被娟姐狂問193緋聞 陳海寧：唔好令三萬「老婆」攻擊我

陳海寧強調與193只係朋友。

「Dee姐」陳海寧在今年年初爆戀上193@ERROR，其後更被指以緋聞女友的身份亮相《ERROR自肥企画》，不過兩位當事人未有承認關係。日前陳海寧與黃溢濠齊齊上ViuTV節目《有酒今晚吹》時，被進擊的娟姐追問戀事。

娟姐狂問陳海寧與193的關係！

事緣因為陳海寧與ERROR的阿Dee撞樣，強尼和娟姐一唱一和地形容陳海寧與ERROR關係千絲萬縷，但她反而覺得阿Dee與自己的爸爸相似，尤其是對眼，娟姐接着說：「呢啲係咪叫夫妻相？」陳海寧一臉無奈地說：「點解兩個人似就係夫妻相！」強尼打蛇隨棍上：「有啲嘢，吹下吹下就係架喇！」

娟姐笑稱受193的老婆所托。

娟姐索性單刀直入地說：「193老婆們託我問你同193係……」未講完，陳海寧已經斬鐵截鐵答：「朋友囉！」不過娟姐明顯唔收貨，繼續追問︰「啲網民好勁，搵啲蛛絲馬跡，點解你影啲相經常高炒到黐線，跟住就話一定係193影，究竟你哋係咪一齊tea，一齊去沙灘？」

陳海寧多次迴避。

陳海寧解釋︰「我身高165cm，高過我嘅男仔多的是。」但娟姐咬住唔放：「咁啲相係咪193幫你影？」強尼在旁笑笑口嗌精彩，陳海寧一臉尷尬地說：「我唔想……唔係呀！」進擊的娟姐又發功︰「咁你同193有冇發展可能？」

強調與193只係朋友。

陳海寧臉露尷尬︰「暫時我哋係朋友。」雖然娟姐一直追問，但陳海寧繼續迴避：「聽日我會唔會死，我都唔知啦！」娟姐︰「咁即係有冇限嘅發展可能，係咪？」此時強尼插咀︰「知唔知娟姐點解問得咁仔細，因為話晒你哋係家屬，佢又係同肥仔傳過緋聞。」

陳海寧表示拍拖都會低調處理。

避無可避的陳海寧唯有說︰「以我呢個年紀，遇到任何喜歡嘅人，我會好好把握，但你唔需要對號入座……（193係咪其中一個？）唔係呀，求求大家，唔好令三萬『老婆』攻擊我，無論我遇到任何喜歡嘅人，我都選擇低調。」強尼即插咀︰「但人高好難低調！今日真係好開心，因為發現原來係一個家屬聚會，除咗恭喜，都唔知講咩！」

陳海寧不希望被「老婆」們攻擊。

強尼笑稱原來是家屬聚會。

陳海寧Isabella近日以Y2K造型現身旺角，去建造業推廣計劃的巨型懷舊「招聘廣告」前打卡，亦為一眾年輕人打氣，宣傳建造業筍工！

建造業搵你！由銅鑼灣搵到旺角喇！建造業界聯手舉辦的「看『建』未來 『築』及生活 香港建造業推廣計劃」（計劃）「刊登」的巨型懷舊「招聘廣告」以一身搶眼的綠色於8月初起橫空降臨旺角星際中心，繼續「築」緊人才！由今日（8月28日）起一連四日，計劃帶同「建造業應援車」遊走全港各地，招攬大家加入建造業，同時為建造業界的巴打絲打應援！正值暑假最後一星期，與珈其多次合作的陳海寧（Isabella）今日（8月28日）亦驚喜現身旺角，把握最後機會與巨型珈其打卡之餘，更趁機為一眾年輕人打氣，並宣傳建造業這份筍工！

活潑開朗的陳海寧（Isabella）加上搶眼又吸晴的「招聘廣告」吸引到不少途人駐足，Isabella笑指：「之前建造業喺銅鑼灣鬧市嗰塊橙色巨型懷舊『招聘廣告』我都已經有留意，每次搭車經過見到好多途人同珈其合照，仲有好多artiste朋友都有去打卡post上social media。今次好開心可以有機會嚟到旺角呢個巨型廣告牌前同珈其打卡，綠色懷舊設計嘅廣告牌又夠哂Y2K feel，襯埋我今日個look，好正呀！」

親身到建造業廣援車，旺角站向學生打氣

正值暑假尾聲，旺角街頭充滿著學生，Isabella亦趁機向他們打氣，寄語學生們新學期可以找尋到適合自己的方向：「回想起自己小時候都曾『自我懷疑』，為未來方向迷茫，幸運地遇上好機會有份參與綜藝節目，從而得到更多演藝機會。其實現今社會充滿著不同的可能，好似建造業都絕對係一份筍工，工種選擇眾多，不單止前線工作人員，亦有建築、土木工程、機電工程和測量等多個不同範疇，而且融入科技協助，加上未來有多項基建，工程量會大增，所以相信只要大家勇於探索及嘗試，一定可以找到合適的新方向！」Isabella更熱情地與大家一同欣賞「建造業應援車」上播放由珈其出演的建造業全新廣告。

回想起自己小時候都曾『自我懷疑』，為未來方向迷茫，幸運地遇上好機會有份參與綜藝節目，從而得到更多演藝機會

高溫加猛烈陽光，仍然無阻一眾建造業界的巴打絲打緊守工作崗位。由建造業業界代表組成的「應援隊」將與「建造業應援車」於8月30及31日走訪全港九新界多個地盤工地，向一眾在酷熱天氣下仍在戶外默默建設美好社區的建造業工友免費大派超過1,000份消暑水果及凍飲，為他們打氣，感謝他們的辛勞及付出。Isabella亦大讚活動貼心並率先為業界工人打氣：「依家天氣又焗又熱，自己有時係戶外拍攝都覺得好辛苦，更莫講一班每日都係戶外工作嘅建造業工友，好希望準備嘅消暑水果及凍飲可以為佢哋帶來一絲涼快，衷心多謝你哋為香港社區建設努力付出，建造業加油！」

「建造業應援車」於8月30及31日走訪全港九新界多個地盤工地，向一眾在酷熱天氣下仍在戶外默默建設美好社區的建造業工友免費大派超過1,000份消暑水果及凍飲，為他們打氣。Isabella亦大讚活動貼心