否認與男友因結婚不成而分手 李佳芯：原因我哋自己知

李佳芯話分手有好多個原因。

李佳芯（Ali）今日到荃灣宣傳劇集《智能愛人》，獲大批粉絲到場打氣，她稱已久未出席公開活動見粉絲，透露私下有與粉絲見面，一同與視障、聽障及長者等進行共融活動，問到可會考慮成立基金或慈善團體，她稱：「如果我有這種影響力也希望做到，可以幫更多人，其實這是粉絲們自發，即使我開工他們也會組織活動進行探訪。」

Ali否認遷入大角咀三千萬豪宅。

陸永同李佳芯有唔少對手戲。

Ali近日受訪坦承因為逼婚不遂而與男友陳炳銓分手，她表示：「其實嗰陣係美容代言活動宣傳，冇諗過會變咗做感情事擺咗喺雜誌封面，其實內容唔係我想去講，一向以嚟感情事我都唔會講太多，總之唔係因為結婚不成而分手，可能是標題令到事情誇大咗，（分手）唔會因為一個原因，原因我哋自己知。（再拍拖會唔會再主動提出結婚？ ）呢個年代最重要係，覺得感覺啱就去做，女仔唔會唔可以求婚，如果有對象，為咗將來其實邊個提出都冇問題，大家有心行落去，呢個話題點都會討論，最重要係有共識，幾時達成要講緣份。」

李佳芯宣傳劇集《智能愛人》，獲大批粉絲到場打氣。

李佳芯唔覺得女仔唔可以主動求婚。

另外，Ali更被指近日遷入大角咀三千萬豪宅，她表示：「可能有幾次喺嗰度出入，大家就以為我住喺度，我覺得夠住就可以了，多謝大家關心，我會努力儲錢令到自己同屋企人有更好生活，我都想買樓，但係搵錢真係好辛苦，要睇定啲先可以。」

李佳芯話分手有好多個原因。

由黎諾懿、Ali李佳芯主演的馬來西亞Astro Originals黑幫權謀劇《義和》（The Exiled），開播以來不僅話題十足，而且口碑甚佳，二人飾演的黑幫人物江湖味十足，一洗七年前《BB來了》的新手爸媽形象，新劇不乏追車、講數、槍戰、打鬥等刺激場口，不過吸睛鏡頭的背後，兩位主角都付上「代價」，其中連場打戲的黎諾懿，觸痛舊患，膊頭韌帶九成撕裂，而Ali則指今次角色大部分都是沉重場口，絕對是有血有淚。

黎諾懿、李佳芯飾演黑幫人物，江湖味十足，一洗7年前《BB來了》的新手爸媽形象。

《義和》講述黑幫「義和」老大突然身亡，內部權力真空引爆連場角力，飾演老大老婆「冰姐」的Ali與社團第二把交椅「漢哥」的黎諾懿，及虎視眈眈的黑幫新勢力和警方，展開一場龍爭虎鬥，當中「漢哥」黎諾懿更有連場打戲，黎諾懿表示：「今次有好多古惑仔打鬥戲，有好多拳腳、動刀，最驚險係用到真嘅鐵刀、鐵鏟，要拍啲斬人戲份，真係要好小心，記得其中一個演員打完之後，佢成手都係血，因為佢畀個鐵鏟整親。」

李佳芯、黎諾懿再度合作，默契十足。

靭帶撕裂九成

黎諾懿亦因為拍攝打戲，膊頭嚴重受傷，「本身右邊膊頭有舊患，而為了應付大量打戲，搞到靭帶撕裂咗九成，而家仲醫緊，未完全康復，今次真係瞓身演出。」問到諾懿今次飾演古惑仔，可有向老友鄭伊健取經？黎諾懿自言角色表面斯文、內𥚃兇狠，是一位渴望洗白的古惑仔，沒有任何角色可參考。

飾演江湖人物的黎諾懿，在劇中有不少槍戰。

在劇中連場打戲。

親自上陣演打戲。

為應付大量打戲，觸痛舊患。

至於飾演社團大嫂「冰姐」的Ali，為了投入角色，數月來沉浸在陰沉的情緒當中差點崩潰，她說：「冰姐係一個好多經歷嘅人，老公過身、擔起社團責任，又要打、撞車，仲要有聲嘶力竭咁喊嘅戲份，大部分都係沉重場口，對演員嚟講係好慘，開機拍攝前嘅準備，連埋拍攝，幾個月都要沉溺呢種情緒！好彩暫時呢幾年，我都係一年一劇，有足夠嘅體力同精神去應付，雖然係沉重，但演繹上係過足戲癮，因為正常人生好難會做到呢啲嘢！」

李佳芯為投入角色，數月來沉浸在陰沉的情緒當中。

氣場極大反差

「冰姐」的人設與現實的Ali可謂有極大反差，Ali指：「其實飲酒、食煙，出入夜場，對現實生活嘅我已經係反差，不過講最大反差就係『氣場』，外人可能覺得我好硬淨，但我覺得自己唔係好有氣場，我個底蘊係順其自然，所以同冰姐一出場就要好壓場，喝一聲啲人就靜晒個氣場，好大反差。」

李佳芯飾演社團大嫂，江湖味濃。