非份之罪｜阮浩棕連環咀嘴劉佩玥余思霆被嘲「男人公敵」施焯日首度挑戰輕度智障角色天真笑容勁治癒

娛圈事

非份之罪｜阮浩棕連環咀嘴劉佩玥余思霆被嘲「男人公敵」施焯日首度挑戰輕度智障角色天真笑容勁治癒

2026年06月28日 15:00 最後更新：15:39

全新「小品式人性反思」另類寫實劇集《森下仁丹Bifina Si益生菌呈獻：非份之罪》以六個單元故事構成，分別為《無臉女屍》、《石棺禁戀》、《一億殺機》、《危險遊戲》、《骯髒的子彈》及《恐怖情人》！為配合宣傳，無綫近日陸續推出單元宣傳片及發布官方宣傳照，當中最吸睛的，非阮浩棕、劉佩玥、余思霆、何沛珈主演的壓軸單元《恐怖情人》莫屬。

根據宣傳片，《恐怖情人》改編自2012年發生在美國的一單恐怖情人案，被害人持續受到前女友各適其適的恐怖騷擾。在短短半分鐘的宣傳片中，飾演靈媒的余思霆不但目露兇光，而且還有一句：「你咁鍾意佢吖嘛，準備做對苦命鴛鴦啦！」的對白，配以阮浩棕及劉佩玥歷盡劫難的鏡頭，劇情滿是張力。

點擊看圖輯

焦點圖片

阮浩棕《恐怖情人》

施焯日《一億殺機》

吳偉豪《危險遊戲》

除了「驚險」，《恐怖情人》還有不少粉紅元素，根據官方發布劇照，阮浩棕在劇中與劉佩玥及余思霆均有大量嘴戲！對於劇中要周旋於兩位靚女之間，阮浩棕笑指其實是壓力爆煲：「劇組每次拍親熱戲，都叫我小心出街嗰陣會變男人公敵，都幾搞笑。」阮浩棕續指，這個單元故事雖然只有5集，但劇情並不簡單，反轉再反轉之餘，每個角色都有自身不可告人的秘密，並透露單元中除有意想不到的體力勞動場口，還有意想不到的親密場面，聽落期待值爆燈。

除了阮浩棕，之前憑《正義女神》贏盡關注的施焯日，以及近年拍劇屢獲好評的吳偉豪，在各自單元中都有非一般發揮。先說施焯日Arthur，在《一億殺機》飾演輕度智障人士，並是整個爭產事件的磨心及核心人物！談到首次挑戰輕度智障角色，施焯日坦言有難度兼事前感到壓力，並感謝監製Amy姐一再鼓勵：「其實拍之前，Amy姐有一直問我緊唔緊張，我就梗係話緊張啦，但Amy姐就話：『唔使驚吖，做番自己得架喇』。」並笑謂拍攝時自由度很大：「因為我個角色係天真爛漫開心仔，加埋有輕度智障，變相佢做咩都會好似好合理咁，所以拍嗰陣佢哋係任由我諗到咩就做咩。」

至於樣子正氣的吳偉豪Ricco，這次將首度挑戰「渣男」角色。在《危險遊戲》中飾演「渣導」的他，除了欠缺同理心、以整蠱人為樂及作為博取眼球的工具外，身為網台老闆的他，更會壓榨欺凌下屬，及利用狂迷Wendy（胡敏芝飾）去滿足他各種慾望。根據官方發布宣傳片及劇照，Ricoo在單元中不但經常兇神惡煞，而且笑容亦帶邪氣，相信屆時演出一定帶給觀眾不少新鮮感。

往下看更多文章

非份之罪｜葉靖儀初試啼聲擔大旗壓力爆煲胡敏芝顛覆乖乖女形象為吳偉豪「戴假胸」變癲婆

《森下仁丹Bifina Si益生菌呈獻：非份之罪》以六個單元故事構成，分別為《無臉女屍》、《石棺禁戀》、《一億殺機》、《危險遊戲》、《骯髒的子彈》及《恐怖情人》；六個單元圍繞形形色色的「貪念」（非份之想），從而引發出連場暗黑「人性迷途」（犯罪）故事，全部取材真人真事。

