承認係不雅片主角 吳偉豪唔介意私處尺寸被討論

吳偉豪說：「冇乜放喺心。」

憑處境劇《愛．回家之開心速遞》飾演「朱凌凌」一角而為人熟悉的吳偉豪，上月於網上流出全裸沖涼片，令人嘩然！據悉，事發後他並沒有遭勒令停工，僅休息數日便復工拍攝，此情況相當罕見。適逢周日（20日）是父親節，《愛．回家》今日（18日）假電視城舉行宣傳活動，捲入不雅片風波後首度現身的吳偉豪，席間也表現得相當投入自如。

處境劇《愛．回家之開心速遞》今日舉行宣傳活動。

吳偉豪（前右二）仲全程笑容滿面。

活動後，吳偉豪又大方接受傳媒訪問，但藝人部卻嚴陣以待，派出兩名經理人到場協助。全程表現淡定的他，表示一直都有繼續開工，事件已交由警方處理，自己會專注工作。問到為何影片會流出？吳偉豪僅答：「詳細交畀警方，不方便評論。」並乘機感激家人、同事、朋友及粉絲的支持。

吳偉豪承認係不雅片中的主角，直言自己唔應該咁做。

吳偉豪於活動中表現得相當投入自如。

那麼片中人是否他本人？吳偉豪坦白承認，問可有後悔？他說：「我係唔應該咁做。（公司照肺？）多謝公司體諒同支持。」對於網上熱烈討論其私處尺寸問題，可有感到不開心？吳偉豪說：「冇乜放喺心。」至於被問到是否前女友報復而導致流出等敏感問題，吳偉豪均以交由警方處理為由避談。追問可擔心有更多片段流出？他表示不擔心。

吳偉豪上月於網上流出全裸沖涼片。

事發後，吳偉豪（左三）並沒有遭勒令停工，僅休息數日便復工拍攝。

吳偉豪於不雅片曝光後首度現身公開活動！

無綫電視慶祝58周年台慶，匯聚全台藝員及歌手傾力演出之大型特備節目《萬千星輝賀台慶》，將於今晚（11月19日）假電視廣播城隆重舉行，吳大強與吳偉豪再次父子檔現身紅地氈，但二人就透露今次只在開場是有同台演出。

本網記者攝

本網記者攝

問到會否希望抽到大獎，二人異口同聲表示想，吳大強希望可以同家人一齊分享，而吳偉豪則表示：「我覺得係咪大獎都唔緊要，總之有獎就得啦，因為我入咗行十年，我一個細獎都冇抽過，希望今年任何獎都好。」吳大強又透露在外面不時會抽中獎，但在台慶就未試過，吳偉豪聞言指是媽媽有抽獎運！

本網記者攝

吳偉豪正在拍攝《飛常日誌2》及《璀璨之城》，而《中年好聲音》出身的吳大強最近亦有劇拍，正在拍攝《風華背後》，在劇中飾演高層的他表示：「我學到好多嘢，學到好多演技嘅嘢，我雖然我年紀唔細，但係喺拍戲都係一個新人，跟咗咁多好好演技嘅演員一齊，我覺得好開心。」他又好開心能與汪明荃（Liza姐）有對手戲，「我都覺得我自己係好幸運，可以同佢地一齊拍，以前睇得多，而家有機會拍，個心情唔知點樣，好難形容，好似係咪真嘅呢定發緊夢呢，但係總之都係好開心，我都會好努力拍好佢。」

本網記者攝

提到早前大排筵席慶祝71歲生日，吳大強表示：「我平時都好少話生日擺酒，但係今年覺得，唔知點解突然有呢個興致，話真係搞一個比較大型啲嘅叫好多朋友，新嘅舊嘅都有，希望佢哋都可以聚首一堂，咁今次都好開心，好多謝各位朋友賞面！」問到會否催四個兒子早日成家立室？吳大強直言：「其實唔使催㗎啦，我都想！不過都係順其自然啦，呢啲決定權都喺佢哋嗰度，只要佢哋開心、幸福咁就得啦！」並指每個父母都希望仔女成家立室，但他兒子們目前都是在衝刺階段，以工作為先，「搞好自己個基礎事業先，拍拖嘅嘢隨時都可以！」

本網記者攝