非份之罪｜ 吳偉豪突破形象演極品渣男首集即死 胡敏芝為三點式場口「禁食」保苗條

由王心慰（Amy姐）監製、翁善瑩編審的「人性反思」另類寫實劇集《森下仁丹Bifina Si益生菌呈獻：非份之罪》，逢星期一至五晚八點半翡翠台播映。主要演員有吳啟華、陳煒、阮浩棕、劉佩玥、朱敏瀚、吳偉豪、賴慰玲、何沛珈、徐榮及單立文等。

吳偉豪角色一嚟即死。

昨晚（7月16日）首播的《危險遊戲》，由無綫一代年青演員擔綱演出，吳偉豪飾演的危家仁（Jarvis），是網台「每週一渣」主理人，以「笑嘅本質係源於不幸」這個歪理為出發點，靠著壓榨別人不幸的整蠱片賺取流量…為流量走火入魔的Jarvis，最後在一場「閉氣挑戰」直播中喪命，令設計整蠱他的下屬阿Tom（張翼東飾）、阿Paul（繆家慶飾）、以及疑似因愛成恨的「狂迷」Wendy（胡敏芝飾）成最大嫌疑人…

渣男嘴面一覽，但無論點奸都係一個字，型！

渣男嘴面一覽，但無論點奸都係一個字，型！

《危險遊戲》的特點，是透過警方查案角度、以插敍形式追查Jarvis死亡真相，所以吳偉豪（Ricco）一出場即死。被指突破框框的Ricco，在劇中飾演欠缺同理心、心胸狹窄、為流量沒有底線的「渣導」，自私自大冷血之餘，對下屬及深愛自己的Wendy亦Mean到極致，不但不斷打擊及壓榨三人，還設計陷害Tom及Paul，獲網民直指抵死。

對於Ricco突破好仔形象渣到盡頭，網民紛紛留言讚Ricco演技很紮實：「朱Ling（吳偉豪《愛‧回家》角色名）有啲戲」、「做得幾好」，並再度感嘆他顏值「零死角」，奸都奸得型過人。的確，Ricco的「渣男表情包」相當精彩，無論眼神、嘴角及說話語氣，都無時無刻帶著「狠勁」及「傲慢」，將「絕世渣男」演得入型入格。談到首演渣男，Ricco接受tvb.com訪問時坦言「起初有啲唔慣」：「呢個係我演過最乞人憎、最Mean同最自私嘅人，Amy姐（監製）想帶出嘅Message係只要外表正氣吸引，無論內裏幾衰、幾難頂，都會有人盲目崇拜，我最初都真係唔係好慣個角色咁串。」

胡敏芝劇中打扮勁青春。

跳彈床呢吓其實係好青春。

呢吓帶出Karen角色有幾癲。

當知道Ricco要佢著得咁暴露時，Karen先是嚇親，但為咗討好好快扮無事。

完全感受到佢笑容有幾牽強。

昨晚另一亮點，是胡敏芝（Karen）飾演的渣導「狂迷」Wendy。為了贏取深愛的「渣導」關注，Wendy在劇中瞓身去到盡「犠牲色相」，除願意著白恤衫「濕身跳彈床」，連「薄如蟬絲的喱士內衣」也肯著出鏡。昨晚Karen演繹得最好一幕，是當Ricco拿著暴露到極的內衣要求她著出鏡時，Karen先是展現難以置信的受害者可憐表情，但為了迎合Ricco，Karen很快收拾被蹧質的傷感，放棄底線強裝活潑、兼開心表示要支持有「遠見」的渣導，充滿掙扎的盲目展現了立體的人性。

Karen個樣好慘好可憐，而為咗望落唔好有肚腩，Karen拍呢場戲前「禁食」。

Karen個樣好慘好可憐，而為咗望落唔好有肚腩，Karen拍呢場戲前「禁食」。

Karen個樣好慘好可憐，而為咗望落唔好有肚腩，Karen拍呢場戲前「禁食」。

Karen個樣好慘好可憐，而為咗望落唔好有肚腩，Karen拍呢場戲前「禁食」。

為了演活勇於求愛「戀愛腦」Wendy，Karen不但「戴假胸」演出，還為了三點式泳衣場口「禁食」：Karen接受tvb.com訪問時說：「雖然之前拍綜藝都試過着泳衣，但今次係第一次拍Drama着，加上現場好多人，真係有啲緊張」、「因為呢場係食完晚飯先拍，嗰時冇點食嘢，因為驚食完會有肚腩。」