賴慰玲陰暗面女護士忠奸難辨

為了增加新鮮感，《非份之罪》起用了相當多的演員，包括實力演技派、金牌綠葉及潛力新生代演員。今日（6月26日）官方率先發布了三位重點女演員：賴慰玲、葉靖儀及胡敏芝在劇中的精彩劇照，三人在各自單元中均有突破性演出。先說《石棺禁戀》主角賴慰玲（阿賴/Winki）及葉靖儀（Michelle），二人分別飾演善良但有著見不得光陰暗面的護士謝芷君（Cathy）；以及為了黐飲黐食、連畀人抽水都唔介意的迷途少女何佩雪（阿雪），兩個原本毫不相干的人，因為一單石棺藏男屍案離奇地走在一起。

Michelle首擔大旗即要應付大量對白+情緒戲挑戰極大

《非份》是Michelle首度挑大旗擔當重戲份角色，與出名好戲的前輩賴慰玲及鄧智堅有極多對手戲之餘，還要應付多場極致情緒場口，對於新人來說絕對是嚴峻考牌作。Michelle接受官方訪問時，坦言起初獲Amy姐邀請開會談論劇本及角色時大感意外，因而做足功課之餘，亦大感壓力：「我其實唔識Amy姐，佢話因為睇過我同Winki合作（J2戀綜《CP訓練營》）。呢個角色真係超級大壓力，因為戲份都真係算多，當然我都好開心，因為我真係好鍾意演戲。頭幾日開工真係非常緊張，第一次記咁多對白，同Part咁勁嘅前輩。」、「我呢個角色少女得嚟又有啲大膽嘅，堅哥叫我做乜我就做乜，同啱啱入行嘅我都有啲相似，都算係乜都敢試，只係劇入面個角色再不顧後果啲。」

憑《CP訓練營》演出贏得監製信心監製王心慰（Amy姐）讚葉靖儀：有潛力更上一層樓

「我亦都好開心好開心第一次拍劇就Part到Winki，其實拍《CP》時佢已經教咗我好多關於做戲上嘅嘢，而我對住佢亦冇咁緊張，因為佢好Nice，佢好多嘢都解釋得好清楚我聽，好似拍喊戲咁，佢話佢自己會聽啲會令自己感觸嘅音樂去幫助入戲，真係幫咗我好多」、「所以我每日開工都好開心，因為無論拍嘢同放飯都係同Winki一齊。」

問到Amy姐為何如此大膽起用新人出演如此高難度角色，Amy姐坦言一開始便想找新面孔演阿雪：「其實我同導演都搵咗好多新人試呢個角色，呢個角色除咗戇居居，又要靚女，咁佢係啱嘅。試鏡嗰陣，我哋有畀戲Michelle試，主要都係睇吓佢做唔做作。之後我睇埋佢喺《CP訓練營》嘅演出，我就更加有信心，仲有阿賴lead住佢添。」Amy姐還大讚Michelle表現不俗：「當然仲有進步空間，假以時日係有潛力更上一層樓架。」

《麻雀樂團》可愛二妹大暴走胡敏芝挑戰「胸大無腦」狂迷

至於之前憑《麻雀樂團》的可愛二妹「程晴」成功入屋的胡敏芝Karen，這次在《危險遊戲》中將顛覆觀眾認知、飾演凡事都去到好盡的狂迷Wendy、嚴重傾慕吳偉豪，更愛到過晒火…除了一洗清純乖乖女外表演癲狂角色，Karen在劇中還要迎來兩大極具視覺衝擊的挑戰—「戴假胸」及「玩飛索」。對於Wendy這個角色，Karen坦言「好有挑戰，同真係好癲」：「因為戲入面我哋好多整蠱人活動，其中一個活動就係玩飛索，我哋特登入咗東龍島，喺崖度跳落去。玩呢啲活動，未玩一定最驚，但其實跳落去嗰吓唔係好驚嘅，因為我本身都Enjoy刺激活動，我之前《野外步出3玩野加大馬》都有飛過。」至於為何要戴假胸，Karen：「呢個角色設定係有少少typical嘅胸大冇腦，所以要戴假胸，而佢亦都因為呢一點被吳偉豪利用。」另值得留意的是，Michelle與Karen在劇中的打扮均充滿青春氣息，值得期待。