助理消防區長吳偉諾提醒市民防風 原來係Bill哥哥大仔

超強颱風「樺加沙」襲港，全港市民嚴陣以待。昨日TVB新聞台播放消防處防風忠告時，負責出鏡的助理消防區長（公眾安全及傳訊）吳偉諾，竟被眼利觀眾認出，原來正是《中年好聲音》人氣參賽者吳大強（Bill哥哥）的大仔！

Bill哥哥一門四傑

Bill哥哥大仔吳偉諾專業出鏡

吳偉諾以專業身份，提醒市民颱風天必做兩大防護措施：「第一，將貴重物品及家電遠離窗戶，以免玻璃爆裂或漏水時損毀；第二，可於窗戶貼上膠紙，加強固定，同時減低玻璃碎裂時造成的傷害。」專業叮嚀相當實用。

事實上，吳偉諾今年初還曾遠赴緬甸，參與7.7級大地震的搜救行動，表現相當英勇。

曾遠赴緬甸，參與7.7級大地震的搜救行動

而說到吳家背景，更加勁到不得了！爸爸吳大強因《中年好聲音》再度爆紅；大仔吳偉諾是助理消防區長；二仔吳偉言是飛機師；三仔吳偉豪則是TVB力捧小生，在《愛回家》飾演「朱凌凌」；孻仔吳偉傑則在澳洲修讀藥劑課程，兼任模特兒。堪稱「星級超強家族」，四兄弟各有成就。

三仔吳偉豪則是TVB力捧小生

孻仔吳偉傑兼任模特兒

無綫電視慶祝58周年台慶，匯聚全台藝員及歌手傾力演出之大型特備節目《萬千星輝賀台慶》，將於今晚（11月19日）假電視廣播城隆重舉行，吳大強與吳偉豪再次父子檔現身紅地氈，但二人就透露今次只在開場是有同台演出。

本網記者攝

本網記者攝

問到會否希望抽到大獎，二人異口同聲表示想，吳大強希望可以同家人一齊分享，而吳偉豪則表示：「我覺得係咪大獎都唔緊要，總之有獎就得啦，因為我入咗行十年，我一個細獎都冇抽過，希望今年任何獎都好。」吳大強又透露在外面不時會抽中獎，但在台慶就未試過，吳偉豪聞言指是媽媽有抽獎運！

本網記者攝

吳偉豪正在拍攝《飛常日誌2》及《璀璨之城》，而《中年好聲音》出身的吳大強最近亦有劇拍，正在拍攝《風華背後》，在劇中飾演高層的他表示：「我學到好多嘢，學到好多演技嘅嘢，我雖然我年紀唔細，但係喺拍戲都係一個新人，跟咗咁多好好演技嘅演員一齊，我覺得好開心。」他又好開心能與汪明荃（Liza姐）有對手戲，「我都覺得我自己係好幸運，可以同佢地一齊拍，以前睇得多，而家有機會拍，個心情唔知點樣，好難形容，好似係咪真嘅呢定發緊夢呢，但係總之都係好開心，我都會好努力拍好佢。」

本網記者攝

提到早前大排筵席慶祝71歲生日，吳大強表示：「我平時都好少話生日擺酒，但係今年覺得，唔知點解突然有呢個興致，話真係搞一個比較大型啲嘅叫好多朋友，新嘅舊嘅都有，希望佢哋都可以聚首一堂，咁今次都好開心，好多謝各位朋友賞面！」問到會否催四個兒子早日成家立室？吳大強直言：「其實唔使催㗎啦，我都想！不過都係順其自然啦，呢啲決定權都喺佢哋嗰度，只要佢哋開心、幸福咁就得啦！」並指每個父母都希望仔女成家立室，但他兒子們目前都是在衝刺階段，以工作為先，「搞好自己個基礎事業先，拍拖嘅嘢隨時都可以！」

本網記者攝