Karen戲內戲外均搏盡的演出，成功吸獲網民關注，大讚喜歡看她演戲的同時，並對Karen的「童顏指數」嘖嘖稱奇，有網民笑指拍攝時24歲的Karen望落只有14、15歲，並紛紛以阿妹稱呼她：「Karen真係好正，遲啲《三代同糖》日日有得睇，好期待」、「好似啱啱考完DSE咁」、「好似14、15歲」。談到童顏，Karen笑言直到現在，出沒旺角時依然會被問：「要不要買中學生書」，十分搞笑。

可愛到不得了！

老戲骨羅冠蘭驚喜現身。

除了兩位年青主角，老戲骨羅冠蘭的演出在網絡亦引發了極大水花，有網民認為難得老戲骨出山，案情自然沒有這麼簡單，因而大大增加了羅冠蘭的「可疑度」：「兇手仲唔係羅冠蘭？」、「有老戲骨出現極唔尋常」、「有羅冠蘭卡士好猛」。更有網民搞笑指，一見到羅冠蘭，就想起她2002年在劇集《天子尋龍》中飾演武則天的窮兇極惡樣，笑言心理陰影面積很大。

由王心慰（Amy姐）監製、翁善瑩編審的《森下仁丹Bifina Si益生菌呈獻：非份之罪》，星期五（7月31日）播出最終單元《恐怖情人》大結局！

《非份之罪》昨晚（31日）播出大結局，最終單元《恐怖情人》揭開真兇竟是外表溫柔的Angie（劉佩玥飾）。

Davis（阮浩棕飾）

《恐怖情人》大結局亮點，絕對是女主角劉佩玥（阿Moon）長達20分鐘的崩潰控訴戲碼！經過反轉再反轉，昨晚驚揭殺死靈媒Sylvia（余思霆飾）及網紅Liz（何沛珈飾）的真兇，竟是外表溫柔嫻淑的Angie（劉佩玥飾）。

事緣Angle因為設局陷害Davis媽咪（黎燕珊飾），反露出破綻引發Davis懷疑！為了引爆Angie真面目，Davis特意在親熱時叫錯舊愛Sylvia名字，成功令Angie嬲到眼凸兼成個彈起，失控爆喊的Angie，怒摑Davis的同時，還不斷歇斯底里喪鬧兼刀指Davis，情緒既反覆又激動。混亂間，Angie意外刺中家中毛公仔，結果掉出Sylvia人頭，大受衝擊的Davis嚇到即時作嘔！

阿Moon上演長達20分鐘的「淚之自白」，情緒遊走於委屈、癲狂暴怒與絕望之間，眼神空洞失焦，聲線極具感染力。

獲網民激讚「令人相信Angie真係癡咗線」。

情緒遊走委屈心痛癲狂暴怒之間
在這段長達20分鐘的「淚之自白」中，阿Moon經歷了幅度甚大的情緒過山車，既有「得不到愛」的無力感、自怨自憐的委屈感、暴風式的震怒，還有扭曲式的憎恨及妒忌；為了配合角色的情緒起伏，阿Moon除喊出「河流式淚痕」，聲線亦是遊走於絕望、痛心、憤怒與癲狂之間，當中尤以絕望時釋出的空洞失焦眼神最大感染力，令人確切感受到其生命在枯萎，演技極之亮眼。另Angie對於死者Sylvia及Liz，以及Davis媽咪的「歪理級指控」，亦是句句經典，完全符合網民神劇標準：「我冇錯，錯嘅係佢哋」、「我覺得佢係抵死架」、「你阿媽想日日同你一齊吖嘛，我就要佢永遠都失去你」，當中最令人心寒一句，是她解釋為何要鋸掉Sylvia的頭：「Sylvia你覺得佢靚吖嘛，我就要切佢個頭落嚟擺喺呢度，我要佢日日望住我哋有幾咁恩愛」、「我要佢死都死得唔眼閉！」

