自己終老嘅男人呢？可遇不可求，搵個唔啱自己嘅日日對住一定好頭痛，事實上身邊朋友有太多失敗例子，呢啲全部都係我參考性課題，勉強無幸福，真係可免則免，更何況，婚姻唔係人生全部，我有更多工作等住要做。」至於擇偶條件，子珊要求熟男，年紀比她大一截，要有豐富人生閱歷，包容度比較高咁就冇交嗌！她笑說：「講真我有啲細路仔脾氣，有時會情緒化小小，好希望身邊人EQ可以高小小配合吓啦。」
黎明是子珊第一位緋聞男友
身邊無伴，子珊目前將所有時間投放在工作上，問到會否如胡杏兒般離開TVB向外闖？她竟說：「我好懶架都未諗，而且鍾意憑直覺做事，太理性分析我會好易出錯！」不過，她一口否定失寵說法：「呢啲話題經常性都有，不過我就戥落筆嗰個陰功，睇嘢咁負面會好辛苦架，我個人好正面，呢啲報道唔會影響到我。」另外，子珊仲點名大讚「妹妹」朱千雪：「佢好有演戲潛質，我幾鍾意佢，不過就建議佢唔好似我做宅女，要出多啲街接觸下唔同嘅人與事去擴闊演戲範疇。」
子珊唔介意拍廣告賣性感