其實與陳煒在《一億殺機》中的角色一樣，阿Moon飾演的Angie原本也能開心簡單地生活下去，無奈因為對Davis執念太深，反覆的「我只係唔想冇咗你」、「點解唔係咁樣嘅」以及「我人生最錯嘅事就係不惜一切咁愛你」極端想法，最終令她走上絕路，毁掉了兩條寶貴生命的同時，亦親手摧毁了自己的人生，以及自己最執著的愛情。昨晚結尾，亦憑藉一個心口上的胎痣，揭出了童養媳的真正身份是Angie，《恐怖情人》單元正式淒美落幕。

對於《非份之罪》圓滿落幕，網民大感不捨，搞笑大嘆：「點解《非份之罪》會完！」，更有網民妙想天開，希望已退休的監製Amy姐與編劇能添食再拍第2季！網民昨晚絕對是「讚不絕口」，並大大力嘉許了《非份》幕後：「文戲情緒張力好澎湃，亦感受到劇情推進，實屬令人眼前一亮嘅新嘗試」、「Shout Out To All編劇」、「好耐冇試過睇電視睇到咁緊張」、「這個戲真心好睇」、「真係今年暫時睇過最好睇嘅劇集，肯用新人，配搭有驚喜，劇本夠精彩，絕對係佳作」、「睇完心情久久未能平復，太震撼，真係好難想像套戲咁好睇」、「令人窒息的愛」、「未到最後都唔知邊個係童養媳再世攞債」、「仲以為周家少爺嘅故事係老作，原來係真」、「非份之罪係近年TVB懸疑劇世一」、「今晚呢集絕對配得上全劇大結局。」

為配合角色，阿Moon刻意在後段轉變濃艷妝容象徵「愛情」漸近。

何沛珈全程陪伴助她投入情緒。

網民讚Moon演技有說服力：令人相信Angie真係癡咗線
至於阿Moon昨晚的Solo擔網演出，亦贏得了不火好評：「真係做得好好，好自然，唔浮誇，睇到都覺得佢值得同情」、「完全感受到女方愛到完全失去自我」、「阿Moon呢Part真係好刺激」、「佢令人相信Angie真係癡咗線。」

另值得留意的是，為了配合劇情，阿Moon角色的妝容前後有明顯變化，在起初出場時，賢妻Feel爆燈的阿Moon、衣著妝容均偏向淡雅風，而到了後段劇情，阿Moon的妝容明顯偏向濃艷，原來這些都是阿Moon的專業小心思，阿Moon受訪時說：「真係冇諗過大家會發現到Angie個妝嘅唔同及轉變，本身呢樣嘢純粹係我嘅小小設計同輔助等自己入戲啲，Angie愈多打扮，愈多小心機，就好似象徵住佢同佢所諗嘅『愛情』愈近。」

談到20分鐘崩潰控訴戲（中間加插回憶部分），Moon透露即使是回憶獨白部分，為了讓觀眾看起來一氣呵成，她選擇在現場一次過順演，不靠後期配音，再顯專業一面：「其實呢場戲對我嚟講真係好大挑戰，拍之前我應承我自己我一定要將劇本全部對白同VO獨白內容喺現場一次過演出嚟，因為如果後期配音講獨白，有機會情緒同聲線演繹會唔接，所以一路演一路講一路爆真係好好玩。真係好想多謝導演、攝影師同所有幕後製作團隊配合，大家好畀心機喺唔同角度去拍、先可以好流暢咁畀我演繹到，所以呢一幕係大家合作嘅成果。」 

網民大讚劇集是「近年TVB懸疑劇世一」，更敲碗開拍第二季。

感激何沛珈通宵力撐陪伴
Moon又感激在相關場口佔戲不多的何沛珈，全程在現場陪住幫助她投入情緒：「好多謝好多謝Amy姐畀呢個機會我，佢真係好叻好厲害，係我一位好尊敬嘅老師，能夠喺佢退休前參與到佢呢套劇，與有榮焉！當然仲要多謝我嘅好拍檔浩棕，唔知點解一望住佢，諗住我哋兩個角色經歷嘅嘢，我就瘋狂到收唔到聲。好多謝珈珈，因為我有個位好需要佢畀我望住嚟演，佢就全程陪住我去幫我（投入），所以一定要多謝珈珈。」何沛珈受訪時亦坦言為幫Moon Moon打氣，只有數秒戲份的她，亦在拍攝現場留足全程，果然好姐妹